លោក​ វង សូត ណែនាំ​ដល់​មន្ត្រី​បន្ត​ប្រឹងប្រែង​លើ​ការងារ​ជំនាញ​ ដើម្បី​បម្រើ​សេវា​ជន​ងាយ​រងគ្រោះ​
Connect with us
Helistar Cambodia - Helicopter Charter Services

ព័ត៌មានជាតិ

លោក​ វង សូត ណែនាំ​ដល់​មន្ត្រី​បន្ត​ប្រឹងប្រែង​លើ​ការងារ​ជំនាញ​ ដើម្បី​បម្រើ​សេវា​ជន​ងាយ​រងគ្រោះ​

Published

on

​ជា​ការ​អនុវត្តគោលនយោបាយ​យុទ្ធសាស្ត្រ​របស់​រាជរដ្ឋាភិបាល​ឲ្យ​កាន់​តែ​មាន​ប្រសិទ្ធភាព បន្ថែម​ទៀត​នោះ ​លោក វង សូត រដ្ឋមន្ត្រីក្រសួង​សង្គមកិច្ច អតីតយុទ្ធជន និង​យុវ​នីតិសម្បទា​ បាន​ធ្វើ​ការ​ណែនាំ​ដល់​មន្ត្រី​ជំនាញ​គ្រប់​ថ្នាក់​របស់​ក្រសួង​ ត្រូវតែ​បន្ត​ប្រឹងប្រែង​លើ​ការងារ​ជំនាញ​ ក្នុង​ការ​បម្រើ​សេវា​ជូន​ពលរដ្ឋ​ក្រីក្រ​ពិសេស​ជន​ងាយ​រងគ្រោះ ​ដើម្បី​ឲ្យ​ពួកគាត់​ទទួល​នូវ​អត្ថប្រយោជន៍​ពិតប្រាកដ​បន្ត​ទៅ​ទៀត​។

លោក​រដ្ឋមន្ត្រី វង សូត ថ្លែង​បែបនេះ​កាលពី​ម្សិលមិញ​ ខណៈ​ពេល​ដឹកនាំ​ក្រុមការងារ​ចុះ​ត្រួតពិនិត្យ​សំណង់​អាគារ​របស់​មន្ទីរ​សង្គម​កិច្ច អតីតយុទ្ធជន និង​យុវ​នីតិសម្បទា​ខេត្ត​ព្រះសីហនុ​ដែល​កំពុង​លេច​រូបរាង​ជា​បណ្តើរៗ​នោះ​។​

​ជានិច្ចកាល​សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា និង​សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុន សែន ប្រធាន​កាកបាទ​ក្រហមកម្ពុជា តែងតែ​មាន​មនោសញ្ចេតនា​ស្រលាញ់​រាប់អាន និង​បាន​យកចិត្ត​ទុក្ខ​ដាក់​ខ្ពស់​ដល់​សុខទុក្ខ​របស់​មន្ត្រី​រាជកា​រ​នៅ​ទូទាំង​ប្រទេស​ជាធំ​។ ជាក់ស្ដែង​សំណង់​អគារ​ដ៏​ធំ​ស្កឹមស្កៃ​ ដែល​កំពុង​សាងសង់​នេះ​រាជរដ្ឋាភិបាល ក៏ដូចជា​ក្រសួង ជាពិសេស សម្តេច​តេ​ជោ នាយករដ្ឋមន្ត្រី បាន​គិតគូរ​ខ្ពស់​បំផុត ចំពោះ​សុខុមាលភាព ជីវភាព​របស់​ពលរដ្ឋ​ទូទៅ ក៏​ដូច​ជ​ជន​ងាយ​រងគ្រោះ​ ដើម្បី​បង្កើន​ភាព​ងាយស្រួល​ទាំង​ការ​ហូបចុក ការ​ស្នាក់នៅ និង ការងារ​ប្រចាំថ្ងៃ​។

​ជា​ការ​ពិត​ណាស់​ ក្រោម​ការដឹកនាំ​ប្រកបដោយ​កិត្តិ​បណ្ឌិត​របស់​សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​បាន​ដឹកនាំ​ប្រទេស​មាន​សុខសន្តិភាព និង​បាន​ដាក់​ចេញ​នូវ​វិធានការ​ជាច្រើន ក្នុង​ន័យ​ពង្រឹង និង​ធ្វើ​ឲ្យ​ប្រសើរ​ឡើង​នូវ ភូមិ ឃុំ មាន​សុវត្ថិភាព ក៏ដូចជា គោលនយោបាយ​គាំពារ​សង្គម​ផ្សេងៗ ដើម្បី​ធ្វើ​ឲ្យ​ជីវភាព​រស់នៅ​របស់​ប្រជាពលរដ្ឋ​ក្រីក្រ​និង​ជន​ងាយ​រងគ្រោះ​ឲ្យ​កាន់តែ​ប្រសើរ​ឡើង ជាពិសេស ការ​ដាក់​ឲ្យ​អនុវត្ត​នូវ​ការផ្តល់​សាច់ប្រាក់​ជូន​ដល់​ប្រជាពលរដ្ឋ ក្រ​១ និង ក្រ​២ និង​ជនរងគ្រោះ​ស្នាក់នៅ​មណ្ឌល​ព្យាបាល និង​ស្ដារនីតិសម្បទា​អ្នក​ញៀន​គ្រឿងញៀន​ខណៈ​មេរោគ​កូ​វីដ​១៩ បាន​នឹង​កំពុង​រាតត្បាត​នៅ​លើ​ពិភពលោក​ដោយមាន​អ្នក​ឆ្លង​រាប់​រយ​លាន​នាក់​ និង​ស្លាប់​ជាង​មួយ​លាន​នាក់​ទៅ​ហើយ​នោះ​។

​ដូច្នេះ​មន្ត្រី​ពាក់ព័ន្ធ​គ្រប់​លំដាប់​ថ្នាក់​ ត្រូវតែ​បន្ត​ចុះ​តាមដាន​ដល់​មូលដ្ឋាន​ផ្ទាល់​ជួយសង្គ្រោះ​បន្ទាន់​ចំពោះ​ពលរដ្ឋ​ ដែល​ទីទាល់​ក្រជន​ងាយ​រងគ្រោះ​ ដើម្បី​ផ្ដល់​ជំនួយ​របស់​រាជរដ្ឋាភិបាល​ ក៏​ដូច​ជំនួយ​សប្បុរស​ធ​ម៌​ជូន​ដល់​ពួកគាត់​ភ្លាមៗ​តែម្ដង ​ពីព្រោះ​រាជរដ្ឋាភិបាល​មិន​ទុក​ឲ្យ​ពលរដ្ឋ​ណា​ម្នាក់​ស្លាប់​ដោយ​អត់​បាយឡើយ​៕

អត្ថបទ៖ វិមាន​

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services