ចាប់ខ្លួនតាមដីកា ករណីគាស់តូបលួចខោអាវ ​
Connect with us
Helistar Cambodia - Helicopter Charter Services

ព័ត៌មានជាតិ

ចាប់ខ្លួនតាមដីកា ករណីគាស់តូបលួចខោអាវ ​

Published

on

ជនសង្ស័យម្នាក់ត្រូវបានសមត្ថកិច្ចខេត្តបាត់ដំបង ចាប់ខ្លួនតាមអំណាចដីការបស់តុលាការ បន្ទាប់ពី​ធ្វើសកម្មភាពគាស់តូប និងលួចលក់ខោ អាវ ព្រមទាំងសម្ភារៈមួយចំនួនទៀត រួចគេចខ្លួនអស់មួយរយៈ។

សូមបញ្ជាក់ថា កាលពីថ្ងៃទី១០ ខែធ្នូ ឆ្នាំ២០២០ ជនសង្ស័យបានធ្វើសកម្មភាពគាស់តូបអាជីវករ​ ឈ្មោះ អ៊ូក ស្រីអូន ​​អាយុ៥០ឆ្នាំ នៅក្នុងផ្សារភ្ជាវ ស្ថិតក្នុងឃុំត្រែង ស្រុករតនៈមណ្ឌល ខេត្តបាត់ដំបង ដោយ​លួចយកនូវ ខោ៣០០ និងអាវ ចំនួន៥០ បើគិតជាទឹកប្រាក់ប្រមាណ ១៤ លានរៀល ។

លុះនៅថ្ងៃទី ១៤ ខែ មករា ឆ្នាំ ២០២១ វេលាម៉ោង ១០:៥៤នាទី នៅចំណុចផ្ទះសំណាក់ ផាម ទ្រី ស្ថិតក្នុងភូមិកម្មករ សង្កាត់ស្វាយប៉ោ ក្រុងបាត់ដំបង ខេត្តបាត់ដំបង លោកវរសេនីយ៍ឯក ឈឿង គឹមសុង នាយការិយាល័យ នគរបាលព្រហ្មទណ្ឌកម្រិតស្រាល បានដឹកនាំកម្លាំងក្រុមអន្តរាគមន៍ បង្ការ បង្ក្រាប ចុះប្រតិបត្តិការ អនុវត្ត​តាមដីកាបញ្ជាឲ្យចូលខ្លួន លេខ ០២ អ.យ ចុះថ្ងៃទី ១៣ ខែ មករា ឆ្នាំ ២០២១ របស់លោក គឺ ប៊ុណ្ណារ៉ា ព្រះរាជអាជ្ញា នៃអយ្យការអមសាលាដំបូងខេត្តបាត់ដំបង បានបញ្ជាឲ្យនាំខ្លួនជនសង្ស័យ ឈ្មោះ អឿត ពេក ភេទប្រុស អាយុ ៣១ឆ្នាំ មានទីលំនៅមិនពិតប្រាកដ ពាក់ព័ន្ធនឹងករណី លួចមានស្ថានទម្ងន់ទោស ( គាស់តូបលក់ខោអាវ)។ 

បច្ចុប្បន្នការិយាល័យជំនាញបានកសាងសំណុំរឿង ​បញ្ជូនទៅសាលាដំបូងខេត្តបាត់ដំបង ចាត់ការបន្តតាមនីតិវិធី៕

អត្ថបទ ៖ សោ និយមរ័ត្ន

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services