សន្តិសុខសង្គម

សមត្ថកិច្ចខណ្ឌពោធិ៍សែនជ័យ ចុះរដ្ឋបាលឃាត់ខ្លួនជនសង្ស័យ ១៧ នាក់ យកទៅសួរនាំ

បានផុស

១ year មុន

នៅ

ថ្ងៃអង្គារ ២៥ កុម្ភៈ ២០២៥

ដោយ

កម្លាំងជំនាញផ្នែកប្រឆាំងគ្រឿងញៀន នៃអធិការដ្ឋាននគរបាលខណ្ឌពោធិ៍សែនជ័យ ដឹកនាំកម្លាំងចុះធ្វើរដ្ឋបាលតាមបន្ទប់ជួលឃាត់ខ្លួនមនុស្សប្រុស-ស្រីចំនួន ១៧ នាក់ និងម៉ូតូ ៥ គ្រឿង នាំយកទៅសាកសួរ និងតេស្តរកសារធាតុញៀន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រតិបត្តិការនេះបានធ្វើឡើងកាលពីវេលាម៉ោង ៩ ព្រឹក ថ្ងៃទី ២៥ ខែកុម្ភៈ ឆ្នាំ ២០២៥ នៅតាមបន្ទប់ជួលភូមិព្រៃព្រីងជើង ២ សង្កាត់ចោមចៅទី ៣ ខណ្ឌពោធិ៍សែនជ័យ។

តាមសមត្ថកិច្ចបានឲ្យដឹងថា ដោយមានការណែនាំពីលោក ម៉ន វុធី អធិការនគរបាលខណ្ឌពោធិ៍សែនជ័យ បញ្ជាកម្លាំងក្នុងមូលដ្ឋានទប់ស្កាត់បទល្មើស ក្មេងទំនើង និងការប្រើប្រាស់គ្រឿងញៀន ល្បែងស៊ីសងជាដើម ទើបនៅព្រឹកថ្ងៃទី ២៥ កុម្ភៈនេះ កម្លាំងជំនាញផ្នែកប្រឆាំងគ្រឿងញៀន នៃអធិការដ្ឋាននគរបាលខណ្ឌពោធិ៍សែនជ័យ សហការជាមួយកម្លាំងប៉ុស្តិ៍ចោមចៅទី ៣ ដឹកនាំចុះរដ្ឋបាលតាមបន្ទប់ជួលក្នុងភូមិព្រៃព្រីងជើង ២ ធ្វើការឆែកឆេរតាមបន្ទប់ជួល ២ កន្លែង រកឃើញមានសម្ភារៈប្រើប្រាស់គ្រឿងញៀនមួយចំនួន ទើបកម្លាំងសមត្ថកិច្ចឃាត់ខ្លួនមនុស្សប្រុស-ស្រីចំនួន ១៧ នាក់ ក្នុងនោះ ប្រុស ១១ នាក់ និងដកហូតម៉ូតូ ៥ គ្រឿង ព្រមទាំងឧបករណ៍ប្រើប្រាស់គ្រឿងញៀនមួយចំនួន។