​តុលាការ​ធម្មនុញ្ញ​សម្រេច​ជាឯកច្ឆ័ន្ទ​បណ្តេញ​លោក Yoon ​Suk Yeol ពីអំណាច​​ជាផ្លូវការ​

ចៅក្រម​តុលាការធម្មនុញ្ញរបស់ប្រទេសកូរ៉េខាងត្បូង​ទាំង​៨រូប​បាន​បោះឆ្នោត​ជាឯកច្ឆ័ន ​ដក​ប្រធានាធិបតី Yoon Suk-yeol ចេញពីតំណែងជាផ្លូវការនៅថ្ងៃសុក្រ ប៉ុន្មានខែបន្ទាប់ពីគាត់ត្រូវបានចោទប្រកាន់ដោយសមាជិកសភាជុំវិញការប្រកាសដ៏មហន្តរាយរបស់គាត់អំពីច្បាប់អាជ្ញាសឹក ដែលបានធ្វើឱ្យប្រទេសនេះធ្លាក់ចូលក្នុងភាពវឹកវរផ្នែកនយោបាយ។

ប្រធានចៅ​ក្រម​នៃតុលាការ​ធម្មនុញ្ញ​ លោក Moon Hyung-bae បាននិយាយថា៖«យើងសូមប្រកាសសេចក្តីសម្រេចខាងក្រោមនេះ ដោយមានការព្រមព្រៀងជាឯកច្ឆ័ន្ទនៃ​ចៅ​ក្រម​យុត្តិធម៌ទាំងអស់។ [យើង] ច្រានចោលការតតាំង​របស់ប្រធានាធិបតី Yoon Suk-yeol»​ ។

ការ​ប្រកាស​​ច្បាប់​អាជ្ញាសឹក​​កាលថ្ងៃទី៣​ខែធ្នូដ៏អាក្រក់របស់លោក Yoon ដើម្បីបង្វែរការគ្រប់គ្រងរបស់ជនស៊ីវិលមាន​រយៈពេល​ត្រឹមតែ ៦ ម៉ោងមុនពេលសមាជិកសភាបានបោះឆ្នោតទម្លាក់វា។ ក្រោយ​មក ពួក​គេ​បាន​ចោទ​ប្រកាន់​គាត់ ដោយ​​ដក​តួនាទី​របស់​គាត់។

សកម្មភាពនេះបានធ្វើឱ្យមានការចងចាំដ៏ឈឺចាប់នៃមេដឹកនាំដែលគាំទ្រដោយយោធារបស់ប្រទេសកូរ៉េខាងត្បូងដែលបាន​ប្រើច្បាប់អាជ្ញាសឹក និងក្រឹត្យបន្ទាន់ដើម្បីគាបសង្កត់គូប្រជែងក្នុងទសវត្សរ៍ឆ្នាំ ១៩៦០-១៩៨០។

ប្រទេស​កូរ៉េខាងត្បូង​នឹងត្រូវតែរៀបចំការបោះឆ្នោតប្រធានាធិបតីថ្មីក្នុងរយៈពេល ៦០ថ្ងៃនៃការកាន់អំណាច ដែលជាការបញ្ចប់​​វិបត្តិ​នយោបាយដ៏ច្របូកច្របល់បំផុតនៅក្នុងប្រវត្តិសាស្រ្តថ្មីៗរបស់ប្រទេសនេះ៕​

ដោយ រ៉ាន់ រើយ​