ព័ត៌មានជាតិ
មន្ត្រីជំនាញសុខាភិបាល ប្រាប់ពីវិធីមួយចំនួនការពារខ្លួនពីបាតុភូតផ្លេកបន្ទោរ ផ្គរ រន្ទះ
ប្រធាននាយកដ្ឋានប្រយុទ្ធនឹងជំងឺឆ្លងនៃក្រសួងសុខាភិបាលបានបង្ហាញពីវិធីការពារខ្លួននិងសង្គ្រោះបឋមពីបាតុភូតរន្ទះដល់ប្រជាពលរដ្ឋបានយល់ដឹងដើម្បីឱ្យចេះការពារខ្លួនចៀសផុតពីគ្រោះថ្នាក់ដែលបណ្តាលមកពីបាតុភូតរន្ទះនៅក្នុងរដូវភ្លៀងនេះ។
លោកវេជ្ជបណ្ឌិត លី សូវ៉ាន់ ប្រធាននាយកដ្ឋានប្រយុទ្ធនឹងជំងឺឆ្លងនិងអ្នកនាំពាក្យក្រសួងសុខាភិបាលបានមានប្រសាសន៍នៅព្រឹកថ្ងៃទី ១១ ខែឧសភាថានៅក្នុងរដូវភ្លៀងនេះតែងតែមានបាតុភូតរន្ទះដែលធ្វើឱ្យប៉ះពាល់ដល់អាយុជីវិតមនុស្សសត្វមួយចំនួន។
លោកវេជ្ជបណ្ឌិត លី សូវ៉ាន់បានបន្តថាដើម្បីការពារខ្លួនពីបាតុភូតរន្ទះនេះប្រជាពលរដ្ឋត្រូវអនុវត្តវិធីមួយចំនួនដូចជានៅពេលមានផ្លេកបន្ទោរឬផ្គររន្ទះត្រូបន្ទន់ខ្លួនដោយបញ្ឈរជង្គង់ទាំងពីរជិតគ្នានិងយកដៃខ្ទប់ត្រចៀក ត្រូវរត់ចេញពីទឹកឬស្រែនៅខាងក្នុងឬរត់ចូលផ្ទះជាប្រញាប់ ត្រូវដកឌុយដោតភ្លើងឬឌុយទូរសព្ទ័ដោយទុកចំងាយ១ម៉ែត្រពីប្រភពចរន្តអគ្គិសនី និងត្រូវបន្ទន់ខ្លួនអោបក្បាលជង្គង់និងបិទត្រចៀកទាំងសងខាងនៅក្រោមបង្គោលភ្លើង។ មិនត្រូវនិយាយទូរស័ព្ទនៅពេលឮសំលេងផ្គរ មិនត្រូវជិះម៉ូតូឬកង់នៅពេលមេឃភ្លៀងឬអង្គុយក្នុងតង់និងអង្គុយនៅក្រោមដើមឈើឡើយត្រូវអង្គុយបន្ទន់ខ្លួនដោយរក្សាចំងាយ៤ម៉ែត្រពីមែកឈើ។
ចំពោះ វិធីសង្គ្រោះបឋមនៅពេលមានគ្រោះរន្ទះវិញ លោកវេជ្ជបណ្ឌិត លី សូវ៉ាន់បានណែនាំឲ្យប្រជាពល រដ្ឋត្រូវផ្លុំខ្យល់ចូលមាត់និងមាត់ជាមួយជនរងគ្រោះក្នុងករណីជនរងគ្រោះមិនដកដង្ហើមនិងសង្កាត់ដៃទាំងពីរលើសន្ទះទ្រូងក្នុងករណីជនរងគ្រោះគ្មានជីពចរ ត្រូវក្រាលកន្ទេលឬបាវឆ្នួតកុំឲ្យជនរងគ្រោះនៅផ្ទាល់ដីឬទឹកជ្រាំការពារដើម្បីកុំឲ្យជនរងគ្រោះរងភាពត្រជាក់ខ្លួនពេកនិងចល័តជនរងគ្រោះដោយប្រុងប្រយ័ត្នក្នុងករណីជនរងគ្រោះមានបាក់ឆ្អឹងឬហូរឈាម។
លោកវេជ្ជបណ្ឌិត លីសូវ៉ាន់បានអំពាវនាវដល់ប្រជាពលរដ្ឋទាំងអស់ត្រូវអនុវត្តវិធីទាំងនេះឲ្យបានល្អនិងខ្ជាប់ខ្ជួនដើម្បីការពារខ្លួនក៏ដូចជាកាត់បន្ថយការរងគ្រោះ និងការស្លាប់ដោយសារបាតុ ភូតរន្ទះព្រោះថាបច្ចុប្បន្ននេះដោយសារអាកាសធាតុមានការប្រែប្រួលបានធ្វើឲ្យមានបាតុភូតរន្ទះកើតឡើងច្រើនដោយធ្វើឲ្យប្រជាពលរដ្ឋរងគ្រោះ និងស្លាប់ជាញឹកញាប់ពិសេសនៅក្នុងរដូវភ្លៀង។
យោងតាមរបាយការណ៍របស់គណៈកម្មាធិការជាតិគ្រប់គ្រងគ្រោះមហន្តរាយបានឲ្យដឹងថា នៅក្នុងរយៈពេល៤ខែដើមឆ្នាំ២០២១បាតុភូតរន្ទះបាញ់បានកើតឡើងចំនួន៣២លើកបណ្តាលឱ្យមនុស្សស្លាប់ចំនួន ៩នាក់ របួស ៩នាក់ខូចខាតផ្ទះសម្បែង១១ខ្នងនិងងាប់គោក្របីចំនួន២៣ក្បាល។
លោក ឃុន សុខាអ្នកនាំពាក្យគណៈកម្មាធិការជាតិគ្រប់គ្រងគ្រោះមហន្តរាយបាន អំពាវនាវដល់បងប្អូនប្រជាពលរដ្ឋមានការប្រុងប្រយ័ត្នចំពោះខ្យល់កន្ត្រាក់និងរន្ទះបាញ់ដែលតែងតែកើតមាននៅក្នុងរដូវភ្លៀងធ្លាក់ញឹកញាប់ ខណៈរដូវវស្សានឹងចូលមកដល់នៅថ្ងៃទី ១៥ ខែឧសភាខាងមុខនេះ៕
អត្ថបទ៖ សំអឿន
-
ចរាចរណ៍១ សប្តាហ៍ ago
បើករថយន្តវ៉ាជែងក្នុងស្ថានភាពគ្រោះថ្នាក់ ក្រឡាប់របួសធ្ងន់ស្រាលជាង១០នាក់
-
ព័ត៌មានជាតិ៣ ថ្ងៃ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ១ សប្តាហ៍ ago
កម្ពុជា អាចនឹងមានភ្លៀងធ្លាក់លាយឡំជាមួយខ្យល់កន្ត្រាក់ចាប់ពីថ្ងៃទី១៨ ដល់២០មេសា
-
ព័ត៌មានជាតិ១ សប្តាហ៍ ago
តួលេខផ្លូវការ ទេសចរដើរលេងចូលឆ្នាំមានជាង ២១ លាននាក់ និងខេត្តចំនួន ៥ ឈានមុខគេ
-
សន្តិសុខសង្គម៦ ថ្ងៃ ago
មកដឹងពីចម្លើយសារភាពរបស់ជនដៃដល់ដែលចាក់សម្លាប់នារីរងគ្រោះក្នុងបុរីឈូកវ៉ា២
-
ព័ត៌មានជាតិ២ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៣ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៣ ថ្ងៃ ago
ចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ