ព័ត៌មានជាតិ
មន្ទីរអប់រំរាជធានីភ្នំពេញ ចុះតាមដានវត្តមានសិស្សមកសិក្សាថ្ងៃចូលឆ្នាំចិន
លោក ហែម ស៊ីណារ៉េត ប្រធានមន្ទីរអប់រំយុវជន និងកីឡារាជធានីភ្នំពេញមានប្រសាសន៍នៅព្រឹកថ្ងៃទី ២៣ មករានេះថា ថ្ងៃចូលឆ្នាំចិនទី ២ នេះ សាលារៀននៅភ្នំពេញដំណើរការសិក្សាជាធម្មតាមិនមានអ្វីប្រែប្រួលនោះទេ។
«តាមរបាយការណ៍ដែលសាលារៀននីមួយៗផ្ញើរមកមន្ទីរនៅព្រឹកនេះ ឃើញថាសាលារៀនដំណើរការជាធម្មតាដោយលោកគ្រូអ្នកគ្រូនិងសិស្សមកបង្រៀននិងរៀនដូចថ្ងៃធម្មតាដែរ»។
លោកប្រធានមន្ទីរបានបន្តថា លទ្ធផលនេះដោយសារតែតាមសាលានីមួយៗក៏ដូចជាលោកគ្រូអ្នកគ្រូ និងសិស្សានុសិស្សអនុវត្តបានល្អប្រសើរតាមការណែនាំរបស់មន្ទីរ។
យ៉ាងណាក៏ដោយមន្ទីរអប់រំ នៅតែឱ្យក្រុមការងារតាមឃ្លាំមើលនៅតាមសាលារៀននានានៅក្នុងរាជធានីភ្នំពេញនៅក្នុងឱកាសបុណ្យចូលឆ្នាំចិនជាបន្តទៀត ដើម្បីធ្វើយ៉ាងណាទប់ស្កាត់មិនឱ្យមានសាលាណាមួយត្រូវបិទទ្វារដោយសារមិនមានសិស្សមករៀននៅក្នុងឱកាសបុណ្យចូលឆ្នាំចិននេះ។
លោកបានណែនាំដល់លោកនាយកសាលាត្រូវរាយការណ៍ពីវត្តមានគ្រូនិងសិស្សក្នុង ១ថ្ងៃ២លើកដោយលើកទី១នៅពេលព្រឹកនិងលើកទី២នៅពេលរសៀល ដើម្បីដឹងថាតើមានគ្រូនិងសិស្សប៉ុន្មាននាក់អវត្តមាននៅក្នុងបុណ្យចូលឆ្នាំចិន។
លោក រស់សុវាចា អ្នកនាំពាក្យក្រសួងអប់រំយុវជននិងកីឡាបានណែនាំដល់អាណាព្យាបាលមាតាបិតាសិស្សគួរនាំកូនៗរបស់ខ្លួនមករៀនឲ្យបានគ្រប់ៗគ្នានៅក្នុងឱកាសពិធីបុណ្យចូលឆ្នាំប្រពៃណីជនជាតិចិនវៀតណាម ដើម្បីកុំឲ្យពួកគេខាតការសិក្សាឬរៀនមិនទាន់គេជាដើមព្រោះថាបុណ្យចូលឆ្នាំចិន មិនស្ថិតក្នុងប្រតិទិនឈប់សម្រាកការងារប្រចាំឆ្នាំ២០២៣នោះទេ។
លោកបានបន្តថា ចំណែកបុគ្គលិកអប់រំត្រូវរៀបចំកម្មវិធីការងាររបស់ខ្លួនឱ្យមានដំណើការជាប្រក្រតីផងដែរ។
គួរបញ្ជាក់ថា ពិធីបុណ្យចូលឆ្នាំចិនឆ្នាំនេះប្រព្រឹត្តិរយៈពេល៣ថ្ងៃគឺចាប់ពីថ្ងៃទី២២ទី២៣និងទី២៤ខែមករាឆ្នាំ២០២៣នេះ៕
អត្ថបទ៖ សំអឿន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ