ព័ត៌មានជាតិ
សេវារថយន្ដក្រុង និងកាណូត សាធារណៈ បន្តផ្អាកសកម្មភាពក្នុងវិបត្តិកូវីដ
នៅក្នុងកំឡុងដើមឆ្នាំ២០២០ កន្លងមកនេះ រដ្ឋបាលរាជធានីភ្នំពេញ បានផ្អាកការផ្ដល់សេវារថយន្តក្រុង និងកាណូតរបស់រដ្ឋ ដើម្បីទប់ស្កាត់ការរីករាលដាល នៃជំងឺកូវីដ-១៩ ខណៈមកដល់ខែមករា ឆ្នាំ២០២១នេះ ក៏ពុំទាន់កំណត់ថ្ងៃបើកដំណើរការវិញនៅឡើយដែរ។
អ្នកនាំពាក្យរដ្ឋបាលរាជធានីភ្នំពេញ លោក ម៉េត មាសភក្ដី បានប្រាប់ឱ្យដឹងនៅព្រឹកថ្ងៃទី១៥ ខែមករានេះថា គិតមកដល់ពេលនេះ រដ្ឋបាលរាជធានីភ្នំពេញ នៅមិនទាន់កំណត់ថ្ងៃ ដើម្បីផ្ដល់សេវារថយន្តក្រុង និងសេវាកាណូតដឹកអ្នកដំណើរឡើងវិញ នៅឡើយទេ។
លោកបន្តថា គិតមកដល់ខែមករា ឆ្នាំ២០២១នេះ មានរយៈពេលប្រមាណ១០ខែហើយ ដែលរដ្ឋបាលរាជធានីភ្នំពេញ បានសម្រេចផ្អាកការផ្តល់សេវារថយន្តក្រុង និងសេវាកាណូត ជាបណ្តោះអាសន្ន ដើម្បីរួមចំណែកជាមួយរាជរដ្ឋាភិបាល និងក្រសួងសុខាភិបាល ក្នុងការទប់ស្កាត់ការរីករាលដាលមេរោគកូវីដ-១៩ នៅរាជធានីភ្នំពេញ។
លោកបន្តទៀតថា ការប្រមូលផ្តុំគ្នាជិះរថយន្តក្រុង និងកាណូត នៅតែជាបញ្ហាប្រឈមនឹងជំងឺកូវីដ-១៩ ដូច្នេះយើងនៅតែបន្តការផ្អាកនៃការផ្តល់សេវាទាំង២នេះ ហើយនៅពេលសមគួរណាមួយរដ្ឋបាលរាជធានីភ្នំពេញនិងដាក់អោយដំណើរការជាធម្មតាឡើងវិញ។
គួររំលឹកថា កាលពីថ្ងៃទី២៦ ខែមីនា ឆ្នាំ២០២០កន្លងមកនេះ រដ្ឋបាលរាជធានីភ្នំពេញ បានចេញសេចក្ដីជូនដំណឹងមួយច្បាប់ ជម្រាបដល់សាធារណជន និងប្រជាពលរដ្ឋដែលជាអ្នកប្រើប្រាស់សេវារថយន្តក្រុង និងសេវាកាណូត របស់រដ្ឋាករស្វយ័តដឹកជញ្ជូនសាធារណៈ រថយន្តក្រុងរាជធានីភ្នំពេញទាំងអស់ អំពីការចាត់វិធានការទប់ស្កាត់ ការចម្លង និងការរីករាលដាលនៃមេរោគកូវីដ-១៩ របស់រាជរដ្ឋាភិបាល ដែលតម្រូវឱ្យរដ្ឋបាលរាជធានីភ្នំពេញ ផ្អាកការផ្តល់សេវារថយន្តក្រុង និងសេវាកាណូត ជាបណ្តោះអាសន្ន រហូតដល់ស្ថានការណ៍នៃមេរោគកូវីដ-១៩ បានធូរស្បើយឡើងវិញ៕
អត្ថបទ ៖ ស្រីរ័ត្ន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ