រយៈពេល១ថ្ងៃ រកឃើញមធ្យោបាយល្មើស ចំនួន ៨៩៩គ្រឿង

មធ្យោបាយធ្វើដំណើរជាង៨០០គ្រឿង ត្រូវបានសមត្ថកិច្ចឃាត់ និងពិន័យ ដោយសាររកឃើញល្មើសច្បាប់ចរាចរណ៍។នេះបើយោងតាមរបាយការណ៍សមត្ថកិច្ច។

របាយការណ៍ពីនាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈ នៃអគ្គស្នងការដ្ឋាននគរបាលជាតិ បានឱ្យដឹងថា នៅទូទាំងប្រទេស នាថ្ងៃទី២៨ ខែធ្នូ ឆ្នាំ២០២០នេះ មានមធ្យោបាយចូលគោលដៅចំនួន ៦,២៥៦គ្រឿង ក្នុងនោះ​រកឃើញល្មើសច្បាប់ចំនួន ៨៩៩គ្រឿង ត្រូវបានពិន័យតាមអនុក្រឹត្យលេខ៣៩.អនក្រ.បក ។

របាយការណ៍ដដែលបញ្ជាក់ថា ដោយឡែកក្នុងរយៈពេល២៨ថ្ងៃ (ចាប់ពីថ្ងៃទី០១ ដល់ថ្ងៃទី២៨ ខែធ្នូ) ការរឹតបន្ដឹងការអនុវត្តច្បាប់ស្ដីពីចរាចរណ៍ផ្លូវគោក មានមធ្យោបាយចូលគោលដៅមានចំនួន ១២៣,០៥៤គ្រឿង ក្នុងនោះរកឃើញមធ្យោបាយល្មើសសរុបចំនួន ១៧,៧៨៥គ្រឿង មានម៉ូតូចំនួន ១២,២៦៣គ្រឿង ត្រូវបានផាកពិន័យតាមអនុក្រឹត្យ​លេខ៣៩ អនក្រ.បក នៅទូទាំងប្រទេស៕