ព័ត៌មានជាតិ
ទិន្នផលទុរេន សាវម៉ាវ និងមង្ឃុត នៅស្រុកមណ្ឌលសីមា ផ្ដល់ផលច្រើន តែពុំសូវមានឈ្មួញធំៗមកទិញ
តំណាងកសិករនៅឃុំទួលគគីរ ស្រុកមណ្ឌលសីមា ខេត្តកោះកុង អះអាងថា ទិន្នផល ទុរេន សាវម៉ាវ និងមង្ឃុតឆ្នាំនេះ ហាក់ផ្ដល់ផលច្រើនជាងឆ្នាំមុនៗ តែពួកគាត់សង្កេតឃើញថា ពុំទាន់មានឈ្នួញធំៗមកទិញដល់ចម្ការនៅឡើយទេ។
១ខែមកហើយ ដែលប្រជាកសិករនៅភូមិតាចាត ឃុំទួលគគីរ ស្រុកមណ្ឌលសីមា នាំគ្នាប្រមូលផលផ្លែទុរេន មង្ឃុត និងសាវម៉ាវ វេចខ្ចប់ត្រៀមលក់ជូនទៅលក់ តាមតម្រូវការចង់បានពីអតិថិជន និយមហូបផ្លែឈើហូបផ្លែទាំងនេះ ដូចរៀងរាល់ឆ្នាំដែរ។
លោក អែម ឌីណា ជាកសិករដាំផ្លែទុរេនច្រើនជាងគេម្នាក់ ក្នុងចំណោមប្រជាកសិករដទៃទៀតក្នុងភូមិតាចាត ឃុំទួលគគីរ រៀបរាប់កាលពីថ្ងៃទី ២ ខែមិថុនា ថ្មីៗនេះថា គាត់ផ្តើមប្រមូលផលទុរេតាំងពីពាក់កណ្តាលខែឧសភាមក គឺបាន ៥ទៅ ៦តោនហើយ អំឡុងពេលដាំដុះ ៥០០ដើម លើផ្ទៃដី ៦ហិកតា គ្រាដែលគាត់ប្រឹងប្រែងមើលថែទាំ អស់ពេល ៥ឆ្នាំទៅ ៧ឆ្នាំកន្លងទៅមកនេះ។
លោក អែម ឌីណា បន្តថា ការកាត់ប្រមូលទុរេលក់របស់លោក ក្នុង ១ថ្ងៃបាន ៤ទៅ ៥០០គីឡូក្រាម លក់បញ្ជូនចេញទៅអតិថិជននៅក្នុងខេត្តផ្ទាល់តែម្តង និងទៅខេត្តកំពត កំពង់ស្ពឺ ព្រមទាំងរាជធានីភ្នំពេញ។ ប្រភេទទុរេ ដែលកំពុងប្រមូលនេះ ជាប្រភេទម៉ាន់ថុង ត្បិតវាពិបាកថែទាំ តែដាំតម្រូវទីផ្សារ។
បើតាមលោក ឌីណា ចម្លែកចិត្តដែរថា ឆ្នាំនេះបរិមាណតម្លៃទុរេលក់ទុរេន នៅលើទីផ្សារមានចំនួនច្រើនខុសពីឆ្នាំណាៗទាំងអស់ ដែលធ្វើឲ្យថយចុះបន្តិច ព្រោះតែមនុស្សសម្រុកដាំច្រើន មិនតែនៅខេត្តកោះកុង ឬខេត្តផ្សេងទៀត។ គិតមកដល់ត្រឹមថ្ងៃទី ២ មិថុនា មិនទាន់មានឈ្នួញធំៗ ចុះមកទិញទុរេនដល់ចម្ការនៅឡើយទេ តែមិនថ្វីទេលោកនៅតែជឿជាក់ថា ទុរេនរបស់លោកនៅតែអាចលក់ចេញបាន ព្រោះថា គុណភាពរសជាតិទុរេនរបស់លោកឆ្ងាញ់ មិនចាញ់ទុរេននៅខេត្តផ្សេង ឬនាំចូលពីប្រទេសជិតខាងឡើយ។
ចំណែកឯអ្នកស្រី វង្ស ដាំ ជាកសិករដាំដុះទុរេន សាវម៉ាវ និងមង្ឃុតម្នាក់ដែរ នៅភូមិតាកាត លើកឡើថា ឆ្នាំបរិមាណទិន្នផលផ្លែឈើទាំង ៣មុខនេះកើនច្រើន ដែលធ្វើឲ្យតម្លៃធូរតម្លៃតិច និងកង្វះឈ្នួញមកទិញដល់កន្លែងចម្ការ បើធៀបនឹងឆ្នាំទៅ ទោះមានកូវីដ-១៩ក្តី ពួកគាត់អាចលក់បានតម្លៃថ្លែ ដោយក្នុង ១ថ្ងៃ អាចប្រមូលបាន ៣០ទៅ ៥០គីឡូក្រាម។
អ្នកស្រី វង្ស ដាំ ឲ្យដឹងទៀតថា តម្លៃលក់ចេញសាវម៉ាវ ១គីឡូក្រាម ថ្លៃ ៤ទៅ ៥ពាន់រៀល មង្ឃុត ១គីឡូក្រាម ៧.០០០រៀល និងទុរេន ១គីឡូក្រាម ១៨.០០០រៀល ទៅ ២០.០០០រៀល។ ឆ្នាំនេះមានអ្នកដាំដុះទុរេន មង្ឃុត និងសាវម៉ាវច្រើនចម្ការ ទើបធ្វើឲ្យការលក់ចេញហាក់យឺតយ៉ាវ។
សម្រាប់អ្នកស្រី វង្ស ដាំ ក៏ស្នើសុំដល់រដ្ឋបាលខេត្តកោះកុង មន្ទីរកសិកម្ម និងមន្ទីរពាណិជ្ជកម្ម ជួយកៀគរឈ្នួញកណ្តាល មកជួយទិញទិន្នផលផ្លែឈើ ដែលដាំដោយស្នាដៃកូនខ្មែរ យកទៅលក់លើនៅទីផ្សារ ដើម្បីជាការលើកទឹកចិត្តបន្តធ្វើកសិកម្មបន្តទៀត ព្រោះទំរាំបានផលលក់ ត្រូវចំណោយទុនច្រើនទៅការថែទាំដាំដុះ។
លោក សាលីម ហ្វារីត ប្រធានមន្ទីរពាណិជ្ជកម្មខេត្តកោះកុង ក៏ទទួលស្គាល់ដែរថា ទិន្នផលកសិកម្មឆ្នាំនេះអំណោយផលច្រើនដល់ប្រជាកសិករនៅតាមបណ្តាស្រុកនានាក្នុងខេត្តកោះកុង។ ពាក់ព័ន្ធនឹងតម្លៃ ឬបរិមាណលក់ចេញទៅកាន់ទីផ្សារយឺតយ៉ាវ ទំនងដោយសារតែមានអ្នកប្រមូលច្រើនដូចគ្នា នៅតាមបណ្តាខេត្តគោលដៅកសិកម្ម ក្នុងប្រទេសកម្ពុជា។
លោក ហ្វារីត អះអាងថា បរិមាណតម្រូវការផ្គត់ផ្គង់លើទីផ្សារច្រើន នាំឲ្យតម្លៃលក់ក៏ថយចុះទៅតាមនោះដែរ។ តែទោះយ៉ាងណា លោកនឹងសម្របសម្រួលស្រង់ស្ថិត ចំនួនកសិករពិបាករកដៃគូជំនួញ ដើម្បីងាយស្រួលដល់ការលក់ចេញផ្លែឈើ នៅតាមចម្ការរបស់ប្រជាកសិករ។
នៅខេត្តកោះកុង ប្រជាកសិករដែលបង្កបង្កើនផលទុរេន សាវម៉ាវ ក្រូច មង្ឃុត និងចេក ភាគច្រើននៅស្រុកថ្មបាំង ស្រុកមណ្ឌលសីមា ស្រុកកោះកុង និងស្រុកស្រែអំបិល ដោយមួយឆ្នាំៗកសិករទាំងនោះអាចប្រមូលបានតិច ឬច្រើនទៅតាមលទ្ធភាព និងជំនាញបច្ចេកទេស នៃការដាំដុះកសិកម្មរបស់បុគ្គលម្នាក់ៗ។ ទន្ទឹមនោះ ក៏គេសង្កេតឃើញមានអង្គការដៃគូ និងមន្ទីរកសិកម្មចុះអប់រំណែនាំពីវិធីសាស្រ្តធ្វើកសិកម្ម តាមបែបបច្ចេកទេស ចៀសវាងធ្វើកសិកម្មតាមបែបបុរាណបន្តទៀត៕
អត្តបទ៖ សិរីវឌ្ឍនៈ
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល