មក​ដឹង​តម្លៃ​ទឹកឃ្មុំ សហគមន៍ចិញ្ចឹមឃ្មុំក្នុងឃុំសំឡូត
Connect with us

ព័ត៌មានជាតិ

មក​ដឹង​តម្លៃ​ទឹកឃ្មុំ សហគមន៍ចិញ្ចឹមឃ្មុំក្នុងឃុំសំឡូត

បានផុស

នៅ


ខេត្តបាត់ដំបង÷ ក្រៅពីរកបានកម្រៃសេដ្ឋកិច្ចគ្រួសារទឹកឃ្មុំក៏មានគុណប្រយោជន៍យ៉ាងសំខាន់ ដែលប្រជាជនខ្មែរតែងនិយម​យកប្រើប្រាស់លាយធ្វើជាឱសថសម្រាប់ព្យាបាលជម្ងឺមួយចំនួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឌុច ម៉េង ប្រធានសហគមន៍ចិញ្ចឹមសត្វឃ្មុំក្នុងឃុំសំឡូត ខេត្តបាត់ដំបងបានឲ្យកម្ពុជាថ្មីដឹងថា សហគមន៍ចិញ្ចឹមសត្វឃ្មុំរបស់​លោកបង្កើតបាន៣ឆ្នាំហើយរហូតមកដល់បច្ចុប្បន្ន។ បើទោះបីការចិញ្ចឹម មានការប្រឈមនឹងបញ្ហាខ្លះៗក៏​មិនដែលខាតដែរ តែងតែ​ផ្តល់លទ្ធផលបានល្អប្រសើរសម្រាប់ផ្គត់ផ្គង់សេដ្ឋកិច្ចក្នុងសហគមន៍​។

កសិករ​រូប​នេះ​បាន​បញ្ជាក់​ពី​តម្លៃ​ទឹកឃ្មុំ​ក្នុង១លីត្រលក់បាន៦មុឺនរៀល។ ក្នុង១ធុងចិញ្ចឹមដាក់បានចាប់ពី ៩ ទៅ ១០ ផ្លឹតហើយបានប្រមូលផលរៀងរាល់កន្លះខែម្តង។ យ៉ាងហោចណាស់ក្នុង​១​ធុង​ផ្តល់ទឹកបានចំនួន ៣លីត្រឡើងទៅ ។

លោកបន្តថា ផលដែលឃ្មុំបានផ្តល់ទឹករបស់វានៅរៀងរាល់កន្លះខែម្តងគឺក្នុងរដូវប្រាំង។ រីឯរដូវវស្សាវាផ្តល់ផលយឺតជាងរដូវប្រាំងហើយគុណភាពក៏ខុសគ្នាដែរ ដោយសាររដូវវស្សាសំបូរទឹកច្រើនធ្វើឲ្យទឹកមានសភាពរាវ និងមិនសូវមានរសជាតិផ្អែមចាស់ដូចក្នុងរដូវប្រាំងនោះទេ។

ចំពោះបញ្ហាប្រឈមកសិករ​ចិញ្ចឹម​ឃ្មុំ​រូបនេះ​ប្រាប់​ថា​ បណ្តាលមកពីកសិករប្រើប្រាស់ថ្នាំពុលបាញ់សម្លាប់សត្វល្អិតនៅតាមចម្ការតាង៉ែន ដែលធ្វើឲ្យប៉ះពាល់ដល់ជីវិតសត្វឃ្មុំ ខណះការចិញ្ចឹមលោកមិនបានប្រើចំណីដែលផលិតនោះទេគឺយករសជាតិពីធម្មជាតិពិតៗ ទើបអ្នកយកទៅប្រើប្រាស់មានប្រសិទ្ធិភាពលើសុខភាព។

លោកបញ្ជាក់ថា ការចិញ្ចឹមសត្វឃ្មុំអ្នកខ្លះគេផលិតជាចំណីដែលមានដូចជានាំចូលលំអងឃ្មុំពីប្រទេសចិន ដើម្បីមកផ្សំជាចំណីឬយកសណ្តែសៀងកិនឲ្យម៉ដ្ឋ ឬយកចំណីកូនជ្រូកដាក់លាយជាមួយស្ករស ដើម្បីឲ្យសត្វឃ្មុំក្រេបតែសម្រាប់​សហគមន៍​លោកមិនប្រើចំណីខាងលើនេះទេ។

លោកថាការចិញ្ចឹមឃ្មុំយកទឹកចេញពីធម្មជាតិចម្រុះនេះហើយ ធ្វើឲ្យទីផ្សារបស់លោកមានដំណើរការល្អមិនដែលខាតបង់នោះទេ បើទោះបីមានបញ្ហាប្រឈមមួយចំនួន ក៏​សហគមន៍​នៅតែរកកម្រៃសេដ្ឋកិច្ចក្នុងសហគមន៍បានល្អប្រសើរក្នុងរយះពេល​៣ឆ្នាំមកនេះ។

កសិករ​រូប​នេះ​ក៏​ប្រាប់​បន្ថែម​ថា នឹងបង្កើនទំហំនៃការចិញ្ចឹមនេះបន្ថែមទៀតទៅតាមលទ្ធភាពនាពេលខាងមុខ៕

អត្ថបទ៖​ សៅ សារិទ្ធ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២០ វិនាទី មុន

ចិនគ្រោង​បញ្ជូនក្រុមវេជ្ជសាស្ត្របុរាណ​​ មក​ជួយ​គ្រូពេទ្យកម្ពុជាព្យាបាល​កូវីដ ​១៩

នយោបាយ៧ នាទី មុន

លោក មីន អោងឡាំង អាចចូលរួមប្រជុំអាស៊ានបាន ឬអត់ គឺអាស្រ័យលើការអនុវត្តតាមកិច្ចព្រមព្រៀងទាំង៥ចំណុច

ព័ត៌មានអន្ដរជាតិ១២ នាទី មុន

អ្នក​ជំនាញ​ថៃ​ម្នាក់​ប្រាប់​ហេតុ​ផល​ដែល​កូវីដ​នឹង​ចប់​ចុង​ឆ្នាំនេះ

ព័ត៌មានអន្ដរជាតិ១៤ នាទី មុន

ទុក្ខជាន់ទុក្ខ! ផ្ទុះកូវីដលើនាវាដឹកជំនួយទៅ តុងហ្គា ដែលរងគ្រោះដោយ ផ្ទុះភ្នំភ្លើង និងរលកយក្សស៊ូណាមិ

ព័ត៌មានជាតិ៥៣ នាទី មុន

សម្តេច ស ខេង បញ្ជាឲ្យស្វែងរកឲ្យឃើញនូវមូលហេតុដែលគ្រឿងញៀនវាយលុកធ្ងន់ធ្ងរក្នុងសង្គមកម្ពុជា

Sokha Hotels

ព័ត៌មានពេញនិយម