ព័ត៌មានជាតិ
សម្តេចតេជោ ហ៊ុន សែន ចង់កាន់អំណាចឱ្យបានប្រហែលព្រះបាទ ពញាយ៉ាត
សម្តេចនាយករដ្ឋមន្រ្តី ហ៊ុន សែន បានសម្តែងការអរគុណចំពោះការគាំទ្រប្រសាសន៍របស់សម្តេចដែលប្រកាសថា លោកឧត្តមសេនីយ៏ ហ៊ុន ម៉ាណែត ជាបេក្ខភាពនាយករដ្ឋមន្ត្រីកម្ពុជានាពេលអនាគត។ ប៉ុន្តែសម្ដេចតេជោ ក៏បានបញ្ជាក់ដែរថា រឿងលោក ហ៊ុន ម៉ាណែត ធ្វើជានាយករដ្ឋមន្រ្តីនេះ មិនអាចកើតឡើងក្នុងពេលឆាប់ៗនេះទេ ដែលយ៉ាងហោចណាស់ពី៨ ទៅ១០ ឆ្នាំទៀត ពីព្រោះសម្ដេចនឹងកាន់អំណាចយ៉ាងហោចណាស់ប្រហែលព្រះបាទ ពញាយ៉ាត។
នៅក្នុងពិធីសម្ពោធដាក់ឱ្យប្រើប្រាស់ផ្លូវជាតិលេខ១១ តភ្ជាប់ពីអ្នកលឿង ទៅកាន់ផ្លូវជាតិលេខ៧ ស្ថិតក្នុងស្រុកត្បូងឃ្មុំ ខេត្តត្បូងឃ្មុំ និងផ្លូវក្នុងក្រុងព្រៃវែង ជិត១០០ គីឡូម៉ែត្រនៅព្រឹកថ្ងៃចន្ទនេះ សម្តេចតេជោ ហ៊ុន សែន បានលើកឡើងយ៉ាងនេះថា៖«ខ្ញុំនឹងកាន់អំណាច ឱ្យបានតិចបំផុតស្មើព្រះបាទ ពញាយ៉ាត។ ព្រះបាទពញាយ៉ាត ព្រះអង្គបានគ្រងរាជ្យរយៈពេល៤៣ឆ្នាំ អញ្ចឹងខ្ញុំ ខែមករា ឆ្នាំក្រោយនេះ ថ្ងៃ១៤ ខែមករា ឆ្នាំក្រោយនេះ៣៧ ឆ្នាំ អញ្ចឹងបូក៨ឆ្នាំទៀត ឡើង៤៥។ អញ្ចឹងហើយ យ៉ាងហោចណាស់ក៏ស្មើព្រះបាទ ពញាយ៉ាតដែរ មើលនៅក្នុងមហាបុរសខ្មែរឡើងវិញ ព្រះអង្គសោយរាជ្យបាន៤៣ឆ្នាំ ប៉ុន្តែអស់ពីព្រះអង្គទៅសង្គ្រាមកើតឡើង»។
សម្ដេចតេជោ ក៏បានបញ្ជាក់ទៀតថា ការបញ្ចេញសារមួយនេះ គឺដើម្បីជាបង្ហាញ ក៏ដូចជា កាត់បន្ថយកង្វល់របស់ប្រជាពលរដ្ឋមួយចំនួន ដែលថា នឹងមានការរៀបចំផ្លាស់ប្ដូរនាយករដ្ឋមន្ត្រីក្នុងពេលឆាប់ៗខាងមុខ។ សម្ដេច បានសង្កត់ធ្ងន់ថា ក្នុង៨ ទៅ១០ ឆ្នាំទៀត នេះបើយោងទៅលើសុខភាពរបស់សម្ដេច ដែលមិនអាចកើតឡើងឆាប់ៗនេះទេ។ សម្តេចបានបញ្ជាក់ថា សម្តេចមានបេក្ខជនបម្រុងជានាយករដ្ឋមន្រ្តីក្នុងពេលអនាគតនៅក្នុងចិត្តចំនួន៤រូប។ ចំណែក ថ្នាក់ដឹកនាំទាំងឡាយដែលរួមដំណើរជាមួយសម្ដេច គឺនៅតែបន្តដំណើរជាមួយសម្ដេចដដែល៕
អត្ថបទ៖ កោះកែវ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ