ព័ត៌មានជាតិ
យុវសិស្សនៅខេត្តកោះកុង នឹងជ្រួតជ្រាបពីតម្លៃ នៃអត្តសញ្ញាណវប្បធម៌ខ្មែរ ថ្ងៃសង្ក្រាន្តឆ្នាំថ្មី ៣ ថ្ងៃ
ក្រុមយុវសិស្ស ឬយុវជនដទៃ នឹងទទួលបានការលេងសប្បាយនូវល្បែងរបាំប្រជាប្រិយ ក្បាច់រាំបែបប្រពៃណីជាតិ ពិសេសយល់ដឹងពីតម្លៃ នៃវប្បធម៌ក្នុងថ្ងៃសង្ក្រាន្តឆ្នាំថ្មី ៣ ថ្ងៃ។ ក្នុងនោះ បាននិងត្រៀមសប្បាយរីករាយថ្ងៃសង្ក្រាន្តឆ្នាំថ្មីរយៈពេល ៣ ថ្ងៃ នៅវិទ្យាល័យចំណេះទូទៅ និងបច្ចេកទេសតេជោសែនកោះកុង។
លោក ផូ ប៊ុនធឿន នាយកវិទ្យាល័យចំណេះទូទៅ និងបច្ចេកទេសតេជោសែនកោះកុង ថ្លែងប្រាប់កម្ពុជាថ្មីនៅថ្ងៃទី ៣ ខែមេសានេះថា ឆ្នាំនេះជាឆ្នាំដំបូងហើយដែលសាលារៀនរបស់លោកបង្កើតកម្មវិធីសង្ក្រាន្តឆ្នាំថ្មីលក្ខណៈទ្រង់ទ្រាយធំ មិនធ្លាប់មានពីមុនមកនោះទេ។ ហើយការធ្វើកម្មវិធីនេះ ដើម្បីអបអរសាទរពិធីបុណ្យចូលឆ្នាំខ្មែរ ប្រពៃណីជាតិ ដែលខិតជិតមកដល់ឆាប់ៗ។
នេះជាឆ្នាំដំបូងហើយដែលគណៈគ្រប់គ្រងវិទ្យាល័យចំណេះទូទៅ និងបច្ចេកទេសតេជោសែនកោះកុង រៀបចំធ្វើកម្មវិធីសង្ក្រាន្តអបអរសាទរឆ្នាំថ្មី ប្រពៃណីជាតិខ្មែរ តាមរយៈការបង្កើតបរិយាកាសសប្បាយរីករាយដល់យុវសិស្ស ព្រមទាំងធ្វើឲ្យពួកគាត់បានយល់ដឹងពីតម្លៃ នៃល្បែងប្រជាប្រិយ ឬចង្វាក់រាំបែបអត្តសញ្ញាណខ្មែរដែលដូនតាបន្សល់មក។
លោកនាយកវិទ្យាល័យចំណេះទូទៅ និងបច្ចេកទេសតេជោសែនកោះកុង សង្កត់ធ្ងន់ដែរថា សាលាបានសហការជាមួយ ស.ស.យ.ក ខេត្តកោះកុង ព្រមទាំងសប្បុរសជនដែលឧបត្ថម្ភគាំទ្រជាថវិកា ក្នុងន័យបង្កើតបរិយាកាសសប្បាយៗនេះឡើងជូនដល់យុវសិស្ស និងយុវជនទូទៅ។
កម្មវិធីសង្ក្រាន្តនៅវិទ្យាល័យចំណេះទូទៅ និងបច្ចេកទេសតេជោសែនកោះកុង ធ្វើឡើង ៣ ថ្ងៃ ចាប់ពីថ្ងៃទី ៣ ដល់ថ្ងៃទី ៥ ខែមេសានេះហើយ ដោយគណៈគ្រប់គ្រងសាលាអំពាវនាវដល់យុវជន ក៏ដូចជាសាធារណជនចូលរួមលេងកម្សាន្តឲ្យបានកុះករទាំងអស់គ្នា ក្រោមម្លប់សន្តិភាព និងអភិវឌ្ឍន៍។
ចំណែកឯលោក ច័ន្ទ សុធា តំណាងលេខាធិការដ្ឋានសហភាពសហព័ន្ធយុវជនកម្ពុជាខេត្តកោះកុង លើកឡើងថា កម្មវិធីអំណរឆ្នាំថ្មីប្រពៃណីជាតិខ្មែរយើង ប្រារព្ធទៅក្រោយបញ្ហាជំងឺកូវីដ-១៩ បានធូរស្រាល និងការបើកប្រទេសស្តារសេដ្ឋកិច្ចឡើងវិញ ព្រោះតែមានចាក់វ៉ាក់សាំងបង្ការបានគ្រប់ៗគ្នា។
បើតាមលោក សុធា នេះដោយសារតែការគិតគូរយកចិត្តទុកដាក់បំផុតរបស់សម្តេចតេជោ ហ៊ុន សែន នាយករដ្ឋមន្ត្រី ទើបធ្វើឲ្យពលរដ្ឋគ្រប់រូបបានបង្កើតកម្មវិធីសប្បាយជាថ្មីម្តងទៀត។ ក្នុងរយៈពេល ៣ ថ្ងៃ នៃសង្ក្រាន្តឆ្នាំថ្មី សាលារៀនបានរៀបចំឲ្យមានការរាំចង្វាក់រាំវង់ សារាវ៉ាន់ កន្ត្រឹម ក្បាច់ តាឡុង ជាដើម។ រីឯល្បែងប្រជាប្រិយវិញ មានដូចជា ចោលឈូង លាក់កន្សែង បោះអង្គញ់ វាយក្អម ទាញព្រ័ត្រ លក់ចំណីអាហារបែបខ្មែរបុរាណ របាំត្រុដិ និងពិធីរម្លឹកគុណគ្រូផងដែរ។
ទាំងគណៈគ្រប់គ្រងសាលារៀន និងតំណាងសហភាពសហព័ន្ធយុវជនកម្ពុជាខេត្តកោះកុង សុទ្ធតែជឿជាក់ថា រាល់ការផ្ដួចផ្ដើមឲ្យមានជាការលេងល្បែងប្រជាប្រិយខ្មែរអំឡុងថ្ងៃបុណ្យចូលឆ្នាំថ្មីប្រពៃណីជាតិខាងមុខ ជាមោទកភាពបំផុតសម្រាប់យុវជន និងពលរដ្ឋទូទៅ ប្រសិនមិនចូលរួមថែរក្សាការពារនោះទេ វានឹងបាត់បង់ទៅអនាគត។
មែនទែនទៅ មិនត្រឹមតែការរៀបចំកម្មវិធីសង្ក្រាន្តឆ្នាំថ្មីនៅវិទ្យាល័យចំណេះទូទៅ និងបច្ចេកទេសតេជោសែនកោះកុងនោះទេ នៅតាមបណ្ដាវត្តអារាម និងតាមរមណីយដ្ឋានទេសចរណ៍នានាក្នុងខេត្តកោះកុង ក៏នឹងត្រៀមរៀបចំកម្មវិធីសប្បាយៗដូចគ្នាដែរនាពេលខាងមុខ៕
អត្ថបទ ៖ សិរីវឌ្ឍនៈ
ជួបការរាំងស្ងួតយ៉ាងណា តំបន់អូរជាំនៅតែមានប្រភពទឹកធម្មជាតិទ្រទ្រង់លើភូមិចំនួន ៤ ធ្វើកសិកម្ម
ផ្ទុះការវែកញែក ក្រោយ ឯម រៀម បង្ហាញ ៣ ចំណុច គួរចៀសវាង ក្នុងពិធីអាពាហ៍ពិពាហ៍
ក្រសួងមហាផ្ទៃ បើកសិក្ខាសាលាពិគ្រោះយោបល់ លើសេចក្តីព្រាងច្បាប់ស្តីពីបទល្មើសបច្ចេកវិទ្យាព័ត៌មាន
មន្ត្រីជំនាញក្រសួងអប់រំ កំពុងចុះសិក្សាពីកង្វះខាតអគារសិក្សានៅទូទាំងប្រទេស ដើម្បីឱ្យសិស្សទទួលបានកន្លែងសិក្សាសមរម្យ
ក្រសួងអប់រំ ប្រកាសឱ្យមន្ទីរអប់រំរាជធានី-ខេត្ត ជ្រើសរើសសិស្សពូកែ ត្រៀមចូលរួមប្រឡងទូទាំងប្រទេស នាខែឧសភា ខាងមុខ
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ព័ត៌មានជាតិ១ សប្តាហ៍ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»