សន្តិសុខសង្គម

រសៀលនេះ នគរបាលបញ្ជូនជនសង្ស័យចិន-ខ្មែរ ១៩ នាក់ បង្កផលប៉ះពាល់សន្តិសុខ និងបង្កការភ្ញាក់ផ្អើលដល់ភ្ញៀវទេសចរទៅតុលាការ

បានផុស

៤ ខែ មុន

នៅ

ថ្ងៃសុក្រ ១៤ មីនា ២០២៥

ដោយ

បញ្ជូនជនជាតិចិន និងខ្មែរ ចំនួន ១៩ នាក់ ដែលបង្កផលប៉ះពាល់សន្តិសុខសណ្ដាប់ធ្នាប់ និងបង្កការភ្ញាក់ផ្អើលដល់ភ្ញៀវទេសចរអន្តរជាតិទៅកាន់សាលាដំបូងរាជធានីភ្នំពេញ នៅរសៀលថ្ងៃទី ១៤ ខែមីនា ឆ្នាំ ២០២៥ នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រតិបត្តិការនេះបានធ្វើឡើងចាប់តាំងពីថ្ងៃទី ០៦ រហូតដល់ថ្ងៃទី ១០ ខែមីនា ឆ្នាំ ២០២៥ នៅឯខេត្តបន្ទាយមានជ័យ ដែលមានការចូលរួមសហការពីមន្ត្រីសមត្ថកិច្ចខេត្តមណ្ឌលគីរី និងខេត្តស្វាយរៀង។

តាមការបញ្ជាក់ពីលោកឧត្ដមសេនីយ៍ត្រី ប៊ុន សត្យា ស្នងការរងផែនការងារនគរបាលព្រហ្មទណ្ឌ បានប្រាប់ឲ្យដឹងថា អនុវត្តតាមបទបញ្ជារបស់ លោកឧត្ដមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ បានធ្វើការស្រាវជ្រាវឈានដល់ការបង្ក្រាបបានជនសង្ស័យជនជាតិចិន និងខ្មែរចំនួន ១៩ នាក់ នៅឯខេត្តបន្ទាយមានជ័យ ដែលបានប្រព្រឹត្តនៅចំណុចអាកាសយានដ្ឋានអន្តរជាតិភ្នំពេញ ផ្លូវសហព័ន្ធរុស្សី សង្កាត់កាកាបទី ០១ ខណ្ឌពោធិ៍សែនជ័យ រាជធានីភ្នំពេញ។ ជាលទ្ធផលសមត្ថកិច្ចជំនាញធ្វើការដកហូតបានរថយន្តចំនួន ០៥ គ្រឿង និងអាវុធខ្លីចំនួន ០១ ដើម។ ក្នុងចំណោមជនសង្ស័យទាំង ១៩ នាក់ មានជនជាតិចិន ០២ នាក់ និងជនជាតិខ្មែរ ១៧ នាក់។

បច្ចុប្បន្ន ជនសង្ស័យទាំង ១៩ នាក់ និងវត្ថុតាង កម្លាំងជំនាញ បានកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការតាមនីតិវិធី។ ចំណែកបក្ខពួកជនសង្ស័យដែលនៅសេសសល់មួយចំនួនសមត្ថកិច្ចកំពុងស្រាវជ្រាវ ដើម្បីបន្តស្វែងរកឃាត់ខ្លួនយកមកចាត់ការតាមនីតិវិធី៕

អត្ថបទ ៖ រដ្ឋា