ព័ត៌មានជាតិ
អាជ្ញាធររៀបចំកែលម្អ និងតុបតែងក្រុងស្ទឹងសែនសម្រេចបាន ៩០% ហើយដើម្បីត្រៀមបុណ្យទន្លេ
អាជ្ញាធរក្រុងស្ទឹងសែនបញ្ជាក់ថា ការតុបតែង និងកែលម្អសោភ័ណភាពក្រុង សម្រេចបាន ៩០% ហើយ ដើម្បីទទួលភ្ញៀវទេសចរណ៍ជាតិ និងអន្តរជាតិក្នុងពិធីបុណ្យទន្លេលើកទី៧។
លោក ពេញ កែម អភិបាលក្រុងស្ទឹងសែន នៅយប់ថ្ងៃទី ២៨ ខែកុម្ភៈ ឈានចូលថ្ងៃទី១ ខែមីនា ឆ្នាំ២០២៣ បញ្ជាក់ថា ការកែលម្អរសោភ័ណ្ឌភាព រួមជាមួយការតុបភ្លើងលម្អក្នុងក្រុង សម្រេចបាន៩០% ហើយ ដើម្បីត្រៀមធ្វើពិធីបុណ្យទន្លេ។ លោកបន្តថា ក្រោមការចង្អុលបង្ហាញពីលោក ងួន រតនៈ អភិបាលខេត្តកំពង់ធំបានដាក់ចេញនូវផែនការសំខាន់ៗ ដើម្បីត្រៀមទទួលពិធីបុណ្យទន្លេលើកទី៧ នៅក្នុងខេត្តកំពង់ធំ។
ស្ថានភាពចំពោះមុខអាជ្ញាធរក្រុង ដែលមានការសហការគ្នាយ៉ាងជិតស្និតរវាង អាជ្ញាធរសង្កាត់ទាំងប្រាំបី កងកម្លាំងទាំងបី ជាពិសេសនោះ គឺមានការចូលរួមពីប្រជាពលរដ្ឋ អាជីវករ ស្ថានប័នរដ្ឋ និងឯកជន ក្នុងការរៀបចំតុបតែងភ្លើងលម្អររៀងៗខ្លួន ធ្វើឲ្យសោភ័ណ្ឌភាពតាមដងផ្លូវជាតិលេខ ៦ នៅក្នុងក្រុង នៅសួនដំរីជាន់ខ្លា សួនស្ទឹងសែន សួនវិមានឯករាជ្យ និងរង្វង់មូលលោកតាក្រហម “ក” មានភាពស្រស់ស្អាត និងទាក់ទាញយ៉ាងខ្លាំង។
ទន្ទឹមនេះផងដែរ បុណ្យទន្លេក្រោមប្រធានបទ “ទន្លេរបស់យើង ដើម្បីបច្ចុប្បន្ន និងអនាគត” បានរៀបចំតាំងភ្លើងលម្អលើស្ពានស្ទឹងសែន ដែលនៅផ្នែក ខាងលិច នៃស្ពាន មានពាក្យ “អគុណសន្តិភាព និងពិធីបុណ្យទន្លេ ខេត្តកំពង់ធំ” ផងដែរ។
លោកបញ្ជាក់ថា កិច្ចការងារដែលត្រូវយកចិត្តទុកដាក់បំផុតក្នុងស្ថានភាពនេះ គឺការរៀបចំថែរក្សាសន្តិសុខ និងសណ្តាប់ធ្នាប់សាធារណៈ ដើម្បីការពារសុវត្ថិភាពរបស់ប្រជាពលរដ្ឋដែលមកលេងកំសាន្ត នៅតាមសួន សាធារណៈ ដែលបានតុបតែងភ្លើងរួច ព្រោះប្រជាពលរដ្ឋទាំងអស់មានការចាប់អារម្មណ៍យ៉ាងខ្លាំង មកកម្សាន្ត ថតរូប បំបាត់ការនឿយហត់ក្រោមពីសម្រាកការងារប្រចាំថ្ងៃ៕
អត្ថបទ៖ ឈាង មករា
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១៩ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore