Connect with us

ព័ត៌មានជាតិ

ក្រសួង​អប់រំ ​បន្ត​ពង្រឹង​គុណវុឌ្ឍិ​គ្រូ​បង្រៀន​ លើ​បច្ចេកទេស​បង្រៀន​ពី​ចម្ងាយ​

បានផុស

នៅ

ក្រសួង​អប់រំ យុវជន និង​កីឡា បាន និងកំពុងរៀប​ចំ​វគ្គ​បណ្ដុះបណ្ដាល​ស្ដីពី “បច្ចេកទេស​ការ​បង្រៀន​ពី​ចម្ងាយ​​តាម​ប្រព័ន្ធ​អេឡិចត្រូនិក” ដើម្បី​ពង្រឹង​គុណវុឌ្ឍិ​គ្រូ​បង្រៀន​ផ្នែក​ឌីជីថល បំប៉ន​សមត្ថភាព​បន្ថែម​លើ​បច្ចេកទេស​ក្នុង​ការ​បង្រៀន​ ដោយ​ប្រើប្រាស់​បច្ចេកវិទ្យា ដើម្បី​ធានា​ផ្ដល់​សេវា​អប់រំ​ប្រកបដោយ​គុណភាព​ដល់​សិស្សានុសិស្ស ស្រប​តាម​បរិបទ​នៃ​ការ​អប់រំ​បែប​ឌីជីថល និង​ចក្ខុវិស័យ​រាជរដ្ឋាភិបាល​កម្ពុជា​ក្នុង​ការ​ប្រែ​ក្លាយ​ជា​ប្រទេស​សេដ្ឋកិច្ច​ឌីជីថល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វគ្គ​បណ្ដុះបណ្ដាល​នេះ​បាន​ប្រព្រឹត្តទៅ នៅ​វិទ្យាល័យ​កំពង់ធំ ខេត្ត​កំពង់ធំ ដោយមានសិក្ខាកាមចូលរួមចំនួន ២៥ នាក់ ស្រី ១៥ នាក់ និង​វិទ្យាល័យ​រវៀង ខេត្ត​ព្រះវិហារ ដែលមានសិក្ខាកាមសរុបចំនួន ២៥ នាក់ ស្រី ១០ នាក់ ចាប់ពីថ្ងៃទី១៣-១៦ ខែ​មិថុនា ឆ្នាំ២០២២ តាមរយៈគម្រោងអភិវឌ្ឍន៍វិស័យអប់រំមធ្យមសិក្សាទុតិយភូមិទី២ (USESDPII) គាំទ្រ​ដោយ​ធនាគារ​អភិវឌ្ឍន៍​អាស៊ី (ADB)។

តាម​រយៈ​វគ្គ​បណ្ដុះបណ្ដាល​នេះ សិក្ខាកាម​បាន​ទទួល​ការ​បណ្ដុះបណ្ដាល​ស្ដីពី៖

– ការ​ប្រើប្រាស់​អ៊ីមែល​ផ្លូវ​ការ​ក្រសួង​អប់រំ យុវជន និង​កីឡា

– ការ​ប្រើប្រាស់​កម្មវិធី Google Classroom សម្រាប់​គ្រប់គ្រង​ថ្នាក់​រៀន​ពី​ចម្ងាយ​តាម​ប្រព័ន្ធ​អេឡិចត្រូនិក

– ប្រើប្រាស់​កម្មវិធី Google Workspace for Education សម្រាប់​ចែក​រំលែក​ឯកសារ​បង្រៀន​ធ្វើ​សំណួរ​ស្ទង់​សមត្ថភាព​សិស្ស និង​ការ​ស្រង់​អ​វត្ត​មាន​សិស្ស

– ប្រើ​ប្រាស់​កម្ម​វិធី Google Meet សម្រាប់​បង្រៀន​សិស្ស​ពី​ចម្ងាយ

– ប្រើប្រាស់​សម្ភារៈ ICT ដែល​មាន​ស្រាប់​ជំនួយ​ដល់​ការ​បង្រៀន។

តាម​រយៈ​វគ្គ​បណ្ដុះបណ្ដាល​នេះ សិក្ខាកាម​បាន​ធ្វើ​តេស្ត​​មុន​វគ្គ ក្រោយ​បញ្ចប់​វគ្គ​ដើម្បី​វាស់​ស្ទង់​សមត្ថភាព ចូល​រួម​អនុវត្ត​ផ្ទាល់ ដើម្បី​ធានា​បាន​ថា​ពិត​ជា​អាច​ប្រើប្រាស់​កម្មវិធី​ខាង​លើ និង​យក​ទៅ​អនុវត្ត​ផ្ទាល់​បង្កើន​ប្រសិទ្ធភាព​ក្នុង​ការ​បង្រៀន​តាម​បែប​ឌីជីថល។ សូម​ជម្រាប​ថា វគ្គ បណ្ដុះបណ្ដាល​នេះ នឹង ត្រូវ​បាន​រៀបចំ​ឡើង​នៅ​តាម​សាលា​ធនធាន​នានា​តាម​បណ្ដា​រាជធានី ខេត្ត៕

អត្ថបទ៖ ច័ន្ទ វីរៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥២ នាទី មុន

ក្រសួងការងារ និងGIZ ចុះអនុស្សរណៈលើការអនុវត្តគម្រោងបណ្តុះបណ្តាលបច្ចេកទេស និងវិជ្ជាជីវៈ អាស៊ាន ស្វីស

សេចក្ដីជូនដំណឹង២ ម៉ោង មុន

គុណភាព​ល្អឥតខ្ចោះ​! ខុន​ដូ​ប្រណិត​រំដួល​ស៊ី​ធី​លំដាប់​ខ្ពស់​ដំបូង​នៅ​ភ្នំពេញ​ត្រូវបាន​ប្រគល់ជូន​ជា​ផ្លូវការ​

សេចក្ដីជូនដំណឹង២ ម៉ោង មុន

សេចក្ដីជូនដំណឹងស្ដីពីការអញ្ជើញចូលរួមដេញថ្លៃគម្រោងទិញឧបករណ៍បញ្ជូនស៊ីញ៉ាល់ប្រចាំឆ្នាំ២០២៤

ព័ត៌មានជាតិ៣ ម៉ោង មុន

សារមន្ទីរព្រះស្រីឦសានវរ្ម័ន ចាប់ដៃគ្នាជាមួយសមាគមធនាគារនៅកម្ពុជា ដើម្បីលើកកម្ពស់ចំណេះដឹងហិរញ្ញវត្ថុយុវជន

ព័ត៌មានអន្ដរជាតិ៣ ម៉ោង មុន

Breaking News! ប្រធានាធិបតី វៀតណាម ប្រកាសលាលែងពីតំណែង

Sokha Hotels

ព័ត៌មានពេញនិយម