Connect with us

ព័ត៌មានជាតិ

លោក លី ធុជ អំពាវនាវប្រទេសជាមិត្ត និងដៃគូអភិវឌ្ឍន៍បន្តគាំទ្រកាន់តែខ្លាំងលើការងារបោស សម្អាតមីន

បានផុស

នៅ

ក្នុងនាមរាជរដ្ឋាភិបាលកម្ពុជាលោកទេសរដ្ឋមន្រ្តី លី ធុជ អំពាវនាវដល់ប្រទេសជាមិត្ត ដៃគូអភិវឌ្ឍន៍ និងសប្បុរសជន បន្តគាំទ្រឲ្យកាន់តែខ្លាំងក្លាបន្ថែមទៀត ដេីម្បីរួមគ្នាសម្រេចគោលដៅលើការងារបោសសម្អាតមីន។

លោកទេសរដ្ឋមន្ត្រីអំពាវនាវបែបនេះនៅថ្ងៃទី ៥ ខែធ្នូ ឆ្នាំ២០២២នេះ ក្នុងកិច្ចប្រជុំជាមួយប្រតិបត្តិករនៃកងទ័ពជើងគោក មជ្ឈមណ្ឌលកងរក្សាសន្តិភាព និងមជ្ឈមណ្ឌលសកម្មភាពកំចាត់មីនកម្ពុជា ដើម្បីរៀបចំផែនការបោសសម្អាតមីនក្រោមការគាំទ្រមូលនិធិកម្ពុជាគ្មានមីនឆ្នាំ២០២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កិច្ចប្រជុំបន្ទាន់នេះ ដឹកនាំដោយលោកទេសរដ្ឋមន្រ្តី លី ធុជ អនុប្រធានទី១ នៃអាជ្ញាធរមីន ដោយយោងតាមអនុសាសន៍ណែនាំដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា និងជាប្រធានអាជ្ញាធរមីន ហើយមានការចូលរួមរបស់លោក ហេង រតនា អគ្គនាយកមជ្ឈមណ្ឌលសកម្មភាពកំចាត់មីនកម្ពុជា (ស៊ីម៉ាក់)។

កិច្ចប្រជុំនេះ លោកទេសរដ្ឋមន្រ្តី លី ធុជ បានលើកឡើងអំពីការអនុវត្តគម្រោងសម្តេចតេជោសម្រាប់សកម្មភាពមីនទាំងពីរដំណាក់កាលដែលមានប្រជាជនកម្ពុជាចំនួន១០ខេត្ត បានទទួលផលប្រយោជន៍ពីគម្រោងនេះ។

លោកបានឲ្យដឹងថា គម្រោងនេះត្រូវធ្វើការបោសសម្អាតផ្ទៃដីមីនចំនួនប្រមាណ ៩១.១២៣.៣៤៩ ម៉ែត្រក្រឡា ក្នុងខេត្តចំនួន ៦ ហើយនឹងត្រូវប្រកាសជាខេត្តអស់មីន នាពេលឆាប់ៗនេះ រួមមាន៖ ខេត្តត្បូងឃ្មុំ ខេត្តតាកែវ ខេត្តកំពង់ឆ្នាំង ខេត្តកំពង់ចាម ខេត្តស្វាយរៀង និងខេត្តកំពត ខណៈស្រុកចំនួន១៤ និងឃុំចំនួន១១ ស្ថិតក្នុងខេត្តកំពង់ស្ពឺ ខេត្តក្រចេះ ខេត្តសៀមរាប និងខេត្តកំពង់ធំ ក៏នឹងត្រូវប្រកាសជាស្រុក-ឃុំអស់មីនផងដែរ។

តាមរយៈលទ្ធផលការងារទាំងនេះ លោក លី ធុជ បានវាយតម្លៃខ្ពស់ចំពោះប្រតិបត្តិករជាតិទាំងបី ដែលបានចូលរួមយ៉ាងសកម្មក្នុងការអនុវត្តការងារបោសសម្អាតមីនក្រោមគម្រោងសម្តេចតេជោសម្រាប់សកម្មភាពមីន ដោយទទួលបាននូវភាពជោគជ័យ និងត្រៀមប្រកាសខេត្ត ស្រុក គ្មានមីនជាបន្តបន្ទាប់។

លោកទេសរដ្ឋមន្រ្តី ក៏បានថ្លែងអំណរគុណដល់ប្រតិបត្តិករជាតិ-អន្តរជាតិដទៃទៀត ដែលបានចូលរួមជាមួយរាជរដ្ឋាភិបាលកម្ពុជា ក្នុងការរំដោះផ្ទៃដី និងផ្តល់ដីសុវត្ថិភាពជូនដល់ប្រជាពលរដ្ឋនៅតាមមូលដ្ឋាន។

ក្នុងឱកាសនោះ ក្នុងនាមប្រជាជនកម្ពុជា ក៏ដូចជាប្រជាជនកំពុងបន្តរស់នៅលើតំបន់សង្ស័យមានមីន និងគ្រាប់មិនទាន់ផ្ទុះ លោកទេសរដ្ឋមន្រ្តី លី ធុជ បានសម្តែងនូវការដឹងគុណ និងថ្លែងអំណរគុណយ៉ាងជ្រាលជ្រៅជូនចំពោះសម្តេចតេជោ ហ៊ុន សែន ដែលបានទម្លាក់ថវិកាបន្ថែមចំនួន ៣០លានដុល្លារអាមេរិក បញ្ចូលទៅក្នុងមូលនិធិកម្ពុជាគ្មានមីនឆ្នាំ២០២៥ ដើម្បីដោះស្រាយបញ្ហាគ្រាប់មីន និងគ្រាប់មិនទាន់ផ្ទុះនៅកម្ពុជា។

លោកទេសរដ្ឋមន្រ្តី បានបន្តទៀតថា ទោះបីមានការបង្កើតមូលនិធិកម្ពុជាគ្មានមីនឆ្នាំ២០២៥ ប៉ុន្តែរាជរដ្ឋាភិបាលកម្ពុជា នៅបន្តត្រូវការឲ្យមានការចូលរួមគាំទ្រកាន់តែខ្លាំងក្លាបន្ថែមទៀតពីប្រទេសជាមិត្ត ដៃគូអភិវឌ្ឍន៍ និងសប្បុរសជននានា ដើម្បីពន្លឿនដល់ការងារបោសសម្អាតមីននៅកម្ពុជា និងបញ្ចប់វត្តមានគ្រាប់មីនចុងក្រោយរួមគ្នា៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៦ នាទី មុន

មន្ទីរសាធារណការខេត្តបន្ទាយមានជ័យចុះផ្សព្វផ្សាយច្បាប់ចរាចរណ៍ផ្លូវគោក ដើម្បី​ជំនួយស្មារតី​ដល់​អ្នកបើកបរ

ជីវិតកម្សាន្ដ២៤ នាទី មុន

ស្ថាប័ន Miss Grand ថៃ ប្រកាសមិនអនុញ្ញាតឱ្យអតីត Miss Universe ចូលរួមប្រកួតកម្មវិធីរបស់ខ្លួន

ព័ត៌មានជាតិ៣៣ នាទី មុន

ទេសរដ្ឋមន្ត្រី លី ធុជ ចាត់​ទុក​ជំនួយ​របស់​ចិន គឺជា​ផ្នែក​ដ៏​សំខាន់​ក្នុង​ដំណើរការ​ឆ្ពោះទៅ​កម្ពុជា​គ្មាន​មីន​ឆ្នាំ​២០២៥

ព័ត៌មានជាតិ៤១ នាទី មុន

មេបញ្ជាការ​កងទ័ពជើងគោក កម្ពុជា​-​ហ្វីលីពីន ចុះហត្ថលេខា​រួមគ្នាស្តីពី​កិច្ចសហប្រតិបត្តិការ​រ​វាង​កងទ័ពជើងគោក នៃ​ប្រទេស​ទាំងពីរ

ជីវិតកម្សាន្ដ១ ម៉ោង មុន

Dior កើនភាគហ៊ុនខ្ពស់បំផុតមិនធ្លាប់មាន ក្រោយតែងតាំង Jimin ជាទូតសុឆន្ទៈបានពីរថ្ងៃ

Sokha Hotels

ព័ត៌មានពេញនិយម