ក្រសួងព្រមានប្រព័ន្ធផ្សព្វផ្សាយដែលមិនបានចុះបញ្ជីហើយបន្តផ្សព្វផ្សាយព័ត៌មានក្លែងក្លាយ
Connect with us
Helistar Cambodia - Helicopter Charter Services

ព័ត៌មានជាតិ

ក្រសួងព្រមានប្រព័ន្ធផ្សព្វផ្សាយដែលមិនបានចុះបញ្ជីហើយបន្តផ្សព្វផ្សាយព័ត៌មានក្លែងក្លាយ

បានផុស

នៅ

លោក ផុស សុវណ្ណ អ្នកនាំពាក្យក្រសួងព័ត៌មាន

ជាថ្មីម្តងទៀត ក្រសួងព័ត៌មានបានក្រើនរំលឹក ចំពោះប្រព័ន្ធផ្សព្វផ្សាយដែលមិនបាន ចុះបញ្ជី​នៅក្រសួងព័ត៌មាន ហើយ​ផ្សព្វផ្សាយ​ព័ត៌មានក្លែងក្លាយ និងដំណឹងមិនពិត​ដោយ​ក្រសួង​នឹងមិនអត់ឱនឱ្យទៀត​នោះឡើយ ហើយថានឹងរាយការទៅក្រសួងមហាផ្ទៃ ឲ្យចាត់វិធានការតាមផ្លូវច្បាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ផុស សុវណ្ណ អ្នកនាំពាក្យក្រសួងព័ត៌មាន បានថ្លែងប្រាប់កម្ពុជាថ្មីថា ប្រសិនបើស្ថាប័នផ្សព្វផ្សាយនោះ បានចុះបញ្ជីត្រឹមត្រូវនៅក្រសួងព័ត៌មាន ហើយបើមានការចុះផ្សាយខុស គឺក្រសួងណែនាំឲ្យកែតម្រូវ ប៉ុន្តែប្រសិនបើគ្មានការចុះបញ្ជីទេ គឺក្រសួងព័ត៌មាន នឹងប្រគល់ឲ្យក្រសួងមហាផ្ទៃចាត់វិធានការតាមផ្លូវច្បាប់។

បើតាមលោក ផុស សុវណ្ណ ជាទូទៅព័ត៌មានយើងចែកចេញជាពីរ កន្លមកយើងហៅថា ដំណឹងក្លែងក្លាយ ឬព័ត៌មានក្លែងក្លាយ ប្រសិនបើស្ថាប័នដែលមានការចុះបញ្ជីត្រឹមត្រូវហើយផ្សព្វផ្សាយព័ត៌មានមិនពិត ឬខុស នោះក្រសួងនឹងណែនាំឲ្យកែតម្រូវ តែមិនកែតម្រូវក្រសួងនឹងកោះហៅមកអប់រំណែនាំ ប៉ុន្តែសម្រាប់ការផ្សព្វផ្សាយតាមបណ្តាញសង្គម ដែលមិនបានចុះបញ្ជីក្នុងក្រសួងព័ត៌មាន នោះក្រសួងប្រគល់ភារកិច្ចទៅឲ្យក្រសួងមហាផ្ទៃចាត់វិធានការ។

សម្តេចតេជោ ហ៊ុន សែន នាយករដ្ឋមន្ត្រីកម្ពុជា កាលពីពេលថ្មីៗនេះ ក៏បានព្រមានចាត់ការតាមផ្លូវច្បាប់ចំពោះ ការផ្សព្វផ្សាយព័ត៌មានក្លែងក្លាយ បំភ្លៃការពិតជេរប្រមាថ​ញុះញង់ និង​បំពុល​បរិយាកាស​សង្គម ដែលខុសវិជ្ជាជីវៈ។

សម្តេចតេជោ បញ្ជាក់ថា រាជ​រដ្ឋាភិបាល​នឹង​មិន​អត់​ឱន​ដល់​អ្នក​សារព័ត៌មាន​ដែល​បំពាន​ច្បាប់​មិន​គោរព​វិជ្ជាជីវៈ​ ហើយ​ប្រព្រឹត្ត​អំពើ​ទុច្ចរិត​ជ្រក​ក្រោម​ស្លាក​សារព័ត៌មាន​ បម្រើ​ផល​ប្រយោជន៍​ផ្ទាល់​ខ្លួន ​ដែល​ធ្វើ​ឲ្យ​ប៉ះពាល់​ដល់​សន្តិសុខ សណ្តាប់​ធ្នាប់​របៀប​រៀបរយ​សង្គម​ឡើយ។​

ក្រសួងព័ត៌មានរកឃើញថា នៅឆ្នាំ ២០២០ ក្រុមការងារប្រឆាំងព័ត៌មានក្លែងក្លាយនៃក្រសួងព័ត៌មាន បានស្រង់ប្រភពព័ត៌មានមិនពិត ដំណឹងក្លែងក្លាយ ញុះញង់ រិះគន់ និងជេប្រមាថថ្នាក់ដឹកនាំ និងព្រះមហាក្សត្រចំនួន ១,៣៤៣ ករណី។

ចំណាត់ការរបស់ក្រសួងព័ត៌មាន គឺបានបញ្ជូនរបាយការណ៍ មួយចំនួនទៅសមត្ថកិច្ចក្រសួងមហាផ្ទៃ ក្រុមហ៊ុនហ្វេស ប៊ុក និងក្រសួងប្រៃសណីយ៍ ក្នុងការទប់ស្កាត់ ឬលុបចោលគេហៈទំព័រ ឬព័ត៌មានមួយចំនួន ដែលមិនបានចុះបញ្ជីនៅក្រសួងព័ត៌មាន៕

អត្ថបទ៖ ឡេង ដេត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កូវីដ-១៩២ នាទី មុន

ករណីស្លាប់កូវីដ-១៩ ច្រើនក្នុង១ថ្ងៃមិនធ្លាប់មាននៅខេត្តបន្ទាយមានជ័យ សរុបកើនដល់ ១៦៧ករណី

ព័ត៌មានជាតិ៥ នាទី មុន

ឆេះផ្សារដំបូលខៀវទាំងកណ្តាលអធ្រាត្រ បង្កការភ្ញាក់ផ្អើលដល់សមត្ថកិច្ចចុះអន្តរាគមន៍

ព័ត៌មានអន្ដរជាតិ១១ នាទី មុន

ផ្ទុះបាតុកម្មហិង្សាប្រឆាំងការបិទខ្ទប់នៅទីក្រុងមែលប៊ន ប៉ូលិសចាប់ខ្លួនបាតុករជាង ២០០នាក់ (វីដេអូ)

ព័ត៌មានអន្ដរជាតិ៣៣ នាទី មុន

អាហ្វហ្គានីស្ថាន បើកអនុវិទ្យាល័យឡើងវិញ តែមិនអនុញ្ញាតឲ្យសិស្សស្រីចូលរៀនឡើយ

ព័ត៌មានជាតិ៤២ នាទី មុន

កម្ពុជា បន្តទទួលរងនូវឥទ្ធិពលនៃជ្រលងសម្ពាធទាបឥណ្ឌា និងខ្យល់មូសុងនិរតីខ្សោយ

Sokha Hotels

ព័ត៌មានពេញនិយម

Helistar Cambodia - Helicopter Charter Services