ព័ត៌មានជាតិ
ដឹងប្រវត្តិសមាគមឧកញ៉ាកម្ពុជាស្ថាប័នឯកជនតែមួយគត់ តំណាងឧកញ៉ាទាំងអស់នៅកម្ពុជា
សមាគមឧកញ៉ាកម្ពុជា ដែលប្រមូលផ្តុំដោយក្រុមអ្នកជំនួញធំៗដ៏មានឥទ្ធិពលនៅក្នុងប្រទេស ត្រូវបានប្រកាសទទួលស្គាល់ជាស្ថាប័នឯកជនតែមួយគត់ ដែលតំណាងឲ្យអ្នកមានគោរមងារឧកញ៉ាទាំងអស់នៅកម្ពុជា។
សមាគមឧកញ៉ាកម្ពុជាដែលមានអក្សរកាត់ «ស.ឧ.ក » មានសម្ដេចតេជោ ហ៊ុន សែន ជាប្រធានកិត្តិយស និងអ្នកឧកញ៉ា លី យ៉ុងផាត់ ជាប្រធានសមាគម។
តើសមាគមដ៏មានឥទ្ធិពលនេះមានប្រវត្តិ និងដំណើរការការងារយ៉ាងដូចម្ដេច?
សមាគមឧកញ៉ាកម្ពុជា បង្កើតឡើងជាផ្លូវការនិងចុះបញ្ជីជាសមាគមស្របច្បាប់ ដោយក្រសួងមហាផ្ទៃ តាមរយៈលិខិតលេខ ៥៧៥៩ ប្រ.ក. ចុះថ្ងៃទី២៥ ខែតុលា ឆ្នាំ២០២២។ បច្ចុប្បន្ន ស.ឧ.ក ដឹកនាំនិងតម្រង់ទិសដោយសមាជិកក្រុមប្រឹក្សាភិបាលចំនួន ៣២ រូប ដែលមានអាណត្តិ ៥ ឆ្នាំ ហើយការងារប្រចាំថ្ងៃត្រូវបានអនុវត្តដោយអគ្គលេខាធិការដ្ឋាន ក្រោមការដឹកនាំរបស់អគ្គលេខាធិការ ១ រូប។
ស.ឧ.ក មានគណៈកម្មការជំនាញចំនួន ៤ រួមមាន៖
១. គណៈកម្មការសមាជិកភាព វិន័យ និងក្រមសីលធម៌
២. គណៈកម្មការកិច្ចការច្បាប់
៣. គណៈកម្មការរដ្ឋបាល និងហិរញ្ញវត្ថុ
៤. គណៈកម្មការទំនាក់ទំនងសាធារណៈ និងអន្តរជាតិ។
សមាជិករបស់ ស.ឧ.ក មាន ៣ ប្រភេទ គឺ៖
១. សមាជិកស្ថាបនិក
២. សមាជិកសកម្ម
៣. សមាជិកទ្រទ្រង់
អ្នកទទួលបានគោរមងារឧកញ៉ា ឫអ្នកឧកញ៉ា តាមរយៈព្រះរាជក្រឹត្យដែលប្រោសប្រទានដោយព្រះមហាក្សត្រនៃអាចដាក់ពាក្យសុំចូលជាសមាជិក ស.ឧ.ក បានដោយបំពេញនូវលក្ខខណ្ឌដែលមានចែងក្នុងលក្ខន្តិកៈ និងបទបញ្ជាផ្ទៃក្នុងរបស់ ស.ឧ.ក។
ទស្សនៈវិស័យរបស់ ស.ឧ.ក គឺរក្សានិងលើកកម្ពស់ឧត្តមភាពនៃគោរមងារឧកញ៉ាក្នុងការចូលរួមជាមួយរាជរដ្ឋាភិបាលដើម្បីអភិវឌ្ឍសង្គម និងសេដ្ឋកិច្ចកម្ពុជាអោយកាន់តែរីកចម្រើនថែមទៀត។ បេសកកម្មចំបងៗរបស់ ស.ឧ.ក. រួមមាន៖
១. តំណាងឲ្យសម្លេងរួម សកម្មភាពមនុស្សធម៌រួម និងការរក្សាការពារឧត្តមភាពនៃគោរមងារឧកញ៉ា។
២. រួមគ្នាចូលរួមចំណែកក្នុងសកម្មភាពសង្គម និងសប្បុរសធម៌នានា ដើម្បីបង្កើនកិត្យានុភាព ឧត្តមភាព និងគុណធម៌របស់ឧកញ៉ាឱ្យកាន់តែខ្ពង់ខ្ពស់ថែមទៀត។
៣. លើកកម្ពស់ការគោរពច្បាប់ និងលិខិតបទដ្ឋានគតិយុត្តនានារបស់ព្រះរាជាណាចក្រកម្ពុជា។
៤. បង្កើតវេទិកា សិក្ខាសាលា និងកម្មវិធីផ្សេងៗដើម្បីលើកកម្ពស់ភាពជាដៃគូរនៅក្នុងសកម្មភាពពាណិជ្ជកម្ម និងការរវិនិយោគនៅក្នុងព្រះរាជាណាចក្រកម្ពុជា។
តាមរយៈលិខិតលេខ៣៤៩ សជណ និងលិខិតលេខ៣៥០ សជណ របស់ទីស្តីការគណៈរដ្ឋមន្ត្រី ស.ឧ.ក បានទទួលការគាំទ្របន្ថែមទៀតពីរាជរដ្ឋាភិបាលដូចខាងក្រោម៖
– សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្របានយល់ព្រមធ្វើជាប្រធានកិត្តិយសរបស់សមាគមតាមការគោរពអញ្ជើញរបស់ អ្នកឧកញ៉ា ប្រធានសមាគម
– ទទួលស្គាល់ ស.ឧ.ក ជាស្ថាប័នឯកជនតែមួយគត់ដែលតំណាងឲ្យអ្នកមានគោរមងារឧកញ៉ាទាំងអស់នៅកម្ពុជា។
– ស្ថិតនៅក្រោមអភិបាលកិច្ចផ្នែកបច្ចេកទេសរបស់ក្រុមប្រឹក្សាអភិវឌ្ឍន៍កម្ពុជា និងទទួលស្គាល់ ស.ឧ.ក ជាដៃគូររបស់រាជរដ្ឋាភិបាលក្នុងការជំរុញលើកកំពស់ពាណិជ្ជកម្ម និងវិនិយោគនៅកម្ពុជា
– អនុញ្ញាតឲ្យចូលរួមជាមួយសម្តេចតេជោ ក្នុងបេសកកម្មមួយចំនួនទាំងក្នុង និងក្រៅប្រទេសដែលជំរុញលើកកំពស់ការធ្វើពាណិជ្ជកម្ម និងវិនិយោគកម្ពុជា។
លោក ខៀវ សុភ័គ អ្នកនាំពាក្យក្រសួងមហាផ្ទៃបានប្រាប់អ្នកសារព័ត៌មានក្នុងសន្និសីទវឌ្ឍនភាពរបស់ក្រសួងមហាផ្ទៃកាលពីពេលកន្លងទៅថា តាមតួលេខពីក្រសួងព្រះបរមរាជវាំង ឧកញ៉ាបច្ចុប្បន្នមានជាង ៧០០ នាក់។
លោកបន្តថា រាជរដ្ឋាភិបាលកំពុងរៀបចំលិខិតបទដ្ឋានគតិយុត្តិសម្រាប់គ្រប់គ្រងឧកញ៉ា ក្នុងគោលដៅធានាតម្លៃនៃគោរមងារដែលព្រះរាជប្រទានដោយព្រះមហាក្សត្រ។ យ៉ាងណាបើតាមលោកខៀវ សុភ័គ ច្បាប់នេះមិនទាន់ដឹងថានឹងអាចបញ្ចប់នៅពេលណានោះទេ ដោយសារស្ថិតនៅក្នុងដំណាក់កាលរៀបចំនៅឡើយ។
តាមអនុក្រឹត្យថ្មីរបស់រដ្ឋាភិបាលកាលពីឆ្នាំ២០១៧ បុគ្គលដែលទទួលបានគោរមងារឧកញ៉ា ត្រូវចូលរួមអភិវឌ្ឍសង្គម ដោយផ្តល់ជាប្រាក់ឬសម្ភារៈដែលមានតម្លៃលើសពី ៥០ ម៉ឺនដុល្លារ៕
រដ្ឋមន្ត្រីបរិស្ថានកូរ៉េ ប្ដេជ្ញាជំរុញកិច្ចសហប្រតិបត្តិការលើវិស័យធនធានទឹកជាមួយកម្ពុជា
ក្រសួងការងារ ប្រារព្ធទិវាពិភពលោកដើម្បីសុវត្ថិភាព និងសុខភាពការងារនៅខេត្តព្រះសីហនុ
តុលាការកំពូល កម្ពុជា-ឡាវ ចាប់ដៃគ្នាចែករំលែកព័ត៌មានការបង្ក្រាបបទល្មើសឆបោកតាមអនឡាញ ជួញដូរមនុស្ស គ្រឿងញៀនឆ្លងដែន
ជនសង្ស័យម្នាក់ល្បួងរំលោភនារីម្នាក់បានសម្រេច ហើយលួចថតរូបគំរាមត្រូវអាវុធហត្ថឃាត់ខ្លួន
សម្ដេចតេជោ៖«ខ្ញុំមិនមែនត្រឹមតែកសាងប្រទេសពីបាតដៃទទេទេ រឿងអាស៊ានក៏ខ្ញុំចាប់ផ្ដើមពីលេខសូន្យដែរ ទោះបីមានឧបសគ្គ ក៏ខ្ញុំចូលអាស៊ានឱ្យបាន»
កម្ពុជា បន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់៤៥%
ពលរដ្ឋខ្មែរម្នាក់ស្លាប់ដោយជំងឺមហារីករៀងរាល់៤០នាទីម្ដង
គម្រោងវិនិយោគ ហេដ្ឋារចនាសម្ព័ន្ធប្រព័ន្ធលូ ក្នុងរាជធានីភ្នំពេញ សម្រេចបានប្រមាណ ៨០%
ត្រាំ បញ្ជាឲ្យបើកពន្ធនាគារល្បីឈ្មោះមួយឡើងវិញ ដើម្បីដាក់ឧក្រិដ្ឋជនសាហាវឃោរឃៅ
ត្រាំ ចេញមុខជម្រះមន្ទិលសង្ស័យ រឿងឈរឈ្មោះបោះឆ្នោតអាណត្តិទី៣
-
សន្តិសុខសង្គម៤ ថ្ងៃ agoស្គាល់អត្តសញ្ញាណអ្នកបើកបររថយន្តបង្កគ្រោះថ្នាក់ស្លាប់មនុស្ស ៤ នាក់ នៅស្រុកស្នួល
-
ព័ត៌មានជាតិ៣ ថ្ងៃ agoមណ្ឌលគិរី! ជន្លង់ម្រេចរបស់កសិករ ត្រូវបានសមត្ថកិច្ចរឹបអូសដោយពុំមានមូលហេតុ
-
ព័ត៌មានជាតិ១ សប្តាហ៍ agoបន្ថែមពីថវិកា៧០លានរៀល កុមារី ស៊ុន ស្រីតី ទទួលបានផ្ទះ ដីទំហំជាងកន្លះហិកតា ដែលដាំស្វាយរួចរាល់
-
ព័ត៌មានអន្ដរជាតិ១ ថ្ងៃ agoរុស្ស៊ីព្រមានអ៊ុយក្រែន បើហ៊ានវាយប្រហារថ្ងៃ៩ឧសភា ក្រុងកៀវទំនងមិនអាចរស់ដល់ថ្ងៃ១០ឧសភាទេ
-
សន្តិសុខសង្គម៤ ថ្ងៃ agoថៃបិទច្រកអានសេះ ដោយមិនជូនដំណឹងប្រាប់មុន
-
ព័ត៌មានអន្ដរជាតិ៤ ថ្ងៃ agoបាតុករថៃចេញតវ៉ា ខណៈគណៈកម្មាធិការព្រំដែនទូទៅកម្ពុជា-ថៃជួបប្រជុំនៅបាងកក
-
ព័ត៌មានជាតិ៤ ថ្ងៃ agoសមត្ថកិច្ចចាត់ទុកការចែកចាយលុយបង្កប់សារប្រឆាំងរដ្ឋជាសកម្មភាពបដិវត្តន៍ព័ណ៌ និងកំពុងចាត់វិធានការ
-
នយោបាយ៤ ថ្ងៃ agoសម្តេចធិបតី ហួសចិត្តដែលលោកស្រី មួរ សុខហួរ និងបក្ខពួកទៅសុំអឺរ៉ុបដាក់ទណ្ឌកម្ម ខណៈកម្ពុជាកំពុងប្រឈមការដំឡើងពន្ធពីអាមេរិក