ព័ត៌មានជាតិ
កោះគោលដៅទេសចរណ៍ជាង ៦០ ភាគរយ ទទួលការវិនិយោគប្រែក្លាយជាឋានសួគ៌ទេសចរ
កោះគោលដៅទេសចរណ៍សំខាន់ៗក្នុងដែនសមុទ្រកម្ពុជា បានទទួលកាវិនិយោគដើម្បីអភិវឌ្ឍជាទីសម្រាកលំហែកម្សាន្តដ៏ទាក់ទាញ។
ថ្លែងក្នុងសន្និសីទនៅព្រឹកនេះ លោក តុប សុភ័ក រដ្ឋលេខាធិការ និងជាអ្នកនាំពាក្យក្រសួងទេសចរណ៍បានឲ្យដឹងថា ទេសចរណ៍កម្ពុជាផ្តោតលើវប្បធម៌ និងធម្មជាតិ។ ជាមួយគ្នានេះកោះមួយចំនួនក៏ត្រូវបានយកចិត្តទុកដាក់អភិវឌ្ឍជាគោលដៅទេសចរណ៍ ដើម្បីជំរុញកំណើនសេដ្ឋកិច្ចជាតិ។
លោកបន្តថា កម្ពុជាមានកោះជាង ៦០។ ក្នុងនោះ កោះជាគោលដៅទេសចរណ៍សំខាន់ៗជាង ៦០ ភាគរយ បានទទួលការវិនិយោគជាកន្លែងសម្រាកលំហែរកាយសម្រាប់ភ្ញៀវទេសចរជាតិនិងអន្តរជាតិ។
លោក តុប សុភ័ក បានលើកគំរូពីការអភិវឌ្ឍនៅលើកោះរ៉ុង កោះរ៉ុងសន្លឹង កោះសង្សារ កោះឫស្សី និងបណ្តាប្រជុំកោះផ្សេងទៀត ដែលបានអភិវឌ្ឍនិងបានក្លាយជាផ្នែកមួយបានទាក់ទាញភ្ញៀវទេសចរមកកម្សាន្តនៅក្នុងប្រទេសកម្ពុជា។
ក្រុមប្រឹក្សាអភិវឌ្ឍកម្ពុជាថ្មីៗនេះ បានផ្តល់សិទ្ធិវិនិយោគកោះមួយចំនួននៅក្នុងដែនសមុទ្រខេត្តកែប។ ក្រុមហ៊ុន SAMANEA CO., LTD បានទទួលភ្លើងខៀវពីក្រុមប្រឹក្សាអភិវឌ្ឍកម្ពុជា វិនិយោគនៅលើកោះស្វាយ កោះម្ទេស និងកោះកុក ក្នុងទុនវិនិយោគប្រមាណ ១៨.២ លាន ដុល្លារ អាមេរិក។
ដោយឡែកក្រុមហ៊ុនអ្នកឧកញ៉ា ទ្រី ភាព ក៏ទទួលបានគម្រោងវិនិយោគពីរដ្ឋាភិបាលអភិវឌ្ឍនៅលើកោះទន្សាយ និងកោះត្បាល់ ដើម្បីប្រែក្លាយទៅជាតំបន់រមណីយដ្ឋានទេសចរណ៍បែបធម្មជាតិនៅថ្ងៃអនាគត។
នៅខេត្តព្រះសីហនុ រដ្ឋាភិបាលបានចុះកិច្ចសន្យាប្រគល់កោះនិងឆ្នេរចំនួន ១៩ ទីតាំងក្នុងចំណោមកោះទាំង ៣២ ឱ្យក្រុមហ៊ុនឯកជនវិនិយោគអភិវឌ្ឍន៍ទៅជារមណីយដ្ឋានទាក់ទាញទេសចរកាន់តែច្រើនថែមទៀត។
បើតាមលោក ឡុង ឌីម៉ង់ អភិបាលរងខេត្តព្រះសីហនុ ការដែលរដ្ឋាភិបាលចុះកិច្ចសន្យាជួលកោះនិងឆ្នេរទាំង ១៩ ទៅឱ្យក្រុមហ៊ុនអភិវឌ្ឍន៍ ដើម្បីជំរុញកំណើនសេដ្ឋកិច្ចជាតិ ក៏ដូចជាជួយទាក់ទាញវិនិយោគិន និងភ្ញៀវទេសចរ និងជួយឱ្យភ្ញៀវស្នាក់នៅបានកាន់តែយូរផងដែរ៕
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម២ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម