នាយ​ឧត្ដមសេនីយ៍ សៅ សុខា៖​ជនល្មើស​ធនធាន​ធម្មជាតិ នឹង​ត្រូវ​ចារ​ឈ្មោះ ឧក្រិដ្ឋជន​ព្រៃឈើ - Kampuchea Thmey Daily
Connect with us
Helistar Cambodia - Helicopter Charter Services

ព័ត៌មានជាតិ

នាយ​ឧត្ដមសេនីយ៍ សៅ សុខា៖​ជនល្មើស​ធនធាន​ធម្មជាតិ នឹង​ត្រូវ​ចារ​ឈ្មោះ ឧក្រិដ្ឋជន​ព្រៃឈើ

Published

on

នាយ​ឧត្តមសេនីយ៍ សៅ សុខា ​ប្រធាន​គណៈកម្មការ​ជាតិ ដើម្បី​ទប់ស្កាត់ និង​បង្ក្រាប​បទល្មើស​ធន​ធាន​ធម្មជាតិ បាន​ជំរុញ​ដល់​មន្ត្រី​ពាក់ព័ន្ធ​ទាំងអស់​ឲ្យ​ពង្រឹង​ការ​អនុវត្ត​ច្បាប់​ឲ្យបាន​ម៉ឺងម៉ាត់​បំផុត និង​ធ្វើការ​ត្រួតពិនិត្យ​ក្រុមហ៊ុន តំបន់ព្រៃឈើ នៅមូលដ្ឋានរបស់ខ្លួន​ជាប់ជាប្រចាំ ដើម្បីថែរក្សាធនធានធម្មជាតិ​របស់​ជាតិ។

នៅក្នុងកិច្ចប្រជុំ នា​ថ្ងៃទី៨ ខែធ្នូ ឆ្នាំ២០២០ នៅបញ្ជាការដ្ឋាន កងរាជអាវុធហត្ថលើផ្ទៃប្រទេស នាយ​ឧត្ដមសេនីយ៍​ សៅ សុខា បានលើករបៀបវរៈនៃកិច្ចប្រជុំ ចំនួន​៤ ជាអាទិ៍ ១.ឆ្លងរបាយការណ៍ វឌ្ឍនភាព​និងបញ្ហាប្រឈមក្នុងចន្លោះពេលពីថ្ងៃទី១៧ ខែសីហា ឆ្នាំ២០១៩ រហូតដល់ខែវិច្ឆិកា ឆ្នា២០២០ ២.ត្រួតពិ​និត្យ​ការអនុវត្ត ស.ជ.ណ របស់រាជរដ្ឋាភិបាល លប់ L.PនិងP.C និងជំនួសវិញដោយ L.P និង P.C ថ្មី ដើម្បី​បង្កើននូវ​​ប្រសិទ្ធិភាព​ការងារ​គ្រប់គ្រងទៅលើលិខិតស្នាម​ដើម្បីជៀសវាងការ​ក្លែង​បន្លំ​លិខិត​ស្នាម​មិន​ត្រឹមត្រូវដោយជនខិលខូច ដើម្បីដឹកជញ្ជូន ឬធ្វើអាជីវកម្មព្រៃឈើបំពានច្បាប់ និង ស.ជ.ណ ឲ្យរៀបចំ​ច្រក​ចេញចូលតែមួយ ​សម្រាប់​រាជធានី ខេត្ត ទាំង២៥ ការ​ធ្វើ​ចរាចរ​ឈើ​បម្រើ​សេចក្ដី​ត្រូវការ ប្រើប្រាស់របស់​ប្រជាពលរដ្ឋនៅក្នុងប្រទេស ៣.ពាក់ព័ន្ធលើការប្រមូល​ភស្តុតាង​ ដែល​បាន​មកពីប្រតិបត្តិការរបស់​គណៈ​កម្មការ​ជាតិ យកមកប្រមូលផ្តុំ ដើម្បីរក្សាទុកជាភស្តុតាង សម្រាប់តុលាការ និងជាភស្តុតាង បង្ហាញជូន​សាធារណជន ឲ្យបានឃើញពីការខិតខំប្រឹងប្រែងរបស់រាជរដ្ឋាភិបាល ក្នុងការបង្ការ ទប់ស្កាត់និង​បង្ក្រាប​បទល្មើស​ធនធាន​ធម្មជាតិ គឺមិនមែនតែពាក្យសំដីទេ តែមានទង្វើជាក់ស្តែង និងទី៤.ការចារឈ្មោះ​ឧក្រិដ្ឋ​ជនព្រៃឈើ ក្រោយពីតុលាការរកឃើញថា ឧក្រិដ្ឋជន ជនល្មើសបានប្រព្រឹត្តសកម្មភាព​បំផ្លិចបំផ្លាញ​ធន​ធានធម្មជាតិ។

នាយ​ឧត្ដមសេនីយ៍​ សៅ សុខា បានស្នើដល់​មន្ត្រី​អនុវត្ត​ច្បាប់​ទាំង​អស់ឲ្យអនុវត្តតាមពាក្យស្លោក ប្រទេស​ជាតិ ត្រូវតែការពារ ប្រជាត្រូវតែបម្រើ ច្បាប់ត្រូវតែគោរព បទល្មើសត្រូវតែបង្ក្រាប។

លោក​ឧត្ដមសេនីយ៍​ត្រី អេង ហ៊ី ​​ប្រធានក្រុមលេខាធិការ គណៈកម្មការជាតិ ដើម្បីទប់ស្កាត់និងបង្រ្កាបបទ​ល្មើស​ធនធានធានធម្មជាតិ បានថ្លែងថា ចាប់ពីក្នុងខែធ្នូ ឆ្នាំ២០១៩ មកដល់ខែវិច្ឆិកា ឆ្នាំ២០២០ រដ្ឋបាល​ព្រៃឈើ ទប់ស្កាត់ និងបង្រ្កាបបាន ១៩២០ ករណី ឃាត់ខ្លួនជនសង្ស័យបានចំនួន ៦៣នាក់ និងដកហូត​វត្ថុតាងផល អនុផលព្រៃឈើ មធ្យោបាយ ឧបករណ៍ សម្ភារមួយចំនួន និងកម្លាំងក្រុមការងារទប់ស្កាត់និង​បង្រ្កាបបទល្មើសធនធានធម្មជាតិ បានធ្វើប្រតិបត្តិការតាមបណ្តាខេត្ត សហការនិងម្ចាស់ការបង្រ្កាប បាន ១៣៩២លើក ធ្វើការឃាត់ខ្លួនជនសង្ស័យចំនួន ១៦៥នាក់ វត្ថុតាងប្រគល់អោយរដ្ឋបាលព្រៃឈើ​ និងបរិ​ស្ថាន​ រក្សាទុក៕



India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ5 mins ago

ស្ថានទូត​ខ្មែរ និង​សម្ព័ន្ធ​ហិរញ្ញវត្ថុ DGB កូរ៉េ ចុះ​អនុស្សរណៈ​យោគយល់ ដើម្បី​ជំរុញ​វិនិយោគ​បន្ថែម​នៅ​កម្ពុជា

ព័ត៌មានជាតិ26 mins ago

អាជ្ញាធរស្រុកកៀនស្វាយទុកពេលឲ្យពលរដ្ឋ៤ថ្ងៃរុះរើសំណង់រំលោភផ្លូវសាធារណៈ

ព័ត៌មានជាតិ30 mins ago

រក​ឃើញ​​​អ្នក​ឆ្លង​កូវីដ១៩ ចំនួន​២​នាក់​ ទៀត​នៅ​ប៉េង​ ហួត ៦០​ម៉ែត្រ​​

ព័ត៌មានជាតិ39 mins ago

គិតមក​ដល់​ល្ងាចនេះ ទីតាំង​ពាក់ព័ន្ធ​ព្រឹ​ត្តិ​ការណ៍​សហគមន៍​២០​កុម្ភៈ ចំនួន​៧៥​ទីតាំង ​ត្រូវ​បាន​អាជ្ញាធរបិទ

ព័ត៌មានជាតិ51 mins ago

ហ្វីលីពីន​អរគុណ​កម្ពុជា​ដែល​បាន​ផ្តល់​ការ​ការពារ​និង​គាំពារ​បាន​យ៉ាង​យ៉ាង​ល្អ​ដល់​ពលរដ្ឋ​ហ្វី​លីន​ធ្វើការ​និង​ស្នាក់នៅ​កម្ពុជា

Sokha Hotels

ព័ត៌មានពេញនិយម

Helistar Cambodia - Helicopter Charter Services