ព័ត៌មានជាតិ
អ្នកនាំពាក្យ៖ ក្រសួងកសិកម្ម នឹងផ្តល់ជំនួយបច្ចេកទេសដល់វារីវប្បករកំពុងប្រឈមបញ្ហា
អនុរដ្ឋលេខាធិការ និងជាអ្នកនាំពាក្យក្រសួងកសិកម្មលោកជំទាវ អ៊ឹម រចនា បានកត់សម្គាល់ថា បច្ចុប្បន្ននេះឃើញមាននិន្នាការថយចុះនៃអ្នកចិញ្ចឹមត្រី ប៉ុន្តែការថយចុះនេះ គឺស្ថិតនៅក្នុងរង្វង់សមាជិកសមាគមនៃវារីវប្បករប៉ុណ្ណោះ ដោយមិនបានឆ្លុះបញ្ចាំងពីការថយចុះនៃអ្នកចិញ្ចឹមត្រី នៅក្នុងប្រទេសកម្ពុជា ទាំងមូលនោះទេ ជារួម អ្នកចិញ្ចឹមលក្ខណៈគ្រួសារនៅតែបន្តសកម្មភាពដូចធម្មតា។
អ្នកនាំពាក្យក្រសួងកសិកម្ម បានកត់សម្គាល់ឃើញទៀតថា វិស័យវារីវប្បកម្មនៅកម្ពុជា មិនទាន់បានអនុវត្តចិញ្ចឹមត្រីស្របទៅតាមលក្ខណៈបច្ចេកទេសបានត្រឹមត្រូវ ហើយការដាក់កូនត្រីលើសចំណុះ និងការដាក់ចំណីឱ្យត្រីហូសកំណត់ ធ្វើឱ្យថ្លៃដើមនៃការផលិតកើនឡើងខ្ពស់។
ជុំវិញបញ្ហានេះ អនុរដ្ឋលេខាធិការក្រសួងកសិកម្ម បានសំណូមពរទាំងសមាជិកសមាគមវារីវប្បករ និងពលរដ្ឋដែលចិញ្ចឹមតាមលក្ខណៈគ្រួសារ ស្វែងយល់ពីបច្ចេកទេសនៃការចិញ្ចឹមត្រីឱ្យបានត្រឹមត្រូវ ជាពិសេសទាក់ទងនឹងការដាក់កូនត្រី និងរបៀបឱ្យចំណីជាដើម។
បើតាមលោកជំទាវ អ៊ឹម រចនា ប្រសិនបើប្រជាកសិករ ឬអ្នកចិញ្ចឹមត្រី ត្រូវការជំនួយផ្នែកបច្ចេកទេស អាចទាក់ទងទៅក្រសួងកសិកម្ម តាមរយៈលេខ ១២៨៩ ដោយឥតគិតថ្លៃ នោះមន្រ្តីក្រសួងនឹងស្វែងរកអ្នកជំនាញ ដើម្បីផ្តល់ចម្លើយដល់ប្រជាកសិករដែលបានសួរ។
លោក ឡែមផូរ សុថាវរិទ្ធិ គណៈកម្មការប្រតិបត្តិ នៃសមាគមវារីវប្បករកម្ពុជា បានលើកឡើងថា កត្ដាចម្បងដែលធ្វើឱ្យអ្នកចិញ្ចឹមមានការធ្លាក់ចុះ ដោយសារមានការខាតបង់ ព្រោះវារីវប្បករចូលចិត្តចិញ្ចឹមតាមបែបប្រពៃណី ដោយមិនអនុវត្តតាមស្ដង់ដារបច្ចេកទេស ឱ្យបានត្រឹមត្រូវ ដូចជា ការដាក់កូន ត្រីលើសចំណុះ និងខ្ជះខ្ជាយនៃការប្រើប្រាស់ចំណីហួសកំណត់ ជាដើម។
លោកបានគូសបញ្ជាក់ថា ការចិញ្ចឹមត្រីរបស់សមាជិកក្នុងសមាគម មានការធ្លាក់ចុះប្រមាណជិត ៦០ ភាគរយ បន្ទាប់ពីមានប្រជាកសិករ មួយចំនួនបានផ្អាកការចិញ្ចឹម និងមួយចំនួនទៀតកាត់បន្ថយបរិមាណចិញ្ចឹមក្នុងស្រះ ក្រោយតម្លៃចំណីត្រី មានការកើនឡើង ខណៈត្រីមានតម្លៃទាបខ្លាំងនៅអំឡុងខែ ឧសភា កន្លងទៅ ធ្វើឱ្យអ្នកចិញ្ចឹមពុំសូវទទួលបានប្រាក់ចំណេញ ឬប្រឈមនឹងការខាតបង់។
លោកបន្តថា បច្ចុប្បន្ននេះ វត្ថុធាតុដើមមានតម្លៃថ្លៃ ពោលគឺចំណីគ្រាប់ឡើងថ្លៃពី ២០-៣០ ភាគរយ ចំណីដែលមាន ធាតុផ្សំសំខាន់ៗ ដូចជា កន្ទក់មានតម្លៃឡើងដល់ជាង ៦០០រៀល ទៅ ១ ៣០០ រៀលក្នុងមួយគីឡូ និងឧបករណ៍ប្រើប្រាស់ផ្សេងៗទៀត ខណៈតម្លៃត្រីនៅដដែល។
បើតាមលោក ឡែមផូរ សុថាវរិទ្ធិ គិតមកដល់ពេលនេះ សមាជិករបស់សមាគមសរុបមានចំនួន ១០៦៣ នាក់ ក្នុងនោះមានអ្នកចិញ្ចឹម ៧៥៣ នាក់ ស្មើនឹងជាង ៧០០ កសិដ្ឋាន (សិដ្ឋានខ្នាតតូច មធ្យម និងខ្នាតធំ)៕
-
ព័ត៌មានជាតិ២២ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល