ព័ត៌មានជាតិ
លោកស្រី យក់ សម្បត្តិ៖ ការពិភាក្សាពីការសង់រោងចក្រផលិតវ៉ាក់សាំងកូវីដ១៩ នឹងធ្វើនៅសប្តាហ៍ក្រោយ
លោក ស្រី យក់ សម្បត្តិ រដ្ឋលេខាធិការក្រសួងសុខាភិបាល បានមានប្រសាសន៍ថា ការពិភាក្សាស្តីពីដំណើរការសាងសង់រោងចក្រផលិតវ៉ាក់សាំងកូវីដ១៩រវាងក្រុមហ៊ុនក្នុងស្រុក និងក្រុមហ៊ុនចិន នឹងធ្វើនៅសប្តាហ៍ក្រោយនេះហើយ។ លោក ស្រីយក់ សម្បត្តិ បានបន្តថា ប្រទេសកម្ពុជាបានទទួលនូវការណែនាំដ៏ខ្ពង់ខ្ពស់បំផុតពីសម្តេចតេជោនាយករដ្ឋមន្ត្រី ដោយធ្វើការជិតស្និតជាមួយប្រទេសចិនពិសេស រោងចក្រផលិតវ៉ាក់សាំងនៅប្រទេសចិន។
ថ្លែងក្នុងឱកាសទៅទទួលវ៉ាក់សាំងអាស្ត្រាហ្សេនេកានៅព្រឹកថ្ងៃទី១០ធ្នូនេះនៅព្រលានយន្តហោះភ្នំពេញអន្តរជាតិ លោកស្រី យក់ សម្បត្តិ បានលើកឡើងថា៖«រឿងនេះ ប្រមុខរដ្ឋាភិបាលបានចេញ ស.ជ.ណ ដល់ក្រុមហ៊ុនក្នុងស្រុករួចហើយ នឹងបន្តធ្វើការជាមួយទូតចិន និងក្រុមហ៊ុនចិន ដោយសង្ឃឹមថា កិច្ចពិភាក្សា នឹងចាប់ផ្តើមនៅសប្តាហ៍ក្រោយ»។
គួរបញ្ជាក់ថា នៅក្នុងពិធីសម្ពោធដាក់ឲ្យប្រើប្រាស់ជាផ្លូវការផ្លូវជាតិលេខ១១ និងការសាងសង់គន្លងផ្លូវថ្មីវាងក្រុងព្រៃវែងនៅព្រឹកថ្ងៃទី០៦ ធ្នូ ឆ្នាំ២០២១កន្លងទៅនេះ សម្តេចតេជោ ហ៊ុន សែន បានអះអាងថា កម្ពុជា នឹងបើកដំណើរការរោងចក្រផលិតវ៉ាក់សាំងការពារជំងឺកូវីដ១៩ប្រភេទ «ស៊ីណូហ្វាម»របស់ប្រទេសចិននៅក្នុងស្រុកជាលើកដំបូងនាឆ្នាំ២០២២ខាងមុខនេះ។ បើតាមប្រមុខរដ្ឋភិបាល គឺបច្ចុប្បន្ន រដ្ឋាភិបាលនិងក្រុមហ៊ុនផលិតវ៉ាក់សាំងរបស់ចិនបានគាំទ្រ និងយល់ព្រមផ្តល់សិទ្ធិឲ្យកម្ពុជានូវលទ្ធភាពសាងសង់រោងចក្រផលិតវ៉ាក់សាំងក្នុងប្រទេស ខណៈក្រុមហ៊ុនដែលទទួលសិទ្ធផលិតវ៉ាក់សាំង ក៏បានចុះហត្ថលេខាលើកិច្ចព្រមព្រៀងរួចហើយដែរ។
សម្តេចហ៊ុន សែន បានបញ្ជាក់ថា នៅពេលដែលកម្ពុជាមានរោងចក្រផលិតវ៉ាក់សាំងក្នុងស្រុក នោះក្តីកង្វល់អំពីបញ្ហាកង្វះវ៉ាក់សាំងចាក់ជូនប្រជាពលរដ្ឋដែលជាទិសដៅអាទិភាព នឹងលែងជាបញ្ហាទៀតហើយ ពីព្រោះកម្ពុជានឹងអាចផ្គត់ផ្គងបានដោយខ្លួនឯងផ្ទាល់ និងអាចកាត់បន្ថយការដឹកជញ្ចូនតាមផ្លូវឆ្ងាយ ជាពិសេស វ៉ាក់សាំងអាចលក់ក្នុងតម្លៃសមរម្យជាងការបញ្ជាទិញពីក្រៅប្រទេស។ បន្ថែមពីនេះ សម្តេចនាយករដ្ឋមន្ត្រីក៏បានបញ្ជាក់ទៀតថា ក្រៅតែពីកម្ពុជាមានលទ្ធភាពប្រើប្រាស់វ៉ាក់សាំងផលិតក្នុងស្រុកហើយនោះ កម្ពុជាក៏អាចលក់ចែកចាយទៅក្រៅប្រទេសថែមទៀត ប្រសិនបើមានការបញ្ជាទិញពីប្រទេសក្រៅ៕
អត្ថបទ៖ សំអឿន
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍៥ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore