Connect with us

ព័ត៌មានជាតិ

កូវីដធ្វើ​ឲ្យ​រាំង​ស្ទះ​ដល់​ដំណើរការ​អភិវឌ្ឍ​សំណង់​បុរីនៅក្រុង​សៀមរាប

បានផុស

នៅ

ស្ថានភាព​វិស័យ​អចលនទ្រព្យ​នៅ​ក្នុង​ក្រុង​សៀមរាប​នៅ​បន្ត​ជាប់​ទ្រឹង ខណៈ​ដែល​គម្រោង​សាងសង់​លំនៅ​តាម​បុរី​នៅ​តែ​រងឥទ្ធិពល​នៃ​វិបត្តិ​ជំងឺ​កូវីដ។

លោក ហ៊ី សាយ​ ប្រធាន​មន្ទីរ​រៀបចំ​ដែនដី នគរូបនីយកម្ម សំណង់ និង​សូ​រិ​យោ​ដី​ខេត្តសៀមរាប​បាន​ឲ្យ​កម្ពុជា​ថ្មី​ដឹង​ថា ក្រុង​សៀមរាប​មានសំណង់​​បុរី​​ចំនួន ១២ កន្លែង​ទាំង​តូច​ទាំង​ធំ។ ​បច្ចុប្បន្ន​​មាន​គម្រោង​បុរី​មួយ​ចំនួន​នៅ​បន្ត​ដំណើរការ​ ប៉ុន្តែ​មាន​គម្រោងបុរី​​ខ្លះ​ក៏​បាន​ផ្អាក ​ឬ​កាត់​បន្ថយ​សកម្មភាព​សាងសង់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជំងឺកូវីដ​បាន​បង្ក​​ផល​ប៉ះពាល់​​ដល់សង្គម និង​សេដ្ឋកិច្ច រួមទាំង​វិស័យ​សំណង់ផង​ដែរ។ លោក​ប្រធាន​មន្ទីរ​បន្ត​ថា ទោះបី​ស្ថានភាព​សេដ្ឋកិច្ច​បាន​ងើប​ឡើង​វិញ​ខ្លះៗ តែ​វិស័យ​សំណង់​នៅ​តែ​រងផល​ប៉ះពាល់​​​។

លោក​អះអាង​ថា ពលរដ្ឋ​ដែល​ទិញ​លំនៅ​តាម​​បុរី​ភាគច្រើន​​ជាអ្នកមាន​​ជីវភាព​មធ្យម មិន​មានប្រាក់​ទាំង​ដុលទៅ​ទិញ​ដាច់​​គឺ​តាម​រយៈ​ការ​បង់​រំលស់ ហើយ​បើ​ស្ថានភាព​សេដ្ឋកិច្ច​មិន​ល្អ​ប៉ះពាល់ដល់​ប្រភព​ចំណូល​ ក៏ពួកគាត់គ្មានលទ្ធភាព​រក​ថវិកា​​ចំណាយ​​លើ​ការ​ទិញ​លំនៅឋាន​សម្រាប់​រស់នៅ។

វិស័យ​សំណង់​នៅក្រុង​សៀមរាប​អាច​ត្រូវ​ការ​ពេល​ច្រើនឆ្នាំ​ទៀត ទើប​ស្ថានភាព​អាច​ល្អ​ប្រសើរ​ឡើងវិញ។ យ៉ាងណា​មិញ ខណៈរដ្ឋាភិបាល​បាន​បោះទុន​​ជាច្រើន​លើ​ការ​អភិវឌ្ឍ​​ហេដ្ឋារចនាសម្ព័ន្ធ រួមទាំង​គម្រោង​ព្រលានយន្តហោះ​​ថ្មី​ដែល​គ្រោង​នឹង​ដាក់​ដំណើរការ​នៅពេល​ដ៏​ខ្លី​ខាង​មុខ​នេះ នឹង​នាំ​ការ​​អភិវឌ្ឍ​ដល់​​វិស័យ​អចលទ្រព្យ​នៅ​ក្នុង​ខេត្ត​សៀមរាប​ តាម​រយៈ​លំហូរ​នៃ​អ្នក​ទេសចរ​និង​អ្នក​វិនិយោគ​។

ក្រុង​សៀមរាប​មានគម្រោង​បុរី​ចំនួន ១២ កន្លែង ហើយ​​បុរី​ធំៗ​មានដូចជា​​បុរី​សៀងណាំ បុរី​អង្គរភែលេស បុរី​ទេសចរណ៍ បុរី​អង្គរ​លែនម៉ាក្ស និង​បុរី​ ឡេង ណាវ៉ាត់ត្រា។

​ថ្មីៗ​នេះ​រាជរដ្ឋាភិបាលកម្ពុជា បានសម្រេចដាក់ចេញនូវវិធានការអភិវឌ្ឍវិស័យសំណង់ និងអចលនទ្រព្យផ្នែកបុរី ដើម្បីរក្សាស្ថិរភាពនៃវិស័យសំណង់ និងអចលនទ្រព្យ ដែលត្រូវបានចាត់ទុកជាវិស័យអាទិភាពមួយ ក្នុងការគាំទ្រដល់​កំណើនសេដ្ឋកិច្ច។

រាជរដ្ឋាភិបាល​បានសម្រេច​ដាក់ចេញនូវវិធានការបន្ថែមជាកញ្ចប់ដោយក្នុងនោះមានដូចជា៖ ពន្យារពេលការអនុវត្តការបង់ពន្ធជាកញ្ចប់តាមដំណាក់កាលរហូតដល់ដំណាច់ឆ្នាំ ២០២៤ សម្រាប់ក្រុមហ៊ុន​អភិវឌ្ឍន៍​លំនៅឋានជាបុរី។ បង្កើនរយៈពេល​នៃការបង់ពន្ធជាកញ្ចប់តាមដំណាក់កាលពី ១២ ខែ ដល់ ១៨ ខែ​ សម្រាប់ក្រុមហ៊ុន​អភិវឌ្ឍន៍លំនៅ​ឋានជាបុរី ដែល​បង់ពន្ធតិចជាង ១ លានដុល្លារអាមេរិក និងពី ២៤ ខែ ដល់ ៣៦ ខែ សម្រាប់ក្រុមហ៊ុនអភិវឌ្ឍន៍លំនៅឋានជាបុរីដែលបង់ពន្ធលើសពី ១ លានដុល្លារអាមេរិក។ បន្តពន្យារពេលការអនុវត្តពន្ធលើចំណេញមូលធនសម្រាប់តែវិស័យអចលនទ្រព្យរហូតដល់ដំណាច់ឆ្នាំ ២០២៤។ បន្តការលើកលែងពន្ធប្រថាប់ត្រាលើការផ្ទេរកម្មសិទ្ធិ ឬសិទ្ធិកាន់កាប់លំនៅឋានគ្រប់ប្រភេទ ដែលមាន​លក្ខណៈជាបុរីដែលមានតម្លៃក្រោម ឬស្មើ ៧ ម៉ឺនដុល្លារអាមេរិក រហូតដល់ដំណាច់ឆ្នាំ ២០២៤ និង​រួមទាំង​លើកទឹកចិត្តនិងស្នើឱ្យគ្រឹះស្ថានធនាគារ និងហិរញ្ញវត្ថុធ្វើការរៀបចំឥណទានឡើងវិញតាមលទ្ធភាព​ជាក់ស្ដែង៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤៩ នាទី មុន

ក្រសួងការងារ និងGIZ ចុះអនុស្សរណៈលើការអនុវត្តគម្រោងបណ្តុះបណ្តាលបច្ចេកទេស និងវិជ្ជាជីវៈ អាស៊ាន ស្វីស

សេចក្ដីជូនដំណឹង២ ម៉ោង មុន

គុណភាព​ល្អឥតខ្ចោះ​! ខុន​ដូ​ប្រណិត​រំដួល​ស៊ី​ធី​លំដាប់​ខ្ពស់​ដំបូង​នៅ​ភ្នំពេញ​ត្រូវបាន​ប្រគល់ជូន​ជា​ផ្លូវការ​

សេចក្ដីជូនដំណឹង២ ម៉ោង មុន

សេចក្ដីជូនដំណឹងស្ដីពីការអញ្ជើញចូលរួមដេញថ្លៃគម្រោងទិញឧបករណ៍បញ្ជូនស៊ីញ៉ាល់ប្រចាំឆ្នាំ២០២៤

ព័ត៌មានជាតិ៣ ម៉ោង មុន

សារមន្ទីរព្រះស្រីឦសានវរ្ម័ន ចាប់ដៃគ្នាជាមួយសមាគមធនាគារនៅកម្ពុជា ដើម្បីលើកកម្ពស់ចំណេះដឹងហិរញ្ញវត្ថុយុវជន

ព័ត៌មានអន្ដរជាតិ៣ ម៉ោង មុន

Breaking News! ប្រធានាធិបតី វៀតណាម ប្រកាសលាលែងពីតំណែង

Sokha Hotels

ព័ត៌មានពេញនិយម