ព័ត៌មានជាតិ
ឧត្តមសេនីយ៍ឯក ឌី វិជ្ជា ៖ ថ្នាក់ដឹកនាំអគ្គស្នងការដ្ឋាននគរបាលជាតិ តែងគិតគូរផ្តល់ការ បណ្តុះបណ្តាលចំណេះដឹង និងជំនាញដល់នគរបាលនារី
ភ្នំពេញ ៖ នៅថ្ងៃទី២០ ខែមករា ឆ្នាំ២០២១នេះ ឯកឧត្តម ឧត្តមសេនីយ៍ឯក ឌី វិជ្ជា អគ្គស្នងការរងនគរបាលជាតិ និងជាប្រធាននាយកដ្ឋានកណ្តាលសន្តិសុខ បានជួបសំណេះសំណាលជាមួយសិក្ខាកាមនគរបាលនារីក្នុងផែនការងារសន្តិសុខ ចំនួន៣៧នាក់ មកពីស្នងការដ្ឋានខេត្តចំនួន៧ មាន រាជធានីភ្នំពេញ, ខេត្តកណ្តាល, ខេត្តកំពត, ខេត្តត្បូងឃ្មុំ, ខេត្តកំពង់ចាម, ខេត្តកំពង់ធំ, ខេត្តក្រចេះ ដែលចូលរួមវគ្គបណ្តុះបណ្តាល ស្តីពី “ ការពង្រឹងសមត្ថភាពនគរបាលស្ត្រី”លើកទី៦ នៅអគ្គស្នងការដ្ឋាននគរបាលជាតិ។
ក្នុងឱកាសជួបសំណេះសំណាលនោះ ឯកឧត្តម ឧត្តមសេនីយ៍ឯក ឌី វិជ្ជា បានមាន ប្រសាសន៍ណែនាំ ក៏ដូចជាចង្អុលបង្ហាញដល់សិក្ខាកាម ទាំងអស់ឲ្យខិតខំប្រឹងប្រែង ត្រងត្រាប់ស្តាប់គ្រូឧទ្ទេសនាម ដើម្បីទទួលយកចំណេះដឹង និងបទពិសោធន៍ថ្មីៗទៅ បង្កើនសមត្ថភាពក្នុងការអនុវត្តន៍ការងារប្រចាំថ្ងៃ និងសម្រាប់ការងារទៅថ្ងៃអនាគត។
ឯកឧត្តមអគ្គស្នងការរងនគរបាលជាតិ បានគូសបញ្ជាក់ថា ថ្នាក់ដឹកនាំ អគ្គស្នងការដ្ឋាននគរបាលជាតិ ជានិច្ចកាលតែងតែបានគិតគូរអំពីការផ្តល់ការ បណ្តុះបណ្តាលចំណេះដឹង ក៏ដូចជាជំនាញដល់នគរបាលនារី ដើម្បីមានសមត្ថភាព ចូលរួមដឹកនាំអង្គភាព ជាពិសេសអគ្គស្នងការដ្ឋាននគរបាលជាតិបានដំឡើងឋានៈ និង ឋានន្តរសក្តិដល់នគរបាលនារីជាបន្តបន្ទាប់ផងដែរ។
សូមជម្រាបជូនថា វគ្គបណ្តុះបណ្តាលនេះជាវគ្គលើកទី៦ ដែលធ្វើឡើងរយៈពេល២ថ្ងៃ ចាប់ពីថ្ងៃទី១៩-២០ ខែមករា ឆ្នាំ២០២១ ហើយវគ្គនេះនឹងបន្តរៀបចំចំនួន០១វគ្គបន្ត ទៀតដល់មន្ត្រីនគរបាលនារីទាំងអស់ នៃផែនការងារសន្តិសុខតាមបណ្តារាជធានី-ខេត្តទូទាំងប្រទេស៕
ប្រភព ៖ អគ្គស្នងការដ្ឋាននគរបាលជាតិ
-
ព័ត៌មានជាតិ៤ ថ្ងៃ ago
ស្ថានភាពធាតុអាកាសនៅកម្ពុជា ចាប់ថ្ងៃទី២ ដល់ថ្ងៃទី៤ ខែឧសភា ឆ្នាំ២០២៤
-
ព័ត៌មានជាតិ៥ ថ្ងៃ ago
ក្នុងករណីក្ដៅខ្លាំងលើស៤០អង្សារ សម្ដេចធិបតី ណែនាំឱ្យគណៈគ្រប់គ្រងសាលាផ្អាកការសិក្សាបន្ទាន់
-
សេដ្ឋកិច្ច៩ ម៉ោង ago
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ព័ត៌មានជាតិ១ សប្តាហ៍ ago
មន្ត្រីជំនាញប្រើថវិកាជាតិលើការជួសជុលច្រាំងស្ពានវត្តគរ រហូតដល់ ៥ លើក
-
ព័ត៌មានជាតិ៤ ថ្ងៃ ago
ប្រភពមន្រ្តីព្រលាន៖ មានភ្ញៀវជិះពេញ សម្ពោធជើងហោះហើររបស់ Air Asia Cambodia ទៅសៀមរាប
-
ជីវិតកម្សាន្ដ១ ថ្ងៃ ago
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
ព័ត៌មានអន្ដរជាតិ៥ ថ្ងៃ ago
ផ្ទុះរោងចក្រឈើនៅវៀតណាម ផ្តាច់ជីវិតមនុស្ស ៦នាក់
-
ព័ត៌មានជាតិ៤ ថ្ងៃ ago
សម្ដេចតេជោ ចោទសួរទៅកាន់វិទ្យុមួយថា តើល្ងង់មែនទេ ដែលវាយប្រហារភរិយាសម្ដេចធិបតី?