ព័ត៌មានជាតិ
កូនខ្មែរមួយរូប កែច្នៃមើមឈូកជាផលិតផលសម្រេច៤មុខ គ្រោងលក់ហ្វេ្រនឆាយ
លោក ឡុង គន្ធា គឺជាកូនអ្នកខេត្តពោធិ៍សាត់ បានកែច្នៃមើមឈូកចេញជាផលិតផលសម្រេចចំនួន ៤មុខ រួមមាន ម្សៅមើមឈូក មើមឈូកក្រឡុក មើមឈូកក្រៀម និងមើមឈូកបំពង និងគ្រោងលក់ហ្វ្រេនឆាយផងដែរ។
ចំពោះផលិតផលសម្រេចនេះ កើតចេញពីមើមឈូកដែលលោក ឡុង គន្ធា បានដាំដោយខ្លួនឯង លើផ្ទៃដីជាង ២ហិចតា នៅខេត្តព្រៃវែង។ លោកមានបច្ចេកទេស និងចំណេះដឹងដាំដុះនេះ ពីប្រទេសជប៉ុន នៅពេលដែលោកធ្វើការនៅទីនោះ។
ម្ចាស់កសិដ្ឋានមើមឈូក ខេ ធី លោក គន្ធា បានឱ្យកម្ពុជាថ្មីដឹងថា ការកែច្នៃម្សៅមើមឈូកជាមធ្យមក្នុងមួយខែ អាចចែកចាយចន្លោះពី ៥០ គីឡូ ទៅ ៦០ គីឡូ ក្នុងនោះ សម្រាប់តម្លៃបោះដុំពី ៤ម៉ឺន ទៅ ៤ម៉ឺន៥ពាន់រៀលរៀល ក្នុងមួយគីឡូ។ លោកបញ្ជាក់ថា បរិមាណផ្គត់ផ្គង់នៅមានកម្រិតទាបនៅឡើយ ដោយក្នុងមួយថ្ងៃបានត្រឹម ១ គីឡូ ទៅ ២ គីឡួ ប៉ុណ្ណោះ ខណៈពុំសូវមានអ្នកស្គាល់ ឬដឹងច្រើននៅឡើយ អំពីកសិដ្ឋានរបស់លោក។
លោក គន្ធា បានលើកឡើងថា« ខ្ញុំកំពុងសិក្សាបន្ថែម ទៅលើការការវិចខ្ចប់ ឱ្យស្របតាមផលិតផល ដែលមានលក្ខណៈស្ដង់ដារបច្ចេកទេស (QR Code និង Logo) និងគុណភាពអនាម័យ ដើម្បីចែកចាយនៅក្នុងទីផ្សារ ក៏ជាត្រៀមលក់ហ្រ្វេនឆាយ (franchise) បន្តសម្រាប់អ្នកចង់បង្កើតចំណូលលើអាជីវកម្មមួយប្រភេទមួយនេះផងដែរ»។
បើតាមលោក ឡុង គន្ធា បានបញ្ជាក់ថា ផលិតផលកែច្នៃចេញពីកសិដ្ឋានលោក មានការគាំទ្រពីអភិបាលខេត្តព្រៃវែង ខណៈដែលលោកបានចូលរួមកិច្ចពិភាក្សាស្តីពីភូមិមួយផលិតផលមួយ កាលពីពេលថ្មីៗនេះ។ ជាមួយគ្នានេះ អ្នកចូលរួមក៏បានសម្តែងការគាំទ្រ និងកោតសរសើរចំពោះការច្នៃមើមឈូកបំពង ទៅជាប្រភេទមុខម្ហូប ដែលមានរសជាតិឆ្ងាញ់ប្លែក ផងដែរ។
លោក គន្ធា បានចំណូលពីអាជីវកម្មដាំដុះមើមឈូកជប៉ុន និងកែច្នៃចេញជាផលិតផលផ្សេងៗ តាមរយៈកសិដ្ឋានរបស់លោកប្រមាណ ៣ម៉ឺន ទៅ ៤ម៉ឺនដុល្លារ ក្នុងមួយហិចតា។ អាជីពនេះ បានធ្វើឱ្យគ្រួសារលោកមានកម្រិតជីវភាពល្អប្រសើរ បើធៀបនឹងកាលដែលលោកនៅធ្វើជាពលករចំណាកស្រុក។
ម្ចាស់កសិដ្ឋានរូបនេះ រំពឹងថា រយៈពេលដ៏ខ្លីខាងមុខ លោកនឹងពង្រីកកែច្នៃផលិតផលផ្សេងៗ ចេញពីមើមឈូកបន្ថែមទៀត។ លោកក៏បានស្នើដល់ប្រជាពលរដ្ឋ និងអ្នកប្រើប្រាស់ទំាងអស់ ជួយគាំទ្រផលិតផល ដែលបង្កើតបានដោយស្នាដៃកូនខ្មែរ ទាំងនៅក្នុងស្រុក និងនាំចេញទៅវត្ថុធាតុដើមម្សៅមើមឈូកទៅក្រៅប្រទេស៕
អត្ថបទ ៖ ផល ធារិត
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ