ព័ត៌មានជាតិ
អតីតពលករខ្មែរម្នាក់ ដាំឈូកជប៉ុនយកមើម មានទីផ្សារល្អនៅកម្ពុជា ចំណូលខ្ទង់ម៉ឺនដុល្លារ
អតីតពលករខ្មែរ លោក ឡុង គន្ធា បានចាប់ផ្តើមដាំឈូកជប៉ុនយកមើម នៅកម្ពុជា អំឡុងឆ្នាំ ២០១៩ ក្រោយពីលោកបានបញ្ចប់ការងារជាពលករ និងបាននាំយកបច្ចេកទេសដាំនេះ មកពីប្រទេសជប៉ុន។

ការសម្រេចចិត្តដាំមើមឈូកជប៉ុននៅកម្ពុជា ដោយលោកមើលឃើញពីសក្តានុពលទីផ្សារ និងគុណសម្បត្តិនៃមើមឈូកមួយប្រភេទនេះ អាចយកទៅកែច្នែជាធ្វើម្ហូបអាហារបានជាច្រើនមុខ និងជួយដល់សុខភាពផងដែរ។
ថ្លែងប្រាប់កម្ពុជាកម្ពុជាថ្មី លោក ឡុង គន្ធា បានលើកឡើងថា «ខ្ញុំធ្លាប់ធ្វើជាពលករនៅជប៉ុនអស់រយៈពេល ៧ឆ្នាំ ក្រោយត្រឡប់មកមាតុភូមិកំណើតវិញក្នុងឆ្នាំ ២០១៩ ខ្ញុំក៏ចាប់ផ្ដើមសាកល្បងដាំ និងបង្កាត់ពូជមើមឈូកដោយខ្លួនឯង តាមជំនាញ និងបច្ចេកទេសពីជប៉ុន»។
មកទល់សព្វថ្ងៃនេះ លោក ឡុង គន្ធា បានក្លាយជាម្ចាស់កសិដ្ឋានមើមឈូក ខេ ធី ដែលកំពុងជោគជ័យក្នុងការដាំមើមឈូក និងបន្តពង្រីកផ្ទៃដីដាំដុះបានប្រមាណ ២ ហិចតា នៅភូមិព្រៃចំការ ឃុំស្មោងខាងត្បូង ខេត្តព្រៃវែង ដោយទទួលបានទិន្នផលក្នុងមួយហិចតា បានប្រមាណ ១៥ តោន ទៅ ២៥ តោន។
ម្ចាស់កសិដ្ឋានរូបនេះ បានឱ្យដឹងបន្ថែមទៀតថា ជាមធ្យមនៅក្នុងមួយថ្ងៃសម្រាប់ការផ្គត់ផ្គង់ ប្រហែលជាង ៥០ គីឡូក្រាម ក្នុង ១ គីឡូក្រាមមានតម្លៃ ១ម៉ឺនរៀល ដោយអាចផ្តល់ចំណូលដល់លោកចន្លោះពី ៥០ម៉ឺន ទៅ ១លានរៀល។ បើតាមលោក គន្ធា មើមឈូកនេះ ជាប្រភេទបន្លែធម្មជាតិម្យ៉ាង ដែលមានរសជាតិឆ្ងាញ់ និងអាចយកទៅកែច្នៃធ្វើជាម្ហូបបានជាច្រើនទម្រង់ដូចជា ស្ងោរស៊ុប ឆា បំពង ជាពិសេសអាចយកក្រឡុកធ្វើភេជ្ជៈបានផងដែរ។

ចំពោះការដាំដុះមើមឈូកជប៉ុននេះ មានការលំបាកខ្លះដែរ ជាពិសេសទៅលើបញ្ហាប្រភពទឹក។ ។ ដំណាំនេះ អាចប្រមូលផលបានក្នុងមួយហិចតា ចន្លោះពី ៣ម៉ឺន ទៅ ៤ម៉ឺនដុល្លារ។
ជុំវិញបច្ចេកទេសនៃការដាំមើមឈូកនេះ លោក គន្ធា ស្វាគមន៍ចំពោះប្រជាកសិករណាដែលមានបំណងចង់ចេះ និងរៀនចំណេះដឹងនៃការដាំដុះ លោកនឹងចែករំលែកជូនដោយមិនគិតថ្លៃ ដើម្បីរួមចំណែកក្នុងការបង្កើតប្រាក់ចំណូល និងមុខរបរ ជាពិសេសចូលរួមអភិវឌ្ឍវិស័យកសិកម្មកម្ពុជាផងដែរ។
សូមបញ្ជាក់ថា មើមឈូកជប៉ុននេះ ជាបន្លែមួយប្រភេទ ដែលជួយដល់សុខភាព សម្បូរជាតិវីតាមីន និងសារធាតុរ៉ែ ដូចជា ពពួកវីតាមីន B វីតាមីន C ជាតិសរសៃ Fiber ជាតិដែក ស្ពាន់ ស័ង្កសី ម៉ាញ៉េស្យូម ម៉ង់ហ្គាណែស និងកាលស្យូមជាដើម។
អត្ថបទ៖ ផល ធារិត
-
ព័ត៌មានជាតិ៦ ថ្ងៃ មុន
កូនប្រសារសម្ដេច ហេង សំរិន កំពុងកាន់តំណែងនៅរដ្ឋសភា រាជរដ្ឋាភិបាល និងជាអភិបាលខេត្ត
-
ព័ត៌មានអន្ដរជាតិ១ សប្តាហ៍ មុន
ទំនាយ៦យ៉ាងរបស់លោកយាយ Baba Vanga ក្នុងឆ្នាំ២០២៤ ខ្លាំងជាង ២០២៣
-
ព័ត៌មានជាតិ៥ ថ្ងៃ មុន
៣០ ឆ្នាំចុងក្រោយ ឥស្សរជនចំនួន១៤រូប ទទួលបានគោរមងារជា “សម្ដេច”
-
ព័ត៌មានអន្ដរជាតិ៦ ថ្ងៃ មុន
មេទ័ពអាមេរិក ថា សល់ពេល ៣០ ថ្ងៃទៀតប៉ុណ្ណោះ បើអ៊ុយក្រែន វាយរុស្ស៊ី មិនបែក នោះពិបាកហើយ
-
ព័ត៌មានជាតិ៥ ថ្ងៃ មុន
ថ្ងៃសៅរ៍នេះ ទូតបារាំង បើកឱកាសជាថ្មី ឱ្យសាធារណជនចូលទស្សនាឧទ្យានដ៏ស្រស់ស្អាតទំហំជិត៥ហិកតា
-
ព័ត៌មានជាតិ៤ ថ្ងៃ មុន
លោកឧកញ៉ា ចាន់ សុឃាំង បង្ហាញមូលហេតុបង្កឱ្យស្រូវប្រែប្រួលតម្លៃ
-
សន្តិសុខសង្គម២ ថ្ងៃ មុន
បងថ្លៃស្រីចាក់សម្លាប់ប្អូនស្រី និងកូនអាយុជាងមួយឆ្នាំប្លន់យកលុយជាង៤០លានរៀល
-
ព័ត៌មានជាតិ៤ ថ្ងៃ មុន
ទីបំផុត ស្រ្តីតែងខ្លួនជាប្រុសម្នាក់ត្រូវបានសមត្ថកិច្ចចាប់ខ្លួន ក្រោយតាមរំខានយុវតីម្នាក់រាប់ឆ្នាំ