អាជ្ញាធរថៃ ឃាត់ខ្លួនព្រះសង្ឃខ្មែរ ៤ អង្គ ដែលលួចឆ្លងដែន ដោយ​សារ​ខ្លាចជំងឺកូវីដ – Kampuchea Thmey Daily
Connect with us
Helistar Cambodia - Helicopter Charter Services

ព័ត៌មានជាតិ

អាជ្ញាធរថៃ ឃាត់ខ្លួនព្រះសង្ឃខ្មែរ ៤ អង្គ ដែលលួចឆ្លងដែន ដោយ​សារ​ខ្លាចជំងឺកូវីដ

Published

on

ព្រះសង្ឃខ្មែរចំនួន ៤ អង្គ ដែលបានលួចឆ្លងដែនគ្មានច្បាប់អនុញ្ញាត តាមច្រកស្រងាំ ខេត្តឧត្តរមានជ័យ ចូលទៅក្នុងខេត្ត ស៊ីសាកេត ហើយបន្តដំណើរទៅកាន់ខេត្ត អ៊ូប៊ុន រ៉ាតថានី ត្រូវកម្លាំងតម្រួតថៃចាប់ខ្លួន ពីបទលួចឆ្លងដែនខុសច្បាប់ ប៉ុន្តែត្រូវព្រះសង្ឃទាំង ៤ អង្គ ដោះសារថា ការដែលគេចចេញពីប្រទេសកម្ពុជានេះ គឺក្នុងគោលបំណងគេចពីមេរោគ កូវីដ-១៩ តែប៉ុណ្ណោះ ។

យោងតាមព័ត៌មានក្នុងស្រុករបស់ថៃ បានផ្សាយថា កាលពីថ្ងៃទី ៩ ខែ ធ្នូ មានការឃាត់ខ្លួនព្រះសង្ឃខ្មែរចំនួន ៤ អង្គ ខណៈដែលព្រះសង្ឃទាំងអស់ កំពុងឈរនៅលើចិញ្ចើមថ្នល់ ខាងមុខវត្ត បានពោធិមូល ក្នុងឃុំខាំណាំសែប ស្រុកវ៉ារិន សាំរ៉ាប ខេត្តអ៊ូប៊ុន រ៉ាតថានី ប្រទេសថៃ ។

ព័ត៌មានបានបន្តថា បន្ទាប់ពីក្រុមតម្រួតបាននាំព្រះសង្ឃទាំង ៤ អង្គ ទៅកាន់ស្ថានីយ៍តម្រួតដើម្បីត្រួតពិនិត្យ និងសាកសួរ ទើបដឹងថា គ្មានព្រះសង្ឃអង្គណាមានលិខិតឆ្លងដែនត្រឹមត្រូវនោះទេ គឺមានតែឆាយា សម្រាប់សម្គាល់ខ្លួនព្រះអង្គរៀងៗខ្លួនរបស់ប្រទេសកម្ពុជា តែប៉ុណ្ណោះ ដោយព្រះសង្ឃទាំងអស់ មានព្រះនាម រ៉ុង ព្រះជន្ម ៣៥ វស្សា ព្រះនាម ធី ព្រះជន្ម ២៩ វស្សា ព្រះនាម ហុង ព្រះជន្ម ២១ វស្សា និង ព្រះនាម ឡត ព្រះជន្ម ២១ វស្សា ។

ក្រោយពីបានសាកសួរ ព្រះសង្ឃទាំង៤ អង្គ បានសារភាពថា ដោយសារបច្ចុប្បន្ននៅក្នុងប្រទេសកម្ពុជា មានជំងឺ កូវីដ-១៩ ផ្ទុះឡើង ទើបលោកនាំគ្នាលួចឆ្លងដែនចូលទៅក្នុងប្រទេសថៃ គឺចេញពីខេត្ត ឧត្តរមានជ័យ ឆ្លងចូលទៅខេត្តស៊ីសាកេត ហើយបានជិះឡានក្រុងទៅកាន់ខេត្ត អ៊ូប៊ុន រ៉ាតថានី ដោយត្រៀមបន្តដំណើរទៅកាន់ខេត្ត មុខដាហាន តែត្រូវកម្លាំងតម្រួតថៃឃាត់ខ្លួនតែម្តង ។​ បច្ចុប្បន្នសមត្ថកិច្ចថៃ កំពុងបន្តនីតិវិធីតាមផ្លូវច្បាប់ ៕

អត្ថបទ៖ សោ និយមរ័ត្ន

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services