Connect with us

ព័ត៌មានជាតិ

លោក កៅ គឹមហួន ថា អាមេរិករំពឹងការគាំទ្រពីអាស៊ាន ក្នុងវិបត្តិសង្គ្រាមនៅ អ៊ុយក្រែន

បានផុស

នៅ

លោក កៅ គឹមហួន ប្រតិភូអមនាយករដ្ឋមន្ត្រីបញ្ជាក់ថា អាមេរិក កំពុងចង់បានការគាំទ្រពីអាស៊ាន លើបញ្ហាសង្គ្រាមនៅអ៊ុយក្រែន ហើយការមកដល់ លោក ចូ បៃដិន នៅរាជធានីភ្នំពេញនា​ពេល​ខាង​មុខ​នេះ គឺផ្តល់សារៈសំខាន់ឱ្យ​អាស៊ាន​ និងកម្ពុជា ក្នុង​នាមជា​ប្រធាន​អាស៊ាន​​ឆ្នាំ​នេះ ក្នុងន័យធ្វើកិច្ចពិភាក្សាស្តីពីការដោះស្រាយ​ប្រឈម​រួម។

អនាគតអគ្គលេខាធិការថ្មីរបស់អាស៊ាន អះអាងបែបនេះ នៅក្នុងកិច្ចពិភាក្សាពិសេសក្រោមប្រធានបទ “ស្វែងយល់ពីកិច្ចប្រជុំកំពូលអាស៊ាន៖ បញ្ហាក្តៅៗ និងដំណោះស្រាយ” ដែលរៀបចំឡើងដោយ កម្ពុជាថ្មី នៅព្រឹកថ្ងៃទី០៣ ខែវិច្ឆិកា ឆ្នាំ២០២២នេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កិច្ចប្រជុំកំពូលអាស៊ាន នៅថ្ងៃទី១២ វិច្ឆិកា សប្តាហ៍ក្រោយនេះ លោកបានឱ្យដឹងថា គឺក្នុងន័យដំឡើងភាពជាដៃគូរវាងអាស៊ាននិងសហរដ្ឋអាមេរិក ទៅជាដៃគូគ្រប់ជ្រុងជ្រោយ ក្នុងក្របខណ្ឌអាស៊ាន។

បើតាមការគូសបញ្ជាក់ពីសារៈសំខាន់នៃកិច្ចប្រជុំនេះ គឺដើម្បីពិភាក្សាផ្លាស់ប្តូរយោបល់អំពីបញ្ហាប្រឈមក្នុងតំបន់ និងពិភពលោក សំដៅដល់ការធ្វើយ៉ាណាឱ្យមានគោលជំហរក្នុងការដោះស្រាយបញ្ហារួម។

ទន្ទឹមនឹងនេះ លោក ថុង ម៉េងដាវិត អ្នកសិក្សាស្រាវជ្រាវនៅមជ្ឈមណ្ឌលមេគង្គសម្រាប់​សិក្សា​យុទ្ធសាស្រ្ត នៃ​វិទ្យាស្ថានចក្ខុវិស័យអាស៊ី (AVI) ក៏បានលើកឡើងដែរថា អាស៊ាន មិនអាចមិនអើពើចំពោះបញ្ហាដែលកើតមាន ជុំវិញខ្លួននោះទេ ពិសេសគឺបញ្ហាក្នុងតំបន់។

លោកបន្តថា បញ្ហាទាំងនោះទាមទារឱ្យមានការចូលរួមដោះស្រាយជាចាំបាច់ ព្រោះវាអាចផ្តល់ផលប៉ះពាល់ទាំងអាស៊ាន និងពិភពលោក ដែលមានឧទាហរណ៍ជាក់ស្តែង ដូចករណីវិបត្តិសង្គ្រាមនៅអ៊ុយក្រែន ។

លោក កៅ គីមហួន ពន្យល់ថា រាល់កិច្ចប្រជុំសំខាន់ៗ មិនថាសមាជិកណាមួយជាប្រធាននោះទេ វត្តមានថ្នាក់ដឹកនាំកំពូលប្រទេស ទាំងនោះ ជាអ្វីដែលអ្នករៀបចំនិងប្រទេសពាក់ព័ន្ធចង់បាន ព្រោះគឺដើម្បីងាយស្រួលធ្វើសេចក្តី​សម្រេច ​ក្នុងកិច្ចសហប្រតិបត្តិការ​នានា៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង៣៣ នាទី មុន

ការសិក្សារបស់ក្រុមហ៊ុន Visa បានបង្ហាញថា ការប្រើប្រាស់សាច់ប្រាក់សុទ្ធ នៅតែបន្តរីកសុះសាយនៅក្នុងប្រទេសកម្ពុជា ដែលផ្ទុយពីនិន្នាការក្នុងតំបន់អាស៊ីអាគ្នេយ៍

ព័ត៌មានអន្ដរជាតិ៣៨ នាទី មុន

វៀតណាម ជំរុញឲ្យប្រើវេជ្ជបញ្ជាអេឡិចត្រូនិកលក្ខណៈប្រព័ន្ធ ងាយស្រួលគ្រប់គ្រងថ្នាំមានប្រសិទ្ធភាព

ព័ត៌មានអន្ដរជាតិ១ ម៉ោង មុន

មួយទសវត្សរ៍មកនេះ មានជនចំណាកស្រុកលើលោកជាង ៦៣,០០០ នាក់ស្លាប់បាត់បង់ជីវិត

កីឡា១ ម៉ោង មុន

ចាន់ ប៊ុនហឿន ប្រាប់​ថា ​នឹងពិបាកវ៉ៃ ខាំភូ ឲ្យសន្លប់យប់ស្អែក

អាជីព១ ម៉ោង មុន

យុវជនម្នាក់ បង្កើតមាតិកាស្ដីពីការដាំដុះបន្លែ និងចិញ្ចឹមសត្វ ទទួលបានការគាំទ្រពីមហាជន

Sokha Hotels

ព័ត៌មានពេញនិយម