ព័ត៌មានជាតិ
សម្ដេចតេជោ ហ៊ុន សែន ៖ មានតែគណបក្សប្រជាជនមួយគត់ ដែលមានសមត្ថភាពរកសន្តិភាព និងរក្សាសន្តិភាព
សម្ដេចតេជោ ហ៊ុន សែន ប្រធានគណបក្សប្រជាជនកម្ពុជា និងជានាយករដ្ឋមន្ត្រី បានគូសបញ្ជាក់ជាថ្មីថា មានតែគណបក្សប្រជាជនកម្ពុជាមួយគត់ ដែលអាចស្វែងរកសន្តិភាព និងរក្សាសន្តិភាពបាន ហើយក្រុមអ្នកនយោបាយ ដែលអះអាងថា ខ្លួនជាអ្នកប្រជាធិបតេយ្យ ហើយថា នឹងអាចធ្វើបែបនេះបាន បែបនោះបាន គឺមិនប្រាកដនោះឡើយ។
ក្នុងពិធីបើកការដ្ឋានស្តារ និងលើកកម្រិតគុណភាពជាតិលេខ ៣១ និងលេខ ៣៣ នាព្រឹកថ្ងៃទី ៣០ ខែធ្នូនេះ សម្ដេច តេជោ ហ៊ុន សែន បានបន្តលើកឡើងថា ប្រសិនបើគ្មានសន្តិភាពទេ កុំនិយាយដល់រឿងធ្វើអ្វីមួយ ហើយអ្នកដែលមានសមត្ថភាពរកសន្តិភាព និងរក្សាសន្តិភាពនោះ គឺមានតែគណបក្សប្រជាជនកម្ពុជាតែប៉ុណ្ណោះ។
សម្ដេចតេជោ ហ៊ុន សែន បានថ្លែងយ៉ាងដូច្នេះថា «ឥឡូវនេះ ខ្ញុំនិយាយបញ្ហាពាក់ព័ន្ធនឹងសន្តិភាព បើគ្មានសន្តិភាព កុំនិយាយដល់រឿងធ្វើអ្វីមួយ ហើយតើអ្នកណា ដែលមានសមត្ថភាពរកសន្តិភាព ហើយតើអ្នកណា ដែលមានសមត្ថភាពរក្សាសន្តិភាព គឺមានតែគណបក្សប្រជាជនមួយគត់ ដែលមានសមត្ថភាពបែបនេះ»។
សម្ដេចតេជោ ហ៊ុន សែន លើកឡើងបន្តថា ក្រុមអ្នកនយោបាយ ដែលអះអាងថា ខ្លួនជាអ្នកប្រជាធិបតេយ្យ ហើយថា នឹងអាចធ្វើបែបនេះបាន បែបនោះបាន គឺមិនប្រាកដ និងមិនច្បាស់លាស់ នោះឡើយ។ សម្ដេចតេជោ ហ៊ុន សែន ថ្លែងបន្ថែមថា «ក្រុមអ្នកអះអាងថា ខ្លួនជាអ្នកប្រជាធិបតេយ្យ ថា អាចមានលទ្ធភាពធ្វើអញ្ចេះ ធ្វើអញ្ចុះ មិនប្រាកដទេ មិនច្បាស់ទេ មួយថ្ងៃៗគិតែជេរបញ្ចោរៗ អាហ្នឹង គឺទៅហើយៗ»។
សម្ដេចតេជោ ហ៊ុន សែន បានលើកឡើងទៀតថា លើការងារជាក់ស្ដែង គឺសម្ដេច បានប្រមូលក្រុមអ្នកនយោបាយមកពីគណបក្សនានា មករួមរស់ជាមួយគណបក្សប្រជាជនកម្ពុជា ដើម្បីចូលរួមការអភិវឌ្ឍប្រទេសជាតិ៕
អត្ថបទ៖ ឃួន សុភ័ក្រ
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ