Connect with us

ព័ត៌មានជាតិ

អ្នកជំនាញ​អប់រំ​៖​ទោះ​រៀន​ជំនាញ​ណាក៏ដោយ​ត្រូវ​ចេះ​ភាសាបរទេស​១​យ៉ាងតិច​និ​ង​ចេះ​កុំព្យូទ័រ​ផង​

បានផុស

នៅ

​​អ្នកជំនាញ​អប់រំ​បាន​ណែនាំ​ដល់​យុវជន​ពិសេស​សិស្ស​ដែល​ទើប​ជាប់​បាក់​ឌុប​ថ្មី​ៗ​ ដែល​កំពុង​ជ្រើស​រើសយក​ជំនាញ​ដើម្បី​សិក្សា​នៅតាម​មហាវិទ្យាល័យ​និង​សា​លាប​ច្ចេ​ក​ទេស​នានា ​ត្រូវ​រៀន​ជំនាញ​មួយ​ឲ្យ​បានច្បាស់លាស់​ មិន​ថា​ជំនាញ​អ្វី​នោះទេ​ហើយ​ត្រូវ​ចេះ​ភាសាបរទេស​១​យ៉ាងតិច​ និង​ចេះ​ប្រើ​កុំព្យូទ័រ​ទើប​ងាយស្រួល​ក្នុង​ស្វែងរក​ការ​ការងា​រ​ធ្វើ​។​

ថ្លែងប្រាប់​កម្ពុជា​ថ្មី​នៅ​ថ្ងៃទី​៨​ ខែមករា​នេះ លោកបណ្ឌិត ជេ​ត​ ជី​លី​ សាកលវិទ្យាធិការ​សាក​ល​វិទ្យា​ល័យ​ ភូមិន្ទ​ភ្នំពេញ​ បាន​មានប្រសាសន៍ថា ​យុវជន​គួ​រ​រៀន​ជំនាញ​ទៅតាម​ឧបនិស្ស័យ​របស់ខ្លួន​បើ​ស្រលាញ់​មុខជំនាញ​ណា​រៀន​មុខជំនាញ​ដែល​ខ្លួន​ស្រលាញ់​ទៅ​ ប៉ុន្តែ​ត្រូវ​រៀន​ឲ្យ​ច្បាស់លាស់​និង​ចេះ​ពិតប្រាកដ​។​

លោកបណ្ឌិត ជេ​ត​ ជី​លី​ សាកលវិទ្យាធិការ​សាក​ល​វិទ្យា​ល័យ​ ភូមិន្ទ​ភ្នំពេញ​
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក​បាន​បន្ត​ថា ​«​ជា​យោបល់​ខ្ញុំ​ជំនាញ​ណា​ក៏​ល្អ​និង​មាន​ប្រយោជន៍​​ សំខាន់​ប្អូនៗ​និស្សិត​មាន​និ​ស្ស័យ​ខាង​ណា​។ អ្នកខ្លះ​មិន​ពូកែ​សោះ​ខាង​នយោបាយ​ ឬ​សេដ្ឋកិច្ចការទូត​។ តែ​គាត់​ពូកែ​ខាង​បច្ចេក​វិទ្យា​។ដូច្នេះ​គាត់​គួរ​មើល​ទៅ​ខាង​សាលា​ITC ឬ NIPC។យុវជន​ត្រូវ​មើល​ឧបនិស្ស័យ​ខ្លួនឯង​»​។​

លោក​បាន​បន្ថែមទៀតថា​ «​ទោះ​រៀន​ជំនាញ​ណា​ក៏ដោយ​ ប្អូនៗ​ត្រូវ​ចេះ​ភាសាបរទេស​១យ៉ាងតិច អាច​ជា​អង់គ្លេស ចិន ជប៉ុន បារាំង កូរ៉េ​ និង​ចេះ​កុំព្យូទ័រ​។ Skillsទាំងពីរ​នេះ​ត្រូវតែមាន​បន្ថែម​លើ​ជំ​នាញ​គោល​ដែល​ប្អូនៗ​រៀន​»​។​

លោក​សា​កលវិទ្យាធិការ​បាន​រំលឹកថា ​«​កាល​ខ្ញុំ​រៀន​ខាង​អប់រំ​ គេ​និយាយថា​ជា​ជំនាញ​មិនល្អ​។ ពិបាក​រក​ការងារ​ធ្វើ​។ តែ​មិន​អីចឹង​ទេ​។​ ខ្ញុំ​មានការ​ងារ​ធ្វើ​តាំងពី​មិនទាន់​រៀន​ចប់​មក​ម្លេះ​។ ​ជារួម​ខ្ញុំ​អាច​និ​យាយ​ថា​ ជំនាញ​គោល​អី​ក៏បាន​បូក​ភាសាបរទេស​បូក​កុំព្យូទ័រ​នឹង​មាន​ឱកាស​ងាយស្រួល​រក​ការងា​រ​ធ្វើ​»​។​

មិន​ខុសពី លោក បណ្ឌិត ជេ​ត​ជី​លី លោក​ប៉ិច​ បូ​ឡែ​ន ​ប្រ​ធាន​សហព័ន្ធ​សេវា​អប់រំ​នៃ​កម្ពុជា​និង​ជា​អគ្គ​នាយក​ក្រុមហ៊ុន Westline Education Group​បាន​ឲ្យ​ដឹងថា​«​ការពិត​បើ​យើង​មើល​ចរន្ត​ការអភិវឌ្ឍន៍​សេដ្ឋកិច្ច​ទៅមុខ​ខ្ញុំ​គិត​ថា​ យុវជន​របស់​យើង​ផ្តោ​តអារម្មណ៍​រៀន​ទៅលើ​ជំនាញ​ឲ្យ​បានជា​ក់លាក់​មិន​មែន​រៀន​ជា​លក្ខណ​ទូទៅ​ទេ ​បើ​រៀន​ខាង​វិស័យ​ធនាគារ​ឲ្យ​ច្បាស់​ធនាគារ ​បើ​រៀន​ផ្នែក​ម៉ាឃីតធីង​ឲ្យ​ច្បា​ស់​ ម៉ាឃីតធីង​ ពោលគឺ​យើង​ត្រូវ​រៀន​សម្រួច​ទៅមុខ​ជំនាញ​មួយៗ​ជួនកាល​រៀន​គ្រប់គ្រង​ទូទៅ​ពេល​ចេញ​មកវិញ​មិ​នដឹង​ធ្វើ​អ្វី​ឡើយ​»​។​

លោក​បាន​បន្តថា ​យុវជន​អាច​រៀន​មុខជំនាញ​ច្រើន​ដូចជា​បច្ចេកវិទ្យា​ ក​សិ​ឧស្សា​កម្ម វិស្វករ សំណង់​ស៊ីវិល ការ​គូ​ប្លង់​ វិស័យ​សុខាភិបាល​ក៏​មាន​ឯកទេស​ច្រើន​ដែរ​។​ ប៉ុន្តែ​ត្រូវ​រៀន​យកតែ​ជំនាញ​ឬ​ឯក​ទេស​មួ​យៗ​ឲ្យ​ពិតប្រាកដ​ទើប​ងាយស្រួល​រក​ការងារ​ធ្វើ​ កុំ​រៀន​ជា​លក្ខណ​ទូទៅ​។​

​លោក​បាន​បន្ថែមថា​ «​នៅ​កម្ពុជា​យើង​ឱកាស​រៀន​​ជំនាញ​មាន​ច្រើន​មុខ​ណាស់​ប៉ុន្តែ​គ្រា​ន់​តែ​ថា​ ឲ្យ​សម្រួច​ឲ្យ​ច្បាស់លាស់​ទៅតាម​ជំនាញ​នីមួយៗ​ជាជាង​រៀន​ទូទៅ​»៕

អត្ថបទ ៖ ​សំអឿន​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

បច្ចេកវិទ្យា៣ ម៉ោង មុន

សែលកាត មានវត្តមានក្នុងការបង្ហាញពីសមត្ថភាពលើផ្នែកឌីជីថលរបស់ខ្លួន ក្នុងទិវាជាតិ វិទ្យាសាស្រ្ត បចេ្ចកវិទ្យា និងនវានុវត្តន៍ (STI) លើកទី២

ព័ត៌មានជាតិ៣ ម៉ោង មុន

សម្តេច ម៉ែន សំអន៖ កត្តាសន្តិភាពបាននាំមកនូវការរីកចម្រើនទាំងវិស័យពុទ្ធចក្រ និងអាណាចក្រ

ព័ត៌មានជាតិ៥ ម៉ោង មុន

ព្រឹកស្អែក សម្ដេចធិបតី ហ៊ុន ម៉ាណែត នឹងដឹកនាំគណៈប្រតិភូទៅបំពេញទស្សនកិច្ចផ្លូវការ នៅប្រទេស​ឡាវ

សេដ្ឋកិច្ច៥ ម៉ោង មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

ព័ត៌មានជាតិ៥ ម៉ោង មុន

ឯកឧត្តម ហ៊ុន ម៉ានី អញ្ជើញប្រគល់ផ្ទះជាអំណោយរបស់សម្ដេចតេជោ និងសម្តេចកិត្តិព្រឹទ្ធបណ្ឌិត ជូនក្រុមគ្រួសារយុវជន អន ផានិត

Sokha Hotels

ព័ត៌មានពេញនិយម