ព័ត៌មានជាតិ
អង្គការសហគមន៍បឹងទន្លេសាប នៃប្រទេសបារាំង ផ្តល់អគារសិក្សាមួយខ្នង ដល់សាលារៀនដងអន្ទាក់
កំពង់ធំ ៖ អង្គការសហគមន៍បឹងទន្លេសាប នៃប្រទេសបារាំង ផ្តល់អគារសិក្សាមួយខ្នងដល់សាលារៀនបឋម សិក្សាដងអន្ទាក់ ដើម្បីចូលរួមលើកស្ទួយវិស័យអប់រំប្រកបដោយសមធម៌នៅតាមទីជនបទ។
នៅថ្ងៃទី២៤ ខែមេសា ឆ្នាំ២០២៣ លោក ងួន រតនៈ អភិបាលខេត្តកំពង់ធំ អញ្ជើញក្នុងពិធីសម្ពោធ ដាក់ឲ្យប្រើប្រាស់ជាផ្លូវការអគារសិក្សាមួយខ្នងបីបន្ទប់ ស្ថិតនៅស្ថិតភូមិដងងអន្ទាក់ ឃុំសាលាវិស័យ ស្រុកប្រាសាទបល្ល័ង្ក ខេត្តកំពង់ធំ។
ក្នុងឱកាសនោះដែរ លោក ងួន រតនៈ អភិបាលខេត្តកំពង់ធំ លើកឡើងថា ការផ្តល់ជូនអគារសិក្សាសម្រាប់សិស្សបឋមសិក្សានេះ គឺជាការចូលរួមជាមួយរាជរដ្ឋាភិបាល លើវិស័យអប់រំ ប្រកបដោយសមធម៌ ដែលរាជរដ្ឋាភិបាលបានដាក់នូវគោលដៅបង្កើតសាលារៀនឲ្យនៅជិតផ្ទះ និងផ្តល់ ការសិក្សាដល់កុមារគ្រប់រូប គ្រប់ទីកន្លែងទីកន្លែង ស្របតាមគោលនយោបាយស្តីពីការអប់រំប្រកបដោយ បរិយាប័ន្ន ដើម្បីគាំទ្រ និងដោះស្រាយបញ្ហាលទ្ធភាពទទួលបានការអប់រំរបស់សិស្ស ជាពិសេសលើកុមារ ដែលមានតម្រូវការសិក្សាដំបូង និងក្រុមគ្រួសារមានជីវភាពខ្វះខាត។
គោលនយោបាយរបស់រាជរដ្ឋាភិបាល ក៏ផ្ដោតលើហេដ្ឋារចនាសម្ព័ន្ធសាលារៀន និងអនាម័យផងដែរ។ ដូច្នេះមានន័យថា ថ្ងៃនេះយើងទទួលបាន សមិទ្ធផលដ៏វិសេសវិសាលមិនអាចកាត់ថ្លៃបានគឺបានចូលរួមចំណែកដ៏មានសារៈសំខាន់ជាមួយរាជរដ្ឋាភិបាលកម្ពុជា ជំរុញឲ្យការអនុវត្តនូវគោលនយោបាយកំណែទម្រង់វិស័យអប់រំ ក៏ដូចជាការសម្រេចបាននូវគោល អប់រំនៅពេលអនាគត។
ក្នុងឱកាសនោះផងដែរ លោក ហ្សង ហ្វីលីពប្រាំង ប្រធានអង្គការសហគមន៍បឹងទន្លេសាប នៃប្រទេសបារាំង បានលើកឡើងថា អង្គការសហគមន៍បឹងទន្លេសាប បានដំណើរការនៅប្រទេសកម្ពុជា អស់រយៈពេលជាង ១២ឆ្នាំមកហើយ។
ក្នុងនោះមានគោលបំណងធំមួយគឺ ជួយប្រជាជនក្នុងតំបន់ជនបទ នៃប្រទេសកម្ពុជា ក្នុងការសាងសង់ និងជួសជុលសាលារៀន។ អគារសិក្សាមួយខ្នងបីបន្ទប់នេះ មានបណ្ដោយ ៤៥ម៉ែត្រ និងទទឹង ០៩ម៉ែត្រ ចំណាយទឹកប្រាក់ អស់៥២.០០០ដុល្លារសហរដ្ឋអាមេរិក។ ហើយបេសកម្មពិសេសរបស់អង្គការសហគមន៍បឹងទន្លេសាប ជាការគោរពដឹងគុណដល់បឹងទន្លេសាបដ៏ធំជាងគេមួយក្នុងតំបន់អាស៊ីអាគ្នេយ៍ និងជានិមិត្តរូប នៃប្រទេសដ៏ស្រស់ត្រកាល។ បឹងទន្លេសាបនេះហើយបានផ្តល់ នូវធនធានមច្ឆាជាតិ ផ្ដល់នូវធនធានទឹក ដែលអាចស្រោចស្រពស្រែចំការរបស់ប្រជាពលរដ្ឋ។ ហើយក៏ជាបឹងដែល តំណាងអោយភោគទ្រព្យយ៉ាងពិត ប្រាកដសម្រាប់ប្រជាជននិងប្រទេសកម្ពុជា។
អត្ថបទ ៖ ឈាង មករា
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម២ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម