ព័ត៌មានជាតិ
អាជីវកម្មទេសចរណ៍ជាង២៧០០ទីតាំងបើកឡើងវិញផ្តល់ការងារដល់បុគ្គលិកជាង៣ម៉ឺននាក់
លោក ថោង ខុន រដ្ឋមន្ត្រីក្រសួងទេសចរណ៍បានមានប្រសាសន៍ថា មកដល់ពេលនេះមានអាជីវកម្មទេសចរណ៍ប្រមាណ២,៧០៨ទីតាំង បានបើកឡើងវិញ និងបុគ្គលិកធ្លាប់រងប៉ះពាល់ទទួលបានការងារវិញប្រមាណ ៣១,១០៥នាក់។
គួរបញ្ជាក់ថា ក្នុងអំលុងពេលមានការផ្ទុះរាលដាលខ្លាំងនៃជំងឺកូវីដ-១៩ អាជីវកម្មទេសចរណ៍ដែលទទួលរងផលប៉ះពាល់និងបានបិទ-ផ្អាកសរុបប្រមាណ៣៩១៥ទីតាំង ស្មើនឹងប្រមាណ ៤១% នៃចំនួនអាជីវកម្មសរុប និងប៉ះពាល់បុគ្គលិកប្រមាណ ៥៣៥៣៤នាក់ ស្មើនឹងប្រមាណ ៤៥% នៃចំនួនបុគ្គលិកសរុប។
ថ្លែងក្នុងពិធីសម្ពោធបើកការតាំងពិព័រណ៍វិស័យផ្គត់ផ្គង់ម្ហូបអាហារ សណ្ឋាគារ និងសំណង់ខ្នាតអន្តរជាតិនៅថ្ងៃទី១៦ ខែវិច្ឆិកា នៅ “សហសាលពិព័រណ៍កោះពេជ្រ” លោករដ្ឋមន្ត្រីបានបន្តថា រាជរដ្ឋាភិបាលតែងតែគិតគូរ និងដាក់ចេញនូវគោលនយោបាយគាំទ្រជាបន្តបន្ទាប់ដល់វិស័យទេសចរណ៍រួមមាន៖ ១.)ដាក់ចេញនូវវិធានការចំនួន១០ជុំ ដើម្បីទ្រទ្រង់កំណើន និងគាំទ្រដល់ការបុគ្គលិករងផលប៉ះពាល់ក្នុងនោះក៏មានវិស័យទេសចរណ៍ ដោយលើកលែងកាតព្វកិច្ចពន្ធដារ
ជាក់ស្ដែងគិតត្រឹមថ្ងៃទី២១ ខែតុលា ឆ្នាំ២០២២ បានបើកប្រាក់ឧបត្ថម្ភ ៤០ដុល្លារពីរាជរដ្ឋាភិបាលមានចំនួន ២៣,០១០ នាក់ ស្មើនឹង ៣៧,៨២៣លានរៀល(ប្រមាណជាង ៩លានដុល្លាអាមេរិច)។ ២.)គម្រោងសហហិរញ្ញប្បទានស្តារ និងជំរុញកំណើនក្នុងវិស័យទេសចរណ៍កម្ពុជាដែលរាជរដ្ឋាភិបាលបានដាក់ចេញកាលពីថ្ងៃទី១៧ ខែឧសភា ឆ្នាំ២០២២
ក្នុងទំហំទឹកប្រាក់សហហិរញ្ញប្បទាន ១៥០លានដុល្លារអាមេរិកដែលមានបដិភាគរាជរដ្ឋាភិបាល៥០% និងគ្រឹះស្ថានហិរញ្ញវត្ថុឯកជន៥០%។
ជាមួយគ្នានេះដែរ គិតត្រឹមថ្ងៃទី១៧ ខែតុលា ឆ្នាំ២០២២ គ្រឹះស្ថានហិរញ្ញវត្ថុបានអនុម័តកម្ចីជូនអាជីវកម្មទេសចរណ៍ចំនួន ២០៧ទីតាំងដែលត្រូវជាទឹកប្រាក់ចំនួន ២៧,២៤លានដុល្លារអាមេរិក ស្មើនឹង១៨,១៦% នៃទំហំឥណទានសរុប, ៣.)កម្មវិធីពង្រឹងសមត្ថភាពបុគ្គលិក និងអាជីវកម្មដែលទទួលរងផលប៉ះពាល់តាមរយៈមូលនីធិអភិវឌ្ឍជំនាញបណ្តុះបណ្តាលជូនបុគ្គលិកក្នុងវិស័យទេសចរណ៍។
លោករដ្ឋមន្ត្រីបានបន្ថែមថា ចាប់ពីខែមកររហូតមកដល់ខែតុលា ឆ្នាំ២០២២នេះ កម្ពុជាទទួលបានភ្ញៀវទេសចរអន្តរជាតិប្រមាណ១លាន៥៧ម៉ឺននាក់កើនឡើងចំនួន៩៨៧ភាគរយនិងភ្ញៀវទេសចរផ្ទៃក្នុងប្រមាណជាង១០លាននាក់កើនឡើ
ងប្រមាណ២៣៤ភាគរយ។ លោករដ្ឋមន្ត្រីបានបន្តថា សម្រាប់ការប៉ាន់ស្មានពេញមួយឆ្នាំ២០២២នេះកម្ពុជាយ៉ាងហោចនឹងអាចទទួលបានភ្ញៀវទេសចរអន្តរជាតិប្រមាណ២លាននាក់និងភ្ញៀវទេសចរផ្ទៃក្នុងប្រមាណ ១១លាននាក់ ។ ប៉ុន្តែក្នុងរយៈពេល០៥ឆ្នាំខាងមុខ(ឆ្នាំ២០២៣-២០២៨) កម្ពុជានឹងទាក់ទាញទេសចរអន្តរជាតិឲ្យបានប្រមាណ៧,៥លាននាក់
និងទេសចរផ្ទៃក្នុងប្រមាណ ១៦លាននាក់នៅឆ្នាំ២០២៨ខាងមុខតាមរយៈការដាក់ចេញនូវគោលនយោបាយ ផែនការនិងយុទ្ធសាស្រ្តធំៗក្នុងការគ្រប់គ្រងនិងអភិវឌ្ឍវិស័យទេសចរណ៍ប្រកបដោយប្រសិទ្ធភាពគុណភាព និងនិរន្តរភាព។
លោក MR.DARREN SIOW អ្នកគ្រប់គ្រងនិងរៀបចំកម្មវិធីនេះបានថ្លែងថា “ការត្រលប់មកវិញនៃព្រឹត្តិការណ៍ក្នុង ឆ្នាំនេះ គឺជាសញ្ញាដ៏រឹងមាំមួយនៃការងើបឡើងវិញនៃ សេដ្ឋកិច្ចជាតិនៅក្នុងប្រទេសកម្ពុជា បន្ទាប់ពីវិបត្តិកូវីដ១៩ រយះពេល២ឆ្នាំ” ។
លោកបានបន្តថាពិព័រណ៍ CAMFOOD/CAMHOTEL’22 និង CAMBUILD’22 ត្រូវមានការទទួល ស្គាល់យ៉ាង ទូលំទូលាយថាជាពិព័រណ៏អន្តរជាតិដ៏ធំបំផុតនៅក្នុងប្រទេសកម្ពុជាសម្រាប់វិស័យឧស្សាហកម្ម ម្ហូបអាហារ សណ្ធាគារ បដិសណ្ធារកិច្ច និងឧស្សាហកម្មសំណង់ ហើយទទួលបានការគាំទ្រពីសំណាក់ក្រុមហ៊ុនផ្គត់ផ្គង់ទាំងជាតិ និង អន្តរជាតិ សរុបជាង ២៥០ ក្នុងការចូលរួមដាក់តាំងបង្ហាញផលិតផលនិងសេវាកម្មពាក់ព័ន្ធ ហើយរំពឹងថានឹង ទាក់ទាញអ្នកទស្សនាជាង ១០០០០នាក់ ក្នុងរយៈពេល ៣ថ្ងៃ ចាប់ពីថ្ងៃទី១៦ដល់ថ្ងៃទី១៨ខែវិច្ឆិកាឆ្នាំ២០២២។
លោកបានបន្តទៀតថា បន្ថែមលើសពីរការតាំងពិព័រណ៏នេះបានសហការជាមួយ សមាគមសណ្ឋាគារកម្ពុជា រៀបចំ បង្កើតវេទិការស្វែងការងារសម្រាប់វិស័យបដិសណ្ឋារកិច្ច ក៏ដូចជាការប្រកួតប្រជែងរៀបចំគ្រែ របៀបរចនានិងតុបតែងផ្កា និង សិក្ខាសាលាចែករំលែកអំពីបចេ្ចកទេស ការច្នៃប្រឌិតថ្មីៗ ផ្នែក វិស័យការហ្វេរ ការគ្រប់គ្រងបដិសណ្ឋារកិច្ច និងសំណង់ជាដើមដែលរៀបចំឡើងដោយអ្នកជំនាញជាច្រើន ។
លោក ថោង ខុន បានកោតសរសើរ និងវាយតម្លៃខ្ពស់ដល់AMB Tarsus Events Group និងផ្នែកឯកជន ដែលបានខិតខំប្រឹងប្រែង និងសហការគាំទ្រក្នុងការបង្កើតឱ្យមានកម្មវិធី ពិព័រណ៍វិស័យផ្គត់ផ្គង់ម្ហូបអាហារ សណ្ឋាគារ និងសំណង់ ខ្នាតអន្តរជាតិនេះបន្ទាប់ពីបានខកខានការរៀបចំរបស់ខ្លួនអស់រយៈកាល ០២ឆ្នាំ មកហើយ គឺនៅឆ្នាំ២០២០ និងឆ្នាំ២០២១ ដោយសារតែវិបត្តិនៃជំងឺកូវីដ-១៩។
លោករដ្ឋមន្ត្រីបានបន្តថា « នៅថ្ងៃនេះ យើងទទួលបានឱកាសរៀបចំពិធីតាំងពិព័រណ៍នេះឡើងវិញ ស្របពេលដែលឆ្នាំ២០២២ ត្រូវបានកំណត់ជាឆ្នាំដំបូងនៃដំណើរងើបឡើងវិញ (Recovery)នៃវិស័យទេសចរណ៍កម្ពុជាក្រោយវិបត្តិជំងឺកូវីដ-១៩»។ លោករដ្ឋមន្ត្រីសង្ឃឹមនិងជឿជាក់ថា ក្នុងឆ្នាំក្រោយៗយើងនៅតែបន្តរួមគ្នារៀបចំព្រឹត្តិការណ៍របៀបនេះ និងឱ្យបានកាន់តែច្រើនដង កាន់តែធំជាងនេះ និងកាន់តែសំបូរបែបបន្ថែមទៀត។
លោក លាង មុនីរិទ្ធិ រដ្ឋលេខាធិការ តំណាងដ៏ខ្ពង់ខ្ពស់ លោក ជា សុផារ៉ា ឧបនាយករដ្ឋមន្ត្រី រដ្ឋមន្ត្រី ក្រសួងរៀបចំដែនដីនគរូបនីយកម្ម និងសំណង់ បានមានប្រសាសន៍ថា ចាត់ទុកពិព័រណ៍នេះជាការផ្ដល់ឱកាសសម្រាប់សហគ្រាសក្រុមហ៊ុនអ្នកផលិតអ្នកជំនាញនិងអ្នកជំនាញក្នុងវិស័យសំណង់បានជួបជុំគ្នាដើម្បីផ្លាស់ប្ដូរយោបល់ចែករំលែកបទពិសោធន៍និងចំនេះដឹងជាពិសេសស្វែងយល់អំពីផលិតផលបច្ចេកវិទ្យាថ្មីៗនិងសេវាកម្មវិស័យសំណង់ចុងក្រោយបង្អស់ដែលមាននៅលើទីផ្សារជាតិនិងអន្តរជាតិទន្ទឹមហ្នឹងនឹងកន្ត្រឹមគ្នានេះក៏ជាអត់ការបង្កើតឱកាសសម្រាប់បង្កើតទំនាក់ទំនងស្វែងរកដីគូរពាណិជ្ជកម្មរវាងអ្នកអ្នកផ្គត់ផ្គង់អ្នកចែកចាយអ្នកប្រើប្រាស់រួមទាំងអ្នកវិជ្ជាជីវៈក្នុងវិស័យសំណង់ផងដែរ។
លោកមានជំនឿជឿជាក់ថា ការជួបជុំនេះនឹងផ្តល់កាលានុវត្តភាពដើម្បីកសាងទំនុកអ្នកទំនងភាពជាដៃគូជាមួយគ្នានៃការបណ្តាក់ទុននេះធ្វើជាដៃគូអភិវឌ្ឍដីគួរចែកចាយនៅកម្ពុជាដែលជាទីផ្សារប្រកបដោយសក្តានុពល។ លោកបានអំពាវនាវនិងលើកទឹកចិត្តដល់ស្ថាបត្យករអ្នកអភិវឌ្ឍអចលនទ្រព្យអ្នកគ្រប់គ្រងគម្រោងអ្នកសិក្សាគម្រោងអ្នករចនាអ្នកម៉ៅការសាងសង់ទីប្រឹក្សាគម្រោងវិស្វករនិងអ្នកជំនាញឯកទេសក្នុងវិស័យសំណង់ប្រើឱកាសដ៏ថ្លៃថ្លានេះដើម្បីទាញយកអត្ថប្រយោជន៍ពីព្រឹត្តិការណ៍នៃការតាំងពិព័រណ៍នេះតាមរយៈការចូលរួមទស្សនាសិក្សាស្វែងយល់អំពីសម្ភារៈសំណង់បរិក្ខារសំណង់និងផលិតផលសំណង់និងបច្ចេកវិទ្យាសំណង់ថ្មីៗដែលកំពុងដាក់តាំងតាមស្តង់នីមួយៗក៏ដូចជាចូលរួមក្នុងសិក្ខាសាលាជាច្រើនដែលបានរៀបចំសម្រាប់កម្ពុជារយៈពេលបីថ្ងៃនេះ៕
អត្ថបទ៖ សំអឿន
-
ព័ត៌មានអន្ដរជាតិ៥ ថ្ងៃ ago
ព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ជីវិតកម្សាន្ដ៣ ថ្ងៃ ago
លោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានជាតិ៣ ថ្ងៃ ago
ស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ព័ត៌មានអន្ដរជាតិ៦ ថ្ងៃ ago
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ចរាចរណ៍២៤ ម៉ោង ago
រថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង
-
ជីវិតកម្សាន្ដ៤ ថ្ងៃ ago
លោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ៤ ថ្ងៃ ago
Allan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
-
ព័ត៌មានអន្ដរជាតិ៥ ថ្ងៃ ago
ភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ