ព័ត៌មានជាតិ
សម្ដេចតេជោ ហ៊ុន សែន គ្រោងនឹងបំពេញទស្សនកិច្ចនៅប្រទេសចិននាពេលខាងមុខ
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា គ្រោងអញ្ជើញបំពេញទស្សនកិច្ចនៅប្រទេសចិននាពេលខាងមុខ ហើយគម្រោងថ្មីៗជាច្រើន អាចនឹងត្រូវចុះហត្ថលេខា រវាងថ្នាក់ដឹកនាំប្រទេសទាំងពីរ ផងដែរ។
សម្តេចតេជោ ហ៊ុន សែន ក្នុងពីធីបើកការដ្ឋានសាងសង់ ស្ពានឆ្លងកាត់ទន្លេមេគង្គខេត្តក្រចេះ និងផ្លូវតភ្ជាប់ នាព្រឹកថ្ងៃទី ២ ខែមករា ឆ្នាំ ២០២៣នេះ តាមរយៈឯកអគ្គរដ្ឋទូតចិន សម្ដេច សូមថ្លែងអំណរគុណជូនរដ្ឋាភិបាល និងប្រជាជនចិន ជាពិសេសប្រធានាធិបតី និងនាយករដ្ឋមន្ត្រីចិនតែម្ដង ដែលតែងតែផ្ដល់ជំនួយដល់រាជរដ្ឋាភិបាលកម្ពុជា ក្នុងការអភិវឌ្ឍហេដ្ឋារចនាសម្ព័ន្ធចាំបាច់នានា។
សម្ដេចតេជោ ហ៊ុន សែន ក៏បានឲ្យដឹងដែរថា សម្ដេច គ្រោងនឹងអញ្ជើញបំពេញទស្សនកិច្ចទៅកាន់ប្រទេសចិន នាពេលខាងមុខផងដែរ ដោយនាពេលនេះក្រុមការងារប្រទេសទាំងពីរ កំពុងតែរៀបចំគម្រោងនេះហើយ។ សម្ដេចតេជោ ហ៊ុន សែន បានឲ្យដឹងយ៉ាងដូច្នេះថា «ហើយខ្ញុំសង្ឃឹមថា នឹងមានឱកាស ដែលកំពុងតែធ្វើការសម្របសម្រួលគ្នា ដើម្បីទស្សនកិច្ចរបស់ខ្ញុំ ទៅកាន់សាធារណរដ្ឋប្រជាមានិតចិន នៅពេលខាងមុខនេះ»។
សម្ដេចតេជោ ហ៊ុន សែន បានឲ្យដឹងទៀតថា ដំណើរទស្សនកិច្ចរបស់សម្ដេច ទៅកាន់ប្រទេសចិននាពេលខាងមុខនេះ នឹងមានគម្រោងថ្មីៗជាច្រើនទៀត នឹងត្រូវចុះហត្ថលេខារវាងថ្នាក់ដឹកនាំប្រទេសទាំងពីរ រាប់ទាំងគម្រោងផ្លូវល្បឿនលឿន ទីពីរ ដែលតភ្ជាប់ពីរាជធានីភ្នំពេញទៅកាន់ព្រំដែនប្រទេសវៀតណាម ផងដែរ៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ