ព័ត៌មានជាតិ
ក្រសួងមហាផ្ទៃចុះស្រាវជ្រាវ ការគ្រប់គ្រងនិងការអភិរក្សដីសមូហភាពរបស់ជនជាតិដើមភាគតិច
ក្រសួងមហាផ្ទៃសហការជាមួយភាគីពាក់ព័ន្ធនឹងចុះស្រាវជ្រាវ ការគ្រប់គ្រង និងការអភិរក្សដីសមូហភាពរបស់ជនជាតិដើមភាគតិចដើម្បីជួយលើកកម្ពស់ការរស់នៅរបស់បងប្អូនជនជាតិភាគតិចឲ្យបានកាន់តែប្រសើរឡើងថែមទៀត។
ថ្លែងក្នុងកិច្ចប្រជុំក្រុមការងារស្ដីពីបេសកកម្មសិក្សា ស្រាវជ្រាវ ការគ្រប់គ្រង និងការអភិរក្សដីសមូហភាពរបស់ជនជាតិដើមភាគតិចនៅទីស្ដីក្រសួងមហាផ្ទៃ នាព្រឹកថ្ងៃទី៥ ខែកុម្ភៈ ឆ្នាំ២០២១ លោក ងី ច័ន្ទ្រផល រដ្ឋលេខាធិការក្រសួងមហាផ្ទៃបានមានប្រសាសន៍ថា ប្រជាពលរដ្ឋនៅខេត្តមណ្ឌលគិរី ហើយនៅខេត្តមណ្ឌលគិរី នៅមានបញ្ហាប្រឈមច្រើន រួមទាំងដីសហគមន៍ជនជាតិដើមភាគតិចផងដែរ។
ពាក់ព័ន្ធនឹងដីសហគមន៍នេះ លោកបានបន្តថា « ការសិក្សា ស្រាវជ្រាវ ការគ្រប់គ្រង និងការអភិរក្សដីសមូហភាពរបស់ជនជាតិដើមភាគតិចនៅមិនទាន់មានការសិក្សាស្រាវជ្រាវបានគ្រប់គ្រាន់នៅឡើយ ហើយនៅមានបញ្ហាប្រឈមជាច្រើន ដែលទាមទារឲ្យមានការចូលរួមពីភាគីពាក់ព័ន្ធដើម្បីរៀបចំ និង បំពេញកិច្ចការងារនេះឲ្យកាន់តែសុក្រឹត្យ»។
បន្ថែមពីនេះ លោក បានណែនាំដល់ក្រុមការងារត្រូវរួមគ្នាសិក្សាពីបញ្ហាប្រឈមនានារបស់បងប្អូនជនជាតិដើមភាគតិច ហើយតើគួរមានវិធីសាស្ត្រ ឬកម្មវិធីបែបណា ដើម្បីជួយដោះស្រាយបញ្ហារបស់ពួកគាត់នាពេលអនាគត។
លោក រដ្ឋលេខាធិការ បានស្នើដល់ភាគីពាក់ព័ន្ធអង្គប្រជុំឲ្យចូលរួមជាមតិយោបល់ដើម្បីទទួលបាននូវធាតុចូលនានាក្នុងការរិះរកវិធីសាស្ត្រដោះស្រាយបញ្ហាប្រឈម និងដំណើរការនៃការសិក្សា ស្រាវជ្រាវ លើការគ្រប់គ្រង និងការអភិរក្សដីសមូហភាពរបស់ជនជាតិដើមភាគតិចទទួលបានលទ្ធផលល្អប្រសើរ ក្នុងការដាក់សំណើទៅកាន់រាជរដ្ឋាភិបាលនិងមានការសិក្សារួមគ្នាជាមួយក្រសួងពាក់ព័ន្ធនានា។
ជាមួយគ្នានេះ លោក ងី ច័ន្ទ្រផល ក៏បានលើកឡើងថា «យើងត្រូវមានការយកចិត្តទុកដាក់ដល់ជនជាតិដើមភាគតិច ក៏ដូចជាការគ្រប់គ្រង និងការអភិរក្សដីសមូហភាពរបស់ជនជាតិដើមភាគតិចផងដែរ»។
សូមរំលឹកថា កាលពីឆ្នាំ១៩៩៤ រាជរដ្ឋាភិបាលបានបង្កើតគណៈកម្មការអន្តរក្រសួងសម្រាប់ការអភិវឌ្ឍជនជាតិភាគតិច សហការជាមួយកម្មវិធីអង្គការសហប្រជាជាតិ ដើម្បីធ្វើការអភិវឌ្ឍដល់បងប្អូនជនជាតិដើមភាគតិចដែលកំពុងរស់នៅក្នុងតំបន់ភ្នំ និងខ្ពង់រាប។
បន្ថែមពីនេះ ក្នុងឆ្នាំ២០០៩ សម្រាប់ការអភិវឌ្ឍជនជាតិដើមភាគតិច រាជរដ្ឋាភិបាលមានគោលនយោបាយមួយចំនួន ដូចជា គោលនយោបាយស្ដីពីការចុះបញ្ជីដី និងសិទ្ធិប្រើប្រាស់ដីសហគមន៍ជនជាតិដើមភាគតិចនៅព្រះរាជាណាចក្រកម្ពុជា គោលនយោបាយជាតិ ស្ដីពីការអភិវឌ្ឍជនជាតិដើមភាគតិច ក៏ដូចជាលិខិតបទដ្ឋានគតិយុត្តិពាក់ព័ន្ធ។
ជាងនេះទៅទៀត ក្នុងឆ្នាំ២០១៩ ស្របតាមគោលនយោបាយរបស់រាជរដ្ឋាភិបាល ក្រសួងមហាផ្ទៃ មានសមត្ថកិច្ចក្នុងការផ្ដល់ភាពជានីតិបុគ្គល ជូនដល់សហគមន៍ជនជាតិដើមភាគតិច ដើម្បីទទួលបានសិទ្ធិពេញលេញសម្រាប់ស្នើសុំចុះបញ្ជីជាកម្មសិទ្ធិសមូហភាព៕
ដោយ ៖ សំអឿន
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២១ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង