ព័ត៌មានជាតិ

មកប៉ុស្ដិ៍ប៉ូលីសដើម្បីសុំម៉ូតូវិញ ក្រោយជួបគ្រោះថ្នាក់ចរាចរណ៍ តែបែជាធ្លាក់ថ្នាំញៀននៅមុខសមត្ថ កិច្ច

បានផុស

៤ years មុន

នៅ

ថ្ងៃពុធ ៩ ធ្នូ ២០២០

ដោយ

ក្រោយពីជួបគ្រោះថ្នាក់ចរាចរណ៍ដួលខ្លួនឯងបានមួយថ្ងៃ បុរសម្នាក់បានធ្វើដំណើរមកប៉ុស្ដិ៍នគរ បាល ចោមចៅទី៣ ដើម្បីរៀបចំឯកសារសុំម៉ូតូពីសមត្ថកិច្ចវិញ។ តែមិនទាន់បានម៉ូតូវិញផង ពេលហូតលុយចេញពីហោប៉ៅខោដើម្បីទិញទឹកផឹក ស្រាប់តែធ្លាក់ថ្នាំញៀនមួយកញ្ចប់នៅមុខសមត្ថកិច្ច ធ្វើឲ្យសមត្ថកិច្ចស្រឡាំងកាំងឃាត់ខ្លួនភ្លាមៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបានឲ្យដឹងថា ជនសង្ស័យឈ្មោះ គឿ សុខកេង ភេទប្រុស អាយុ៣០ឆ្នាំ មុខរបរសន្តិសុខ ស្នាក់នៅភូមិចំការឪឡឹក សង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ ជិះម៉ូតូម៉ាកស្កុបពី ពណ៍ស ពាក់ស្លាកលេខភ្នំពេញ1HF 6431។

សមត្ថកិច្ចបានបញ្ជាក់ឲ្យដឹងថា កាលពីយប់ថ្ងៃទី៨ ខែធ្នូ ឆ្នាំ២០២០ ជនសង្ស័យរូបនេះបានជិះម៉ូតូដួលខ្លួនឯងនៅផ្លូវជាតិលេខ៤ ភូមិអង្គកែវ សង្កាត់ចោមចៅទី៣ ខណ្ឌពោធិ៍សែនជ័យ បណ្តាលឲ្យរងរបួស។ បន្ទាប់មកជនសង្ស័យត្រូវបានរថយន្តសង្គ្រោះដឹកទៅមន្ទីរពេទ្យភ្លាមៗ ។ ដោយឡែកម៉ូតូក៏ត្រូវបានកម្លាំងសមត្ថកិច្ចយកមករក្សាទុកនៅប៉ុស្តិ៍នគរបាលដើម្បីរងចាំបងប្អូនយកឯកសារមកទទួលយកទៅវិញ។ ហើយពេលនេះសមត្ថកិច្ចឆែកឆេក្នុងម៉ូតូក៏ឃើញសម្ភារប្រើប្រាស់គ្រឿងញៀនមួយចំនួនផងដែរ។