Connect with us

ព័ត៌មានជាតិ

នាយករដ្ឋមន្ត្រី ៖ កម្ពុជានឹងបន្តជំរុញការអភិវឌ្ឍប្រសិទ្ធភាពថាមពល និងថាមពលកកើតឡើងវិញឲ្យបា​នជាអតិបរមា

បានផុស

នៅ

សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានគូសបញ្ជាក់ថា នាពេលខាងមុខ កម្ពុជានឹងបន្តជំរុញការយកចិត្តទុកដាក់លើការអភិវឌ្ឍប្រសិទ្ធភាពថាមពល និងថាមពលកកើតឡើងវិញឲ្យបា​នជាអតិបរមា ខណៈដែលឆ្នាំ ២០២១ កន្លងទៅនេះ ថាមពល ដែលបានមកពីប្រភពថាមពលកកើតឡើងវិញ បានកើនឡើងទៅដល់ ៤០ភាគរយ នៃថាមពលសរុបរបស់កម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈសុន្ទរកថា របស់សម្ដេចតេជោ ហ៊ុន សែន ថ្លែងក្នុងពិធីបើកកិច្ចប្រជុំរដ្ឋមន្ត្រីថាមពលអាស៊ានលើកទី ៤០ កិច្ចប្រជុំពាក់ព័ន្ធ និងវេទិកាធុរកិច្ចថាមពលអាស៊ានឆ្នាំ ២០២២ ដែលផ្សព្វ​ផ្សាយនៅថ្ងៃទី ១៥ ខែកញ្ញានេះ បានឲ្យដឹងថា ប្រទេសកម្ពុជា បាននិងកំពុងខិតខំប្រឹងប្រែងយ៉ាងសកម្ម ក្នុងការបញ្ចូលប្រភពថាមពលកកើតឡើងវិញ ទៅក្នុងល្បាយនៃប្រភពថាមពលរបស់ខ្លួន។

ជាក់ស្ដែង ក្នុងឆ្នាំ ២០២១កន្លងទៅនេះ ថាមពល ដែលបានមកពីប្រភពថាមពលកកើតឡើងវិញ រួមមានវារីអគ្គិសនី ថាមពលដើរដោយពន្លឺព្រះអាទិត្យ​ និងថាមពលជីវម៉ាស់ បានកើនឡើងទៅដល់ ៤០ភាគរយ នៃថាមពលសរុបរបស់កម្ពុជា។ ម្យ៉ាងទៀត បើពិនិត្យមើលតាមទំហំអានុភាព នៃប្រភពថាម​ពលរបស់កម្ពុជា ចំណែកអានុភាពនៃប្រភពថាមពលកកើតឡើងវិញ គឺមានរហូតដល់ ៥៥ភាគរយ នៃអានុភាពតម្លើងសរុប។

សម្ដេចតេជោ ហ៊ុន សែន បានបន្ថែមថា សម្រាប់ទិសដៅទៅមុខ កម្ពុជានឹងបន្តជំរុញការយកចិត្តទុក​ដាក់លើការអភិវឌ្ឍប្រសិទ្ធភាពថាមពល និងថាមពលកកើតឡើងវិញឲ្យបា​នជាអតិបរមា និងជាបន្តបន្ទាប់ទៅតាមលទ្ធភាពទទួលបាន របស់ប្រព័ន្ធផ្គត់ផ្គង់ថាមពលកម្ពុជា ជាមួយនឹងការកាត់បន្ថយការអភិវឌ្ឍគម្រោងប្រភពថាមពល ដែលប្រើប្រាស់ឥន្ធនៈហ្វូស៊ីល ដែលមានធ្យូងថ្ម និងប្រេង ជាដើម។

សម្ដេចតេជោ ហ៊ុន សែន បានបញ្ជាក់ថា ដើម្បីសម្រេចទិសដៅនេះ កម្ពុជាបាននិងកំពុងសហការជាមួយដៃគូអភិវឌ្ឍនានា ក្នុងការសិក្សា និងរៀបចំផែនការមេអភិវឌ្ឍន៍វិស័យថាមពលកម្ពុជា រហូតដល់ឆ្នាំ ២០៤០ គោលនយោបាយជាតិ ស្ដីពី ប្រសិទ្ធភាពថាមពល ផែនដីបង្ហាញផ្លូវ ស្ដីពី ការអភិវឌ្ឍអន្តរកាលថាមពលស្អាត ឆ្ពោះទៅអព្យាក្រឹត្យភាពកាបូន និងគោលនយោបាយអភិវឌ្ឍន៍ថាមពល ពន្លឺព្រះអាទិត្យលើដំបូលនៅកម្ពុជា៕

អត្ថបទ៖ ឃួន សុភ័ក្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤២ វិនាទី មុន

នាយករដ្ឋមន្ត្រី ៖ កម្ពុជានឹងបន្តជំរុញការអភិវឌ្ឍប្រសិទ្ធភាពថាមពល និងថាមពលកកើតឡើងវិញឲ្យបា​នជាអតិបរមា

ព័ត៌មានជាតិ៣ នាទី មុន

ខេត្ត​ព្រះវិហារ​មាន​ម៉ាស៊ីនផលិត​ខ្យល់​អុកស៊ី​សែន ​មិន​ចាំបាច់ទិញពីគេដូចមុនទៀត

ព័ត៌មានជាតិ១២ នាទី មុន

ពិព័រណ៌ឧត្តមសិក្សា ជួយត្រួសត្រាយផ្លូវបន្ថែមដល់សិស្សានុសិស្សទើបបញ្ចប់ថ្នាក់វិទ្យាល័យថ្មីៗ

ព័ត៌មានជាតិ២៦ នាទី មុន

សម្ដេចតេជោ ហ៊ុន សែន ៖ ការកើនឡើងតម្រូវការថាមពល និងអស្ថិរភាពថ្លៃប្រេងឥន្ធនៈ បាននិងកំពុងបង្កឲ្យមានអតិផរណាខ្ពស់

ព័ត៌មានអន្ដរជាតិ២៩ នាទី មុន

តើខេត្ត ថៃ ណាខ្លះហើយកំពុងលិចលង់ដោយទឹកជំនន់?

Sokha Hotels

ព័ត៌មានពេញនិយម