Connect with us

ព័ត៌មានជាតិ

ពលរដ្ឋនៅខណ្ឌពោធិ៍សែនជ័យ ស្នើអាជ្ញាធរជួយជួសជុលផ្លូវ ស្តារប្រឡាយ និងពន្លឿនការផ្តល់សេវា

បានផុស

នៅ

ក្នុងវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សារាជធានីភ្នំពេញ នៅក្នុងបរិវេណវត្តតាំងក្រសាំងខាងជើង ក្នុងសង្កាត់កាកាបទី ២ ខណ្ឌពោធិ៍សែនជ័យ នៅព្រឹកថ្ងៃទី ១៧ ខែវិច្ឆិកានេះ ប្រជាពលរដ្ឋ បានស្នើឲ្យអាជ្ញាធរជួយដោះស្រាយជាសំណើ និងសំណូមពរយ៉ាងច្រើនលើការជួសជុល ការស្ថាបនាផ្លូវ លូ និងការស្តារប្រឡាយ ដើម្បីរំដោះទឹកជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វេទិកានេះធ្វើឡើង ក្រោមវត្តមានលោក ជួប ខុន សមាជិកក្រុមប្រឹក្សារាជធានីភ្នំពេញ តំណាងឲ្យលោក ម៉ប់ សារិន ប្រធានក្រុមប្រឹក្សារាជធានីភ្នំពេញ និងលោក ស៊ុយ សេរិទ្ធ អភិបាលរងរាជធានី តំណាងឲ្យលោក ឃួង ស្រេង អភិបាលរាជធានីភ្នំពេញ។

ក្នុងវេទិកានេះ ប្រជាពលរដ្ឋ បានលើកឡើងជាសំណួរ សំណើ និងសំណូមពរផ្ទាល់មាត់ចំនួន ១៥រូប ដោយក្នុងនោះរួមមាន៖ ស្នើសុំការជួសជុលផ្លូវមានជង្ហុក សុំការស្ថាបនាផ្លូវបេតុងតូចៗ នៅក្នុងភូមិដ្ឋានរបស់ពួកគាត់ ស្នើសុំធ្វើបណ្តាញលូបង្ហូរទឹក ការស្នើសុំស្តារប្រឡាយ ការជំរុញឲ្យការផ្តល់សេវានៅច្រកចេញចូលតែមួយមួយឲ្យបានលឿន ដូចជាការសុំបញ្ជាក់សំបុត្រកំណើត អាពាហ៍ពិពាហ៍ សុំការកូនជាដើម។ ការស្នើសុំបាញ់ថ្នាំសម្លាប់មូស និងសុំតបណ្តាញទឹកស្អាតជាដើម។

ពាក់ព័ន្ធនឹងការស្នើសុំឲ្យអាជ្ញាធររាជធានីជួយអន្តរាគមន៍នេះ លោក ស៊ុយ សេរិទ្ធ មានប្រសាសន៍ថា សម្រាប់អាជ្ញាធរសង្កាត់ ខណ្ឌ និងអាជ្ញាធររាជធានីភ្នំពេញ បានយកចិត្តទុកដាក់ណាស់ ដើម្បីដោះស្រាយជូនប្រជាពលរដ្ឋលើបញ្ហាទាំងនេះ ពោលគឺអាជ្ញាធរដោះស្រាយជាតំណាក់កាល ព្រោះធ្វើអ្វីៗទៅតាមគម្រោងថវិកាប្រចាំឆ្នាំ ឬគម្រោងអភិវឌ្ឍ ៣ឆ្នាំរំកិលជាដើម។ គម្រោងនោះត្រូវបែងចែកជា ២ថែមទៀត នោះគឺគម្រោងផ្នែករឹង និងគម្រោងផ្នែកទន់។

លោកបញ្ជាក់ថា គម្រោងផ្នែករឹង គឺការអភិវឌ្ឍមូលដ្ឋាន ហើយគម្រោងផ្នែកទន់ គឺការបណ្តុះបណ្តាល។ ប៉ុន្តែជិត ៣ឆ្នាំនេះ អាជ្ញាធរជួបបញ្ហាជំងឺកូវីដ-១៩ គម្រោងមូលនិធិខណ្ឌ រាជធានី ត្រូវបានកាត់ផ្តាច់ នៅសល់តែគម្រោងអភិវឌ្ឍសង្កាត់បន្តិចបន្តួចប៉ុណ្ណោះ ដែលអាជ្ញាធរពិបាកអភិវឌ្ឍន៍ឲ្យបានទាន់ចិត្តប្រជាពលរដ្ឋចង់បាន។

លោក សក់ ច័ន្ទកញ្ញារិទ្ធ អភិបាលខណ្ឌពោធិ៍សែនជ័យ មានប្រសាសន៍ដែរថា ចំពោះភាពយឺតយ៉ាវក្នុងការផ្តល់សេវានៅច្រកចេញចូលតែមួយ ដូចជាការសុំបញ្ជាក់សំបុត្រកំណើត អាពាហ៍ពិពាហ៍ សុំការកូនជាដើមនោះ លោកបានជំរុញរួចហើយ ខណៈដែលលោកមកកាន់តំណែងជាអភិបាលខណ្ឌ។ លោកទទួលស្គាល់ពីភាពយឺតយ៉ាវកន្លងមកពិតជាមាន នោះគឺផ្តើមចេញពីការខុសឈ្មោះពីគល់បញ្ជី ដែលតម្រូវឲ្យមានការផ្ទៀងផ្ទាត់ឡើងវិញ។

លោក ងី មានហេង ប្រធានមន្ទីរសុខាភិបាលរាជធានីភ្នំពេញ បានឲ្យដឹងដែរថា ចំពោះការបាញ់ថ្នាំមូសនៅតាមលូទឹកស្អុយ លោកនឹងអនុវត្តភ្លាមទៅតាមការស្នើសុំរបស់ប្រជាពលរដ្ឋ។ ប៉ុន្តែទោះបីជាយ៉ាងណាក្តី លោកស្នើឲ្យប្រជាពលរដ្ឋប្រុងប្រយ័ត្នចំពោះមូសខ្លា ដែលបង្កឲ្យកើតជំងឺគ្រុនឈាមនោះ ប្រជាពលរដ្ឋត្រូវបំបាត់ជំរកមូសខ្លាឲ្យអស់ ព្រោះមូសខ្លាពងតែក្នុងទឹកដក់ថ្លាតែប៉ុណ្ណោះ។

សមាជិកក្រុមប្រឹក្សារាជធានីភ្នំពេញ លោក ជួប ខុន មានប្រសាសន៍ថា វេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សារាជធានីភ្នំពេញនេះ គឺផ្តោតសំខាន់ពាក់ព័ន្ធនឹងកង្វល់ផ្ទាល់របស់ប្រជាពលរដ្ឋ ក្នុងនោះរួមមាន៖ បញ្ហាសន្តិសុខ សណ្តាប់ធ្នាប់ បញ្ហាបរិស្ថាន និងបញ្ហាអភិវឌ្ឍនៅមូលដ្ឋាន ដើម្បីឲ្យអាជ្ញាធរបានដឹងលឺ និងរកយន្តការដោះស្រាយជូន។

វេទិការផ្សព្វផ្សាយ និងពិគ្រោះយោបល់របស់ក្រុមប្រឹក្សារាជធានីភ្នំបេញ ត្រូវបានធ្វើឡើងក្នុង ១ឆ្នាំម្តង ដើម្បីដោះស្រាយរាល់កង្វល់ សំណូមពរ និងសំណើរបស់ប្រជាពលរដ្ឋ។ ប៉ុន្តែក្នុងរយៈពេល ២ឆ្នាំជាប់គ្នានេះ ត្រូវបានខកខានដោយការរាតត្បាតជំងឺកូវីដ-១៩ មិនបានជួបជុំគ្នាបែបនេះទេ។ តែពេលនេះបានជួបជុំគ្នាជាធម្មតាឡើងវិញហើយ៕

អត្ថបទ៖ ស្រីរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២ ម៉ោង មុន

ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

ព័ត៌មានអន្ដរជាតិ៣ ម៉ោង មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

សេចក្ដីជូនដំណឹង៤ ម៉ោង មុន

វឌ្ឍនៈ ប្រ៊ូ​វើ​រី ដាក់​សម្ពោធ​ម៉ាក​សញ្ញា​គ្រុឌ​ថ្មី គឺ​ស្រា​បៀរ គ្រុឌ ឡៃ ផលិត​ពី​បច្ចេកវិទ្យា​ថ្មី​ចុងក្រោយ រក្សា​នូវ​រសជាតិ​ដើម ស្រាល​ស្រទន់ និង​ស្រស់​បំផុត

សន្តិសុខសង្គម៤ ម៉ោង មុន

ផ្តន្ទាទោស​ប្អូន​ថ្លៃ​ដាក់ពន្ធនាគារ ២ ឆ្នាំ ក្រោមរូបភាពបញ្ចុះបញ្ចូលធ្វើមន្តអាគម

ព័ត៌មានអន្ដរជាតិ៤ ម៉ោង មុន

Breaking News! សមាជិកសភាបក្សកាន់អំណាច កូរ៉េខាងត្បូង ត្រូវជនដៃ ដល់អាយុ ១៥ ឆ្នាំយកដុំថ្មវាយបែកក្បាល

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៣ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៥ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម