Connect with us

ព័ត៌មានជាតិ

រដ្ឋមន្ត្រីមហាផ្ទៃ ណែនាំដល់មន្ត្រីសាធារណៈ មិនត្រូវបែងចែកនិន្នាការនយោបាយឡើយ

បានផុស

នៅ

សម្ដេចក្រឡាហោម ស ខេង រដ្ឋមន្ត្រីក្រសួងមហាផ្ទៃ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តបាត់ដំបង បានណែនាំដល់មន្ត្រីសាធារណៈ ឬបុគ្គលសាធារណៈធ្វើអ្វីក៏ដោយមិនត្រូវបែងចែកនិន្នាការនយោបាយឡើយ។ សម្តេចលើកឡើងបែបនេះនៅក្នុងពិធីសម្ពោធដាក់ឱ្យប្រើប្រាស់ជាផ្លូវការអគារសិក្សាវិទ្យាល័យ ស ខេង កន្ទឺ២ និងសមិទ្ធផលនានា ស្ថិតនៅស្រុកបាណន់ ខេត្តបាត់ដំបងកាលពីថ្ងៃទី២៣ ខែមីនា ម្សិលមិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្តេចក្រឡាហោមបានមានប្រសាសន៍ថា ៖ « ក្នុងនាមរាជរដ្ឋាភិបាល ក៏ដូចជាក្នុងនាមក្រុមការងាររាជរដ្ឋាភិបាលចុះជួយខេត្តបាត់ដំបង សូមធ្វើការណែនាំដល់មន្ត្រីនានាថា ក្នុងនាមយើងជាមន្ត្រីសាធារណៈ ជាបុគ្គលសាធារណៈ យើងធ្វើអ្វីក៏ដោយមិនត្រូវបែងចែកនិន្នាការនយោបាយឡើយ។ បើយើងជាក្រុមប្រឹក្សាស្រុក ជាក្រុមប្រឹក្សាឃុំ ជំទប់ ស្មៀន មេភូមិ អ្នកដឹកនាំភូមិ មេប៉ុស្តិ៍ នគរបាលរដ្ឋបាល ប៉ុស្តិ៍សុខភាព គឺជាមុខងារសាធារណៈត្រូវធ្វើទៅតាមតួនាទី ភារកិច្ចដូចដែលបានចែង»។

សម្តេច ស ខេង បានបន្តថា ការអភិវឌ្ឍន៍លើវិស័យផ្សេងទៀត ដូចជាសាលារៀន ផ្លូវថ្នល់ មន្ទីរពេទ្យ ទំនប់ប្រឡាយទឹក ត្រូវបម្រើជូនដល់ប្រពលរដ្ឋគ្រប់រូប ជារួម មិនមែនជារបស់បុគ្គល ឬបក្សពួកតែមួយក្រុមនោះទេ។ ពាក់ព័ន្ធនឹងកំណែទម្រង់រដ្ឋបាលថ្នាក់ក្រោមជាតិវិញ សម្តេចក្រឡាហោម បានលើកឡើងថា រាជរដ្ឋាភិបាល បានបែងចែកតួនាទីការទទួលខុសត្រូវឱ្យមន្ត្រីគ្រប់ជាន់ថ្នាក់ ហើយមន្ត្រីត្រូវតែផ្សារភ្ជាប់ជាមួយប្រជាពលរដ្ឋ ត្រូវតែដឹងសុខទុក្ខប្រជាពលរដ្ឋជាប់ជាប្រចាំ ដោះស្រាយរាល់ការលំបាករបស់ប្រជាពលរដ្ឋ ក្តាប់ព័ត៌មានឱ្យបានជាប់ ផ្សារភ្ជាប់ជាមួយពលរដ្ឋឱ្យជិតស្និទ្ធ ហើយចុះទៅតាមមូលដ្ឋានផ្ទាល់ដើម្បីដឹងសុខទុក្ខរបស់ពួកគាត់។

ជាមួយគ្នានេះ គឺត្រូវពង្រឹងការបើកវេទិការសាធារណៈ ដើម្បីឱ្យប្រជាពលរដ្ឋហ៊ាននិយាយ ហ៊ានថា ក្នុងន័យស្ថាបនា ដូច្នេះ ការបម្រើប្រជាពលរដ្ឋនេះ ពិតជាមានសារៈសំខាន់ណាស់ ដោយមិនត្រូវមើលស្រាលហើយបន្តអនុវត្តឱ្យដូចភ្លៀងរលឹម៕

ដោយ ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៥ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៥ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម