ខេត្តបាត់ដំបង៖  ខ្យល់កន្ត្រាក់នៅតែបន្តយាយីឥតឈប់ឈរមកលើខេត្តបាត់ដំបង ថែមទាំងមានរន្ទះបាញ់សម្លាប់មនុស្ស និងសត្វគោ ក្របី នៅពេលមានមេឃមានភ្លៀងធ្លាក់ខ្លាំង។

ជាក់ស្តែងនៅថ្ងៃទី២៩ ខែមេសា ឆ្នាំ២០២៣ វេលាម៉ោង៤ ល្ងាច គ្រោះធម្មជាតិដែលមានខ្យល់កន្ត្រាក់នេះ បានបោកបក់ចូលទៅលើឃុំចំនួន២ ក្នុងស្រុកឯកភ្នំ បណ្តាលឱ្យខូចខាតផ្ទះប្រជាពលរដ្ឋ និងសាលារៀនយ៉ាងដំណំ ហើយសត្វគោមួយក្បាលក៏ត្រូវរន្ទះបាញ់សម្លាប់ថែមទៀតផង។

  ឃុំដែលរងគ្រោះបន្ទាប់ពីមានភ្លៀងធ្លាក់មួយមេយ៉ាងធំនោះ គឺ ឃុំព្រែកនរិន្ទ  របើកដំបូលអាគារសាលារៀន ចំនួន៤បន្ទុប់ និងឃុំសំរោងក្នុង ខូចខាតផ្ទះប្រជាពលរដ្ឋមួយចំនួន និងងាប់សត្វគោចំនួន១ក្បាល ដោយសាររន្ទះ ប៉ុន្តែពុំមានប៉ះពាល់ដល់ជីវិតមនុស្សឡើយ៕

អត្ថបទ ÷ សោ និយមរ័ត្ន