ព័ត៌មានជាតិ
កម្ពុជាដើរទៅមុខ ១០ ឆ្នាំ មុនកាលកំណត់ប្រើប្រាស់បច្ចេកវិទ្យាក្នុងវិស័យអប់រំ
លោក រស់ សុវាចា អគ្គលេខាធិការ និងជាអ្នកនាំពាក្យក្រសួងអប់រំ យុវជន និងកីឡា នៅថ្ងៃទី ១៦ ខែសីហា ២០២២ នេះ បានឱ្យដឹងថា ដំណាក់កាលជំងឺកូវីដ១៩ កម្ពុជាដើរទៅមុខ ១០ ឆ្នាំ មុនកាលកំណត់ប្រើប្រាស់បច្ចេកវិទ្យាក្នុងវិស័យអប់រំ។ គ្រូបង្រៀនបានខិតខំរៀនពីការប្រើប្រាស់បច្ចេកវិទ្យាដើម្បីបង្រៀនសិស្សនៅពេលសាលាបានផ្អាកដំណើរការជាបណ្ដោះអាសន្ននាពេលកន្លងមក។
លោក រស់ សុវាចា លើកឡើងនៅក្នុងសន្និសីទសារព័ត៌មានស្ដីពីសមិទ្ធិផលសម្រេចបានរយៈពេល ៥ ឆ្នាំ របស់ក្រសួងអប់រំ យុវជន និងកីឡា នៅថ្ងៃទី ១៦ ខែសីហានេះថា ក្រសួងអប់រំបានពង្រឹងនិងបន្តលើកកម្ពស់ការអប់រំតាមបែបឌីជីថល តាមរយៈ ៥ ចំណុចរួមាន៖
១. ការកែលម្អវេទិកាឌីជីថលដែលមានស្រាប់ និងការបង្កើតមជ្ឈមណ្ឌលអប់រំឌីជីថល និងពីចម្ងាយ។
២. ការផលិតវីដេអូបង្រៀន សម្រាប់មុខវិជ្ជាគោល និងថ្នាក់ប្រឡង ព្រមទាំងបង្ហោះ និងផ្សព្វផ្សាយ លើវេទិកាឌីជីថល ដែលមានស្រាប់។
៣. ការបញ្ចូលការប្រើប្រាស់បច្ចេកវិទ្យានៅក្នុងការបង្រៀន និងរៀន។
៤. ការអភិវឌ្ឍហេដ្ឋារចនាសម្ព័ន្ធឌីជីថលនៅតាមសាលារៀន ដូចជាការរៀបចំបន្ទប់ឌីជីថល ការបំពាក់ប្រព័ន្ធគ្រប់គ្រងការសិក្សានៅតាមសាលារៀន។
៥. ការបង្កើតកម្មវិធីអប់រំឌីជីថល។
លោក រស់ សុវាចា បានឱ្យដឹងថា ការបង្កើនចំនួនសិស្សឱ្យចូលរៀនផ្នែកវិទ្យាសាស្ត្រ និងបច្ចេកវិទ្យានៅមធ្យមសិក្សា និងឧត្តមសិក្សាគឺជាកត្តាសំខាន់ដើម្បីឆ្លើយតបការបន្តអភិវឌ្ឍឧស្សាហកម្ម ៤.០ និងគោលនយោបាយជំរុញឌីជីរលរបស់រាជរដ្ឋាភិបាល។ ដូចច្នេះក្រសួងមានទិសដៅបង្កើនចំនួនសាលារៀនជំនាន់ថ្មី និងបង្កើនម៉ោងបង្រៀនផ្ដោតលើមុខវិជ្ជា Stem។
វិនិយោគបន្ថែម និងបង្កើនគុណភាពបណ្ដុះបណ្ដាលគ្រូមុខវិជ្ជា Stem ឱ្យដល់កម្រិតស្ដង់ដារវិជ្ជាជីវៈ។ ក្រៅពីនេះ គឺកែលម្អវិធីសាស្ត្របង្រៀនតាមមុខវិជ្ជា Stem៕
អត្ថបទ៖ ឡេង ដេត
452 មាស ១២
ប្រាក់ ១១៦ សំរិទ្ធិ ២២៤
ការងារអប់រំកាយ និងកីឡា។ និងរៀបចំ
កំណែទម្រង់សាលារៀន
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១១ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១៩ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)