ព័ត៌មានជាតិ
សម្ដេចតេជោ ហ៊ុន សែន ៖ ដើម្បីធានារក្សាសន្តិភាពបាន ជម្រើសតែមួយគត់ គឺបោះឆ្នោតឲ្យគណបក្សប្រជាជនកម្ពុជា
ពីខេត្តបាត់ដំបង សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា និងជាប្រធានគណបក្សប្រជាជនកម្ពុជា បានថ្លែងថា នាពេលបច្ចុប្បន្ននេះ ប្រទេសកម្ពុជា មានសុខសន្តិភាពពេញលេញហើយ តែដើម្បីធានាថា រក្សាសន្តិភាពបាន ជម្រើសតែមួយគត់ គឺបោះឆ្នោតឲ្យគណបក្សប្រជាជនកម្ពុជា បន្តទៀត។
សម្ដេចតេជោ ហ៊ុន សែន បានថ្លែងក្នុងពិធីសំណេះសំណាលជាមួយប្រជាកសិករ ដែលរងគ្រោះដោយទឹកជំនន់ចំនួន ១១,៥២៨ គ្រួសារ ក្នុងខេត្តបាត់ដំបង នាព្រឹកថ្ងៃទី ២៤ ខែតុលានេះថា នាសម័យកាលនេះ គឺជាសម័យសន្តិភាព ដែលការធ្វើដំណើរទោះពេលថ្ងៃ ឬយប់ក៏ដោយ មិនមានបញ្ហាអសន្តិសុខណាមួយកើតឡើងឡើយ។ ផ្ទុយពីសម័យមុនដែលមានសង្រ្គាម នៅពេលធ្វើដំណើរតែងតែទទួលរងនូវការបាញ់ប្រហារ ដោយគ្រាប់កាំភ្លើង។
សម្ដេចតេជោ ហ៊ុន សែន បានថ្លែងបន្តថា «ប៉ុន្តែឥឡូវមានសន្តិភាពហើយ ត្រូវខិតខំរួមគ្នាការពារសន្តិភាពនេះឲ្យខាងតែបាន ទោះបីដោយតម្លៃណាក៏ដោយ….ហើយចំណុចនេះ ដើម្បីធានាថា មានសន្តិភាព រក្សាសន្តិភាពបាន ជម្រើសតែមួយគត់ គឺបោះឆ្នោតឲ្យគណបក្សប្រជាជន អាហ្នឹងសុខទាំងអស់គ្នាហើយ»។
សម្ដេចតេជោ ហ៊ុន សែន បានថ្លែងទៀតថា គណបក្សប្រជាជនកម្ពុជា គ្រប់គ្រងអំណាច គឺគណបក្សប្រជាជនកម្ពុជា រកសន្តិភាពឲ្យប្រទេសជាតិបាន ហើយលទ្ធភាពរក្សាសន្តិភាពបាន សម្រាប់ការពារអាយុជីវិតប្រជាពលរដ្ឋ នៅទូទាំងប្រទេស។ ជាមួយគ្នានេះ សម្ដេចតេជោ ហ៊ុន សែន សង្ឃឹមថា ប្រជាពលដ្ឋនៅទូទាំងប្រទេស នឹងបោះឆ្នោតជូនគណបក្សប្រជាជនកម្ពុជា សម្រាប់ការបោះឆ្នោតជ្រើសតាំង តំណាងរាស្រ្ដនីតិកាលទី ៧ នៅថ្ងៃទី ២៣ ខែកក្កដា ឆ្នាំ ២០២៣ខាងមុខ បន្តទៀត៕
អត្ថបទ៖ ឃួន សុភ័ក្រ
-
ព័ត៌មានជាតិ១ សប្តាហ៍ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៦ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៦ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៦ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៦ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៧ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៦ ថ្ងៃ ago
កសិដ្ឋានវៃឆ្លាតដាំដំណាំពោតលើផ្ទៃដីប្រមាណ ១ពាន់ហិកតា នៅខេត្តសៀមរាប ត្រូវបានសម្ពោធជាផ្លូវការ