ឆ្នាំ២០២១ ក្រសួងរៀបចំដែនដី ប្រមូលថវិកាបានប្រមាណ ១១៥លានដុល្លារអាមេរិក

ក្រសួងរៀបចំដែនដី នគរូបនីយកម្ម និងសំណង់ ប្រមូលចំណូលបានប្រមាណ ៤៧២ ០៦៩ ៥៦៦ ២៥៨រៀល ស្មើនឹង១១៥លានដុល្លារ នៅឆ្នាំ២០២១។

យោងតាមរបាយការណ៍របស់ក្រសួងរៀបចំដែនដី នៅថ្ងៃទី ៣០ ខែធ្នូ បានបង្ហាញថា ចំណូលរបស់រដ្ឋបាលកណ្តាល មានចំនួន ១៣ ៦០៣ ២២៩ ៨០១រៀល ក្នុងនោះ សេវាសំណង់ទូទៅ ចំនួន ១១ ៥២២ ៧១៣ ៣២៥រៀល, សេវាសំណង់លើសសន្ទស្សន៍ ចំនួន ២ ០៥០ ០០០ ០០០រៀល, សេវាព័ត៌មានសុរិយោដី តាមប្រព័ន្ធអេឡិកត្រូនិកចំនួន ៧ ៩៧១ ៨០០រៀល,  ចំណូលពីការជួលអចលនវត្ថុ ចំនួន ២២ ៥៤៤ ៦៧៦រៀល

ចំណែកចំណូលរបស់មន្ទីររៀបចំដែនដី នគរូបនីយកម្ម និងសំណង់ រាជធានី ខេត្ត ចំនួន ៤៥៨ ៦៦ ៣៣៦ ៤៥៧រៀល ក្នុងនោះ សេវាសុរិយោដី ចំនួន ៦០ ៤៤៥ ៧៨៦ ០៤២រៀល, សេវាសំណង់ទូទៅ ចំនួន ៣២ ៤២៥ ១០៩ ៥០០រៀល, ពន្ធប្រថាប់ត្រា (អគ្គនាយកដ្ឋានពន្ធដារ) ចំនួន ៣៦៥ ៥៩៥ ៤៤០ ៩១៥រៀល។

ក្រសួងរៀបចំដែនដី នគររូបនីយកម្ម និងសំណង់ បានឲ្យដឹងថា ចំណូលរបស់ក្រសួងដែនដីនៅឆ្នាំ ២០២១នេះ បើធៀបនឹងរយៈពេលដូចគ្នា កាលពីឆ្នាំ ២០២០ បានថយចុះ១.៦២% គិតទាំងពន្ធប្រថាប់ត្រា លើការផ្ទេរអចលនទ្រព្យ៕