ព័ត៌មានជាតិ
ម្ទេសក្នុងស្រុកឡើងថ្លៃ ដោយសារឈ្មួញនាំចេញទៅថៃ មានតម្លៃខ្ពស់
នៅក្នុងខែធ្នូឆ្នាំ២០២០នេះ អ្នកលក់និងអ្នកទិញដូរ ក្នុងផ្សារមានការភ្ញាក់ផ្អើល ដោយសារតែផ្លែម្ទេសឡើងថ្លៃហួសពីការស្មាន។
តាមប្រភពច្បាស់ការពីលោក សាន់ ប៊ុនណា ប្រធានគ្រប់គ្រងផ្សារបន្លែច្បារអំពៅ បានប្រាប់កម្ពុជាថ្មី នាព្រឹកថ្ងៃទី២២ ខែធ្នូនេះថា នៅក្នុងខែនេះ ផ្លែម្ទេសក្នុងទីផ្សារពិតជាឡើងថ្លៃមែន ព្រោះឈ្មួញចុះមកទិញរួចដឹកយកទៅប្រទេសថៃ ទើបតម្លៃម្ទេសហក់ឡើងបែបនេះ។ លោកប្រធានគ្រប់គ្រងផ្សារបន្តថា ម្ទេសដែលនាំចូលពីប្រទេសវៀតណាម(ម្ទេសក្រហម)ក្នុង១គីឡូក្រាមថ្លៃ២០០០០រៀល។ ដោយឡែកម្ទេសខ្មែរ(ម្ទេសខ្មាំង ម្ទេសអាចម៍ឆ្មា)ក្នុង១គីឡូក្រាមថ្លៃ៣០០០០រៀលឯណោះ។
លោក ប៊ុនណា បន្តថា ម្ទេសវៀតណាមពណ៌ក្រហម នៅប្រទេសថៃថ្លៃ២៤០០០រៀល ក្នុង១គីឡូក្រាម ខណៈនៅប្រទេសកម្ពុជា យើងថ្លៃតែ២០០០០រៀល។ ចំណែកម្ទេសកម្ពុជា យើងបើយកទៅលក់នៅប្រទេសថៃ ក្នុង១គីឡូក្រាមថ្លៃ៤០០០០រៀល លើសយើង១០០០០រៀល។
តាមការរៀបរាប់ពីប្រជាពលរដ្ឋ ដែលនិយមទិញបន្លែតាមរទេះ ដែលរុញលក់តាមផ្ទះវិញបាននិយាយថា នៅក្នុងខែធ្នូនេះ ពុំមានផ្លែម្ទេសលក់នោះទេ ដោយសារតែមានតម្លៃខ្ពស់ពេក ហើយបើលក់វិញ គឺ៥០០រៀលលក់មិនបានទេ គឺចាប់ពី១០០០រៀលទៅទើបលក់បាន។
ដោយឡែកកសិករ រស់ សារឿន ដែលជាម្ចាស់ចម្ការនៅព្រែកថ្មីវិញ បានប្រាប់ថា មូលហេតុដែលម្ទេសឡើងថ្លៃ ដោយសារតែកសិករទើបចាប់ផ្តើមដាំ។ ប៉ុន្តែបើដល់ខែកុម្ភៈឆ្នាំ២០២១វិញ គឺផ្លែម្ទេសមិនខ្វះទេ ហើយក្នុងនោះតម្លៃផ្លែម្ទេស ក៏លែងឡើងថ្លៃទៀតដែរ។ កសិករបញ្ជាក់ដែរថា ដោយសារខែវិច្ឆិកាកន្លងទៅមានភ្លៀងធ្លាក់ច្រើន បង្កឲ្យលិចលង់ដីចម្ការទើបធ្វើដើមម្ទេសលង់ទឹកងាប់អស់ ដូច្នេះហើយទើបម្ទេសឡើងថ្លៃបែបនេះ៕
អត្ថបទ៖ នរា
សូមចុចអាន៖ ផ្សារច្បារអំពៅគម្រោង៣ នឹងរួចរាល់ នៅដើមឆ្នាំ២០២១នេះ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត