ព័ត៌មានជាតិ
មន្ទីរពេទ្យព្រះអង្គឌួងបានធ្វើការវះកាត់កុមារ គ-ថ្លង់ពីកំណើត និងដោយសារជំងឺផ្សេងៗបានជិត៥០នាក់ដោយជោគជ័យ
រហូតមកដល់ពេលនេះ មន្ទីរពេទ្យព្រះអង្គឌួង បានធ្វើការវះកាត់កុមារ គ-ថ្លង់ពីកំណើត និងដោយសារជំងឺផ្សេងៗបានជិត៥០នាក់ដោយជោគជ័យ១០០% ដែលអាចឱ្យកុមារស្ដាប់ឮ និងនិយាយបានធម្មតាដើម្បីឲ្យពួកគេទទួលបាននូវជីវិតថ្មីនិងមានសិទ្ធិរស់នៅបានពេញលេញនៅក្នុងសង្គម។
លោកវេជ្ជបណ្ឌិត ស្រី វណ្ណថន ប្រធានផ្នែកត្រចៀក ច្រមុះ បំពង់ក នៃមន្ទីរពេទ្យព្រះអង្គឌួងបានមានប្រសាសន៍នៅថ្ងៃទី១៧មករានេះថា ការវះកាត់ជំងឺគ-ថ្លង់ពីកំណើតបានចាប់ផ្តើមដំបូងកាលពីខែតុលាឆ្នាំ២០១៨ ជូនកុមារចំនួន៥ករណី
ហើយរហូតមកដល់ពេលនេះ មន្ទីរពេទ្យព្រះអង្គឌួងបានវះកាត់ដល់កុមារគ-ថ្លង់ពីកំណើត និងដោយសារជំងឺផ្សេងៗបានចំនួនជិត៥០នាក់ ដោយអ្នកខ្លះវះកាត់ត្រចៀកមួយចំហៀង និងកុមារខ្លះទៀត វះកាត់ត្រចៀកសងខាងជាពិសេសក្រោយការវះកាត់ គឺពួកគាត់ទទួលជោគជ័យ១០០% ក្នុងនោះអាចស្ដាប់ឮ និងនិយាយបានធម្មតា។
លោកសាស្ត្រាចារ្យ លូ លីឃាង ទីប្រឹក្សាអមក្រសួងសុខាភិបាល និងជានាយកមន្ទីរពេទ្យព្រះអង្គឌួងបានលើកឡើងថា
ការវះកាត់កុមារមានជំងឺគ‑ថ្លង់នេះគឺធ្វើឡើងតាមរយៈម៉ាស៊ីនដែលមានបច្ចេកវិទ្យាថ្មីទំនើបដែលអាចឱ្យអ្នកជំងឺមានលទ្ធភា ពស្តាប់ឮ និយាយបាន និងអាចប្រាស្រ័យទាក់ទងជាមួយមនុស្សទូទៅបានដូចមនុស្សធម្មតា ពិសេសកុមារអាចចូលរៀនបានផងដែរ ខណៈដែលមុនវះកាត់ពួកគេធ្វើទំនាក់ទំនងគ្នាតាមរយៈភាសាកាយវិការតែប៉ុណ្ណោះ។
លោកសាស្ត្រាចារ្យ លូ លីឃាង បានបញ្ជាក់ថា មន្ទីរពេទ្យព្រះអង្គឌួង គឺជាមន្ទីរពេទ្យតែមួយគត់នៅប្រទេសកម្ពុជាដែល
មានសេវាវះកាត់ អ្នកជំងឺគ-ថ្លង់ពីកំណើត និងដោយសារជំងឺផ្សេងៗដែលចាប់តាំងពីបើកដំណើរការសេវានេះតាំងពីខែតុលា ឆ្នាំ២០១៨កន្លមកនេះ រហូតមកដល់បច្ចុប្បន្ននេះមន្ទីរពេទ្យបានសហការជាមួយក្រុមគ្រូពេទ្យជំនាញមកពីប្រទេសកូរ៉េ និងថៃ ។
លោកសាស្ត្រាចារ្យ លូ លីឃាង បានបន្តថា កុមារដែលមានជំងឺគថ្លង់អាចបង្រៀនឆាប់ចេះនិយាយជាងមនុស្សចាស់ដោយសារតែកុមារងាយស្រួលហាត់ពុតសំលេងដែលធ្វើជួយឲ្យកុមារអាចមានលទ្ធភាពស្តាប់ឮ និយាយបាន និងអាចប្រាស្រ័យទាក់ទងជាមួយមនុស្សទូទៅបានដូចមនុស្សធម្មតាពិសេសកុមារអាចចូលរៀនបានផងដែរខណៈដែលមុនការវះកាត់ពួកគេធ្វើទំនាក់ទំនងគ្នាតាមរយៈភាសាកាយវិការតែប៉ុណ្ណោះ។
លោកសាស្ត្រាចារ្យ លូ លីឃាង បានបន្ថែមទៀតថា ទន្ទឹមនឹងការវះកាត់ក៏មានការបង្រៀនអ្នកជំងឺឱ្យចេញអានចេះនិយាយ និងមានបង្ហាញនូវរបស់របរអ្វីមួយដើម្បីឲ្យកុមារបានស្គាល់និងនិយាយពីវត្ថុទាំងនោះបានច្បាស់។ លោកសាស្ត្រាចារ្យ លូ លីឃាង បានបន្តទៀតថា ការបង្រៀននេះមានរយៈពេល៦ខែសម្រាប់កុមារដែលមានភាពវ័យឆ្លាតអាចឆាប់ចាប់បាន និងរយៈពេល១ឆ្នាំសម្រាប់កុមារដែលមិនសូវចេះនិយាយ។ ប៉ុន្តែអាណាព្យាបាលឬឪពុកម្តាយក៏ជួយបង្ហាត់ឱ្យកូនៗរបស់ខ្លួនឲ្យហាត់រៀននិយាយនៅផ្ទះនូវពាក្យអ្វីមួយដែលគ្រូបានដាក់ពីសាលាទៅដើម្បីឲ្យអណ្តាតរបស់កុមារក្រលាស់បានលឿននិងឆាប់ចេះនិយាយនិងនិយាយបានច្បាស់ល្អ។
លោកនាយកមន្ទីរពេទ្យព្រះអង្គឌួងបានអំពាវនាវដល់បងប្អូនប្រជាពលរដ្ឋដែលមានកូនចៅ និងសាច់ញាតិមានជំងឺគ‑ថ្លង់ត្រូវមកវះកាត់ជំងឺដើម្បីឲ្យពួកគេទទួលបាននូវជីវិតថ្មីនិងមានសិទ្ធិរស់នៅបានពេញលេញនៅក្នុងសង្គម៕
អត្ថបទ៖ សំអឿន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង