ព័ត៌មានជាតិ
តំណាងកម្ពុជានៅហ្សឺណែវ ច្រានចោលចំពោះការលើកឡើងរបស់អ្នកនាំពាក្យការិយាល័យឧត្ដមស្នងការទទួលបន្ទុកសិទ្ធិមនុស្ស
នៅថ្ងៃទី០៣ ខែមិថុនា ឆ្នាំ២០២២នេះ ស្ថានបេសកកម្មអចិន្ត្រៃយ៍ នៃព្រះរាជាណាចក្រកម្ពុជាប្រចាំអង្គការសហប្រជាជាតិ នៅទីក្រុងហ្សឺណែវ លោក អាន សុខខឿន បានច្រានចោលទាំងស្រុងនូវការអត្ថាធិប្បាយរបស់អ្នកនាំពាក្យរបស់ការិយាល័យឧត្ដមស្នងការទទួលបន្ទុកសិទ្ធិមនុស្ស លោកស្រី Liz Throssell ដោយអះអាងថា ការលើកឡើងមិនត្រឹមត្រូវ ធ្វើនយោបាយូបនីយកម្ម។
បើតាមលោក អាន សុខខឿន ការអះអាងរបស់អ្នកនាំពាក្យ ដែលថាបេក្ខជនមួយចំនួនត្រូវទទួលរងការរឹតត្បិត និងបំភិតបំភ័យ គឺជាការមិនសមហេតុផលទាល់តែសោះ។ ពាក្យបណ្ដឹងតវ៉ាពីបេក្ខជនចូលរួមការប្រកួតប្រជែងការបោះឆ្នោត ជាសក្ខីភាពបង្ហាញឱ្យឃើញពីការអនុវត្តប្រកបដោយភាពចាស់ទុំ និងស្របច្បាប់ នៃលទ្ធិប្រជាធិបតេយ្យ និងសិទ្ធិជាមូលដ្ឋានរបស់ពួកគាត់។
ពាក្យបណ្ដឹងទាំងនោះ ពុំគួរត្រូវបានចាត់ទុក ជាការសងសឹក និងជាការរារាំង ប្រឆាំងក្រុមណាមួយនោះទេ។ សិទ្ធិចូលរួមក្នុងកិច្ចការសាធារណៈពុំមានន័យស្មើនឹង សិទ្ធិក្លែងបន្លំឯកសារ បរិហារកេរ្តិ៍ និងជេរប្រមាថ និងញុះញុងឱ្យមានការរើសអើង អំពើហិង្សា និងការស្អប់ខ្ពើមគ្នានោះឡើយ។ សម្ព័ន្ធភាពជាមួយគណបក្សនយោបាយណាមួយ ពុំមែនជាអាជ្ញាប័ណ្ណ ដើម្បីបំពានច្បាប់ដោយនិទ្ទណ្ឌភាពនោះទេ។
លោក អាន សុខខឿន អះអាងថា ការចោទប្រកាន់របស់អ្នកនាំពាក្យខាងលើដែលថា បេក្ខជនគណបក្សប្រឆាំងស្ទាក់ស្ទើរក្នុងការដាក់ពាក្យបណ្ដឹង គឺពុំត្រឹមត្រូវនោះទេ។ ការពិត គឺក្នុងពេលដែលលោកស្រីកំពុងតែថ្លែងរិះគន់បែបនេះពីកម្ពុជា គណៈកម្មាធិការជាតិរៀបចំការបោះឆ្នោតបានកាត់សេចក្ដីសម្រេចស្របតាមពាក្យបណ្តឹងតវ៉ារបស់បេក្ខជនបក្សប្រឆាំង គឺលុបចោលការពិន័យជាប្រាក់ និងបានសម្រេចរក្សាសិទ្ធិបោះឆ្នោតនិងឈ្មោះក្នុងបញ្ជីបោះឆ្នោតរបស់បេក្ខជនបក្សប្រឆាំងចំនួន១៥រូប ដែលបាននាំគ្នាផ្តល់អំណោយជាថវិកា ក្នុងអំឡុងពេលយុទ្ធនាការឃោសនាបោះឆ្នោត។
លោក អាន សុខខឿន បានលើកឡើងទៀតថា សេចក្ដីថ្លែងការណ៍របស់អ្នកនាំពាក្យខាងលើពោរពេញទៅដោយព័ត៌មានខុសឆ្គងជាច្រើន និងជ្រើសរើសតែមួយជ្រុង។ លោកស្រីពុំបានទទួលស្គាល់ទាល់តែសោះថា យ៉ាងហោចណាស់ ថ្នាក់ដឹកនាំអតីតបក្សប្រឆាំង៣២រូប ទទួលបានសិទ្ធិធ្វើនយោបាយឡើងវិញ ដែលក្នុងនោះ ពួកគាត់ជាច្រើនរូបបានបង្កើតគណបក្សនយោបាយថ្មីបន្ថែមចំនួន០៦ ចូលរួមប្រកួតប្រជែងជាមួយគណបក្សកាន់អំណាច ក្នុងការបោះឆ្នោតនេះ។ ផ្ទុយទៅវិញ ស្ថាប័នរបស់លោកស្រីបែរជាអត់ឱន និងមិនហ៊ានរិះគន់ការរំលោភបំពានយ៉ាងគឃ្លើនរបស់ទណ្ឌិត សម រង្ស៊ី លើសិទ្ធិនយោបាយរបស់អ្នកដទៃ ដោយបានចាត់ទុក អ្នកដែលស្វែងរកការស្ដារនីតិសម្បទាសិទ្ធិនយោបាយថា ជា “ជនក្បត់”។
លោកថា ការគោរពគោលការណ៍សត្យានុម័ត ភាពមិនលំអៀង និងមិនជ្រើសរើសតែមួយជ្រុង របស់អ្នកនាំពាក្យ ត្រូវបានចោទជាបញ្ហា ។ ការអធិប្បាយរបស់លោកស្រី បានគាំទ្រគណបក្សមួយថា ជាគណបក្សប្រឆាំងដ៏សំខាន់នាពេលបច្ចុប្បន្ននៅកម្ពុជា ដោយមើលស្រាលគណបក្សដទៃផ្សេងទៀត។ ជាងនេះទៅទៀត អវត្តមាន នៃគណបក្សនយោបាយមួយក្នុងការបោះឆ្នោត ដោយសារការបំពានច្បាប់ ពុំបានធ្វើឱ្យកម្ពុជាងាកចេញពីប្រព័ន្ធពហុបក្សឡើយ។ មិនថា លទ្ធផលបែបណា ការពិតមួយដែលមិនអាចប្រកែកបាននោះ គឺអ្នកបោះឆ្នោតអាចជ្រើសរើសគណបក្សមួយក្នុងចំណោមគណបក្ស១៧ ដែលបានចុះឈ្មោះប្រកួតប្រជែង ហើយដែលមានសិទ្ធិនយោបាយនិងសេចក្ដីថ្លៃថ្នូរស្មើៗគ្នា និងត្រូវតែទទួលបានការគោរពដូចៗគ្នា មិនថាបក្សធំ ឬបក្សតូចឡើយ៕
ដោយ ៖ កោះកែវ
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
នាយករដ្ឋមន្ត្រីឱ្យស្ថាប័នរដ្ឋស្ទើតែទាំងអស់ពិនិត្យនិងកំណត់មុខងារឡើងវិញ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
អ្នកឧកញ៉ា ឡេង ណាវ៉ាត្រា ដឹកនាំប្រតិភូ Galaxy Navatra Group គោរពវិញ្ញាណក្ខន្ធសពឯកឧត្តម ហ៊ុន សាន
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៦ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ