ព័ត៌មានជាតិ
អតីតបុគ្គលិកណាហ្គាវើលដ៍ជិត ២០០នាក់ មិនព្រមទទួលកញ្ចប់ប្រាក់ដែលក្រុមហ៊ុនផ្តល់ជូនទោះក្រសួងអះអាងថាជាប្រាក់ស្របច្បាប់
ការិយាល័យអ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈបានលើកឡើងថា ការទូទាត់ប្រាក់បំណាច់បញ្ចប់កិច្ចសន្យាការងាររបស់ក្រុមហ៊ុនណាហ្គាវើលដ៍ចំពោះអតីតបុគ្គលិករបស់ខ្លួនគឺត្រឹមត្រូវស្របតាមច្បាប់។
យោងតាមសេចក្តីប្រកាសព័ត៌មាន របស់ការិយាល័យអ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈ ជុំវិញបញ្ហាការងារ អតីតបុគ្គលិកក្រុមហ៊ុនណាហ្គាវើលដ៍ ចុះកាលពីយប់ថ្ងៃទី០៤ ឧសភា បានឱ្យដឹងថា នាពេលកន្លងមក មានបងប្អូនអតីតបុគ្គលិកក្រុមហ៊ុនណាហ្គាវើលដ៍មួយចំនួន បានគោរពស្នើសុំសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ឲ្យជួយអន្តរាគមន៍ក្រុមហ៊ុនផ្តល់ប្រាក់បំណាច់ បញ្ចប់កិច្ចសន្យាការងារស្របតាមច្បាប់ស្តីពីការងារ ចំពោះបងប្អូនអតីតបុគ្គលិកដែល ត្រូវបានបញ្ឈប់ពីការងាររួម និងស្វែងរកឱកាសការងារថ្មី ដើម្បីទទួលបានប្រាក់ចំណូលទៀងទាត់ សម្រាប់ផ្គត់ផ្គង់ជីវភាពគ្រួសារ។
ការិយាល័យអ្នកនាំពាក្យបានបន្តថា អនុវត្តតាមគោលការណ៍ណែនាំរបស់ សម្តេចក្រឡាហោម មន្ត្រីជំនាញរបស់ក្រសួងការងារ និងបណ្តុះបណ្តាលវិជ្ជាជីវៈ បានធ្វើការពិនិត្យផ្ទៀងផ្ទាត់ ការទូទាត់ប្រាក់ បំណាច់បញ្ចប់កិច្ចសន្យាការងារជាមួយតំណាងក្រុមហ៊ុន ហើយពិនិត្យឃើញថា ការទូទាត់ចំនួន៤ចំណុច គឺបានត្រឹមត្រូវស្របតាមច្បាប់ និងលិខិតបទដ្ឋាន គតិយុត្តិពាក់ព័ន្ធ នឹងការបញ្ឈប់ពីការងាររួម។
ទន្ទឹមនឹងនេះ មន្ត្រីជំនាញរបស់ក្រសួង បាននិងកំពុងរង់ចាំ ធ្វើការពិនិត្យផ្ទៀងផ្ទាត់បន្ថែមជាមួយអតីតបុគ្គលិក ដែលត្រូវបានបញ្ឈប់ពីការងាររួម និងនៅមានចម្ងល់ អំពីការទូទាត់នេះ។
ចំណែកទីភ្នាក់ងារជាតិមុខរបរ និងការងារ នៃក្រសួងការងារ និងបណ្តុះបណ្តាលវិជ្ជាជីវៈ ក៏បានជួយស្វែងរកឱកាសការងារថ្មី សម្រាប់បងប្អូនអតីតបុគ្គលិក ណាហ្គាវើលដ៍ផងដែរ។
តំណាងក្រុមហ៊ុនណាហ្គាវើលដ៍បានឱ្យដឹងថា អតីតបុគ្គលិកដែលមិនទាន់មកទទួលប្រាក់បំណាច់បញ្ចប់កិច្ចសន្យាដោយការព្រមព្រៀង នៅសល់តែជាង១៩០នាក់ប៉ុណ្ណោះ។
ក្រុមហ៊ុនសង្ឃឹមថា បងប្អូនជាង១៩០នាក់នេះ នឹងព្រមទទួលយកកញ្ចប់ប្រាក់បំណាច់បញ្ចប់កិច្ចសន្យាដោយការព្រមព្រៀងនេះ។
គួរបញ្ជាក់ថា រហូតមកដល់ពេលនេះ វិវាទការងាររួម នៅក្រុមហ៊ុនណាហ្គាវើលដ៍ នៅតែមិនមានដំណោះស្រាយដដែល ដោយភាគីនីមួយៗ នៅតែប្រកាន់ជំហររៀងៗខ្លួនដែលមិនអាចឈានដល់ចំណុចព្រមព្រៀងរួមគ្នាបាននៅឡើយ និងបានកំណត់កាលបរិច្ឆេទប្រជុំបន្ទាប់នៅរសៀលទី១១ ខែឧសភា ឆ្នាំ២០២២ ជាបន្តទៀត៕ សំអឿន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង