ស្លាប់នាយទាហាន២រូប ខណៈពេលកំពុងហ្វឹកហ្វឺន នៅខេត្តស្ទឹងត្រែង
Connect with us

ព័ត៌មានជាតិ

ស្លាប់នាយទាហាន២រូប ខណៈពេលកំពុងហ្វឹកហ្វឺន នៅខេត្តស្ទឹងត្រែង

បានផុស

នៅ

នាយទាហាន២រូប នៃបញ្ជាការវរសេនាតូចកងកាំភ្លើងធំ ខេត្តស្ទឹងត្រែងបានបាត់បង់ជីវិតភ្លាមៗ នៅក្នុងសកម្មភាពហ្វឹកហ្វឺនបាញ់គ្រាប់ពិត នៅស្រុកថាឡាបរិវ៉ាត់ ខេត្តស្ទឹងត្រែង កាលពីថ្ងៃទី១៤ មករា ឆ្នាំ២០២២ ដោយសារតែមានកំហុសបច្ចេកទេសក្នុងពេលបាញ់ ហើយក៏មាននាយទាហានមួយចំនួនរងបួសផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពបានបង្ហើបថា ពិតជាមានមន្រ្តីយោធាស្លាប់មែននៅក្នុងព្រឹត្តិការណ៍សមយុទ្ធ បាញ់គ្រាប់ពិតកាលពីថ្ងៃម្សិលមិញ ហើយក៏មានអ្នករងរបួសដែរ ប៉ុន្តែមិនទាន់អាចបញ្ជាក់ពីចំនួនបាននៅឡើយទេ។ ប្រភពនោះបញ្ជាក់ដែរថា បញ្ហាកើតឡើងដោយសារតែកំហុសបច្ចេក ទេសក្នុងការបាញ់ ហើយសពនាយទាហានទាំង២នាក់ ដែលស្លាប់ក្នុងសមយុទ្ធនេះកំពុងរៀបចំបញ្ជូនទៅឱ្យក្រុមគ្រួសារធ្វើបុណ្យតាមប្រពៃណី។

ទាក់ទងបញ្ហានេះ លោកឧត្តមសេនីយ៍ អ៊ុន សុវណ្ណ អ្នកនាំពាក្យក្រសួងការពារជាតិបានមានប្រសាសន៏ប្រាប់កម្ពុជាថ្មីនារសៀលថ្ងៃទី១៥ ខែមករា ឆ្នាំ២០២២នេះថា ពិតជាមានករណីស្លាប់នាយទាហានមែន តែកំពុងស្រាវជ្រាវបន្ថែម។ លោកបញ្ជាក់យ៉ាងដូច្នេះថា “ព័ត៌មានបឋម ពិតជាមានការស្លាប់មែន មានការស្លាប់ទាហានយើងពីរនាក់មែន ខណៈពេលកំពុងហ្វឹកហ្វឺន រីឯមូលហេតុយ៉ាងម៉េចយ៉ាងម៉េចៗនោះ យើងកំពុងតែស្ថិតក្នុងការស៊ើបអង្កេតនៅឡើយ វាជាកំហុសបច្ចេកទេស ឬកំហុសអ្វីមួយនោះ យើងមិនទាន់ហ៊ានបញ្ជាក់ជាក់លាក់នៅឡើយទេ ដោយកំពុងតែធ្វើការស៊ើបអង្កេតពីមូលហេតុដែលបណ្ដាលឲ្យស្លាប់នេះ”។

នាយទាហានដែលបានស្លាប់នោះមានឈ្មោះ យួម សុផានិត ភេទប្រុស អាយុប្រមាណ៣០ឆ្នាំ មានស្រុកកំណើតនៅស្រុកម៉ោងឫស្សី ខេត្តបាត់ដំបង និងម្នាក់ទៀតនៅភ្នំពេញ ប៉ុន្តែមិនទាន់ដឹងអត្តសញ្ញាណនៅឡើយ។

ចំណែកអ្នកស្រី យួម សារ៉ាត់ ដែលត្រូវជាបងស្រីរបស់សពឈ្មោះ យួន សុផានិត បានប្រាប់អ្នកព័ត៌មានថា អ្នកស្រីទើបទទួលបានដំណឹងពីមរណភាពរបស់ប្អូនប្រុស ហើយសពមិនទាន់ត្រូវបានបញ្ជូនមកដល់ស្រុកកំណើតនៅឡើយទេ ដោយត្រូវរង់ចាំរៀបចំពិធីនៅនឹងទីបញ្ជាការយោធាសិន។

ប្រភពមួយចំនួនឲ្យដឹងដែរថា នាយទាហានពីរនាក់ ដែលបានស្លាប់នោះ មានឋាន:ជាពលបាលឯក បានបាត់បង់ជីវិតភ្លាមៗនៅហ្នឹងកន្លែង ខណ:កំពុងហ្វឹកហាត់បាញ់គ្រាប់ពិតប្រភេទគ្រាប់ផ្លោង នៅចំណុចទីលានបាញ់គ្រាប់ពិត អូរតាឡាស់ ស្រុកថាឡាបរិវ៉ាត់ ខេត្តស្ទឹងត្រែង កាលពីថ្ងៃទី១៤ មករា ឆ្នាំ២០២២។ ប្រភពពីយោធាបានឲ្យដឹងថា ករណីស្លាប់នេះ ដោយសារតែពេលបាញ់គ្រាប់មិនចេញមកខាងក្រៅ ហើយបានផ្ទុះនៅក្នុងកាណុង ធ្វើឱ្យកាណុងកាំភ្លើងផ្ទុះរយះ ហើយបណ្តាលឲ្យយោធាទាំងពីរនាក់ស្លាប់៕

អត្ថបទ៖ កោះកែវ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៣ នាទី មុន

រឿងរ៉ាវ ៣ សំខាន់ៗ ដែល​ត្រូវ​ទស្សនា​កម្មវិធី ONE: ONLY THE BRAVE នា​ថ្ងៃ​សុក្រ​នេះ

ព័ត៌មានជាតិ២ ម៉ោង មុន

រដ្ឋាករ​ស្វយ័ត​ដឹកជញ្ជូន​សាធារណៈ​ប្រកាស​ព័ត៌មាន ពី​ករណី​ឈ្លោះប្រកែក​គ្នា​រវាង​អ្នកបើកបរ​រថយន្តក្រុង​និង​អ្នក​ម៉ូតូ​នៅ​ផ្លូវ​៣០​ម៉ែត្រ បុរី​សន្តិភាព​២

ព័ត៌មានជាតិ៣ ម៉ោង មុន

ផ្ទុះ​ការ​តវ៉ា ភាព​មិន​ប្រក្រតី ធ្លាយ​ចេញពី​ស្រុក​កូន​មុំ​ពាក់​ព័​ន្ឋ​ការដាក់​ដេញថ្លៃ ទូកដរ ចំនួន​២​ឃុំ

ព័ត៌មានអន្ដរជាតិ៤ ម៉ោង មុន

ក្រុមហ៊ុនផលិតឱសថធំៗ ២ ចាប់ផ្ដើមពិសោធន៍វ៉ាក់សាំងប្រឆាំង អូមីក្រុង

ព័ត៌មានជាតិ៤ ម៉ោង មុន

ចុងឆ្នាំ​នេះ កម្ពុជា​ទទួល​រៀបចំ​មហាសន្និបាត​ក្លឹប​ឆ្នេរសមុទ្រ ដែល​ស្អាត​បំផុត​លើ​សាកលលោក​

Sokha Hotels

ព័ត៌មានពេញនិយម