ព័ត៌មានជាតិ

ពិន័យម្ចាស់រណ្ដៅដី ៨ ទីតាំង ធ្វើអាជីវកម្មគ្មានអាជ្ញាប័ណ្ណ នៅខេត្តកណ្តាល

បានផុស

៤ years មុន

នៅ

ថ្ងៃសុក្រ ១៧ ធ្នូ ២០២១

ដោយ

អាជ្ញាធរខេត្តកណ្តាលបានសម្រេចពិន័យ ម្ចាស់ទីតាំងអាជីវកម្មរណ្ដៅដីចំនួន ៨ ទីតាំង ដែលស្ថិតនៅក្នុងស្រុកកណ្តាលស្ទឹង ដែលធ្វើអាជីវកម្មដោយគ្មានអាជ្ញាប័ណ្ណ ជីកខុសបច្ចេកទេស និងដឹកលើសទម្ងន់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងនៅក្នុងកិច្ចប្រជុំកាលពីរសៀលថ្ងៃទី ១៦ ខែធ្នូ លោក គង់ សោភ័ណ្ឌ អភិបាលខេត្តកណ្ដាល បានមានប្រសាសន៍ថាក្រុមការងារចម្រុះខេត្ត បានចុះធ្វើការពិនិត្យ នៅរណ្ដៅដីចំនួន ០៨ ទីតាំង ស្ថិតក្នុងស្រុកកណ្ដាលស្ទឹង ខេត្តកណ្ដាល និងបានរកឃើញថា ម្ចាស់ទីតាំងចំនួន ០៨ នេះ គ្មានអាជ្ញាប័ណ្ណ ជីកខុសបច្ចេកទេស និងដឹកលើសទម្ងន់ ត្រូវបានគណៈកម្មការចម្រុះ ធ្វើការផ្អាកអាជីវកម្មជាបណ្ដោះអាសន្ន។ លោកអភិបាលខេត្តបានណែនាំឱ្យម្ចាស់អាជីវកម្មរណ្ដៅដីចំនួន ៨ ទីតាំង ស្ថិតនៅស្រុកកណ្ដាលស្ទឹង ត្រូវតែបង់សួយសារចូលរដ្ឋ បង់ការផាកពិន័យ និងជួសជុលផ្លូវដែលទទួលរងការខូចខាតឡើងវិញ។

លោកអភិបាលខេត្ត បានស្នើឱ្យអាជ្ញាធរពាក់ព័ន្ធ មន្ត្រីជំនាញ ត្រូវធ្វើការសម្របសម្រួលជាមួយម្ចាស់អាជីវកម្ម ដើម្បីធ្វើអាជ្ញាប័ណ្ណជូនពួកគាត់ប្រកបដោយភាពរលូន និងឆាប់រហ័ស។

ទន្ទឹមនឹងនោះ លោកអភិបាលខេត្ត ក៏បានណែនាំដល់មន្ត្រីពាក់ព័ន្ធ មិនត្រូវទារថ្លៃសេវាលើស ពីម្ចាស់អាជីវកម្មទាំងអស់ ហើយក្នុងករណីមានមន្ត្រីយកលើសថ្លៃសេវា លើការចេញអាជ្ញាប័ណ្ណ ស្នើដល់ម្ចាស់អាជីវកម្មត្រូវរាយការណ៍ជូនភ្លាម ដើម្បីចាត់វិធានការតាមច្បាប់។ ជាមួយគ្នានេះដែរ គណៈកម្មការចម្រុះ ត្រូវបន្តចុះពិនិត្យ ដល់ទីតាំងរណ្ដៅដី ទាំងអស់នៅក្នុងភូមិសាស្ត្រខេត្តកណ្ដាល សំដៅពង្រឹងនូវអាជីវកម្មដឹកជញ្ជូនរ៉ែ ការធ្វើអាជីវកម្មដោយមានច្បាប់អនុញ្ញាត ការធ្វើតាមលក្ខខណ្ឌបច្ចេកទេសរ៉ែ និងបង្កើនបង់ពន្ធសួយសារចូលរដ្ឋ៕

អត្ថបទ៖ សំអឿន

Related Topics:ខេត្តកណ្ដាល

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា