ព័ត៌មានជាតិ

ក្រសួងបរិស្ថាន ប្រកាសប្រមូលសំណល់បរិក្ខារអគ្គិសនីពីពលរដ្ឋ សំដៅការពារផលប៉ះពាល់បរិស្ថាន

បានផុស

៣ years មុន

នៅ

ថ្ងៃអង្គារ ២៤ តុលា ២០២៣

ដោយ

ក្រោមការសហការជាមួយក្រុមហ៊ុន ហ៊ុន អេកូបាត អេនើជី អ៊ិនវេសម៉ិន អ៊ិនធើណេសិនណល ឯ.ក ក្រសួងបរិស្ថាន បានសម្រេចធ្វើការប្រមូលសំណល់អាគុយ សំណល់ថ្មពិល និងសំណល់បរិក្ខារអគ្គិសនី និងអេឡិចត្រូនិកនានា ដើម្បីយកមកទុកដាក់ឱ្យបានត្រឹមត្រូវនិងប្រកបដោយសុវត្ថិភាពបរិស្ថាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងបរិស្ថាន បានចង្អុលបង្ហាញថា សំណល់ដែលក្រសួងនិងក្រុមហ៊ុនសហការ សម្រេចប្រមូលយកមកវិញពីសាធារណជន មានជាអាទិ៍ ទូរស័ព្ទ កុំព្យូទ័រ ទូរទស្សន៍ ទូទឹកកក ម៉ាស៊ីនត្រជាក់ ម៉ាស៊ីនបោកគក់ ម៉ាស៊ីនព្រីន និងម៉ាស៊ីនថតចម្លងជាដើម។

ក្រសួងបរិស្ថានបានពន្យល់ថា ដោយសារតែពពួកសំណល់អាគុយ សំណល់ថ្មពិល និងសំណល់បរិក្ខារអគ្គិសនី និងអេឡិចត្រូនិក ត្រូវបានចាត់ទុកជាសំណល់ដែលគ្រោះថ្នាក់ ដោយសារវាមានផ្ទុកសារធាតុគ្រោះថ្នាក់មានកម្រិតពុលខ្លាំង ដូចជា បារត កាត់ម្ញ៉ូម នីកែល ក្រូម អាសេនិក និងសំណ ហេតុនេះការទុកដាក់ឬបោះចោលសំណល់អាគុយ សំណល់ថ្មពិល និងសំណល់បរិក្ខារអគ្គិសនី និងអេឡិចត្រូនិកមិនបានត្រឹមត្រូវ នឹងធ្វើឱ្យមានការសាយភាយសារធាតុគ្រោះថ្នាក់ចូលក្នុងបរិស្ថាន និងបង្កផលប៉ះពាល់ធ្ងន់ធ្ងរដល់សុខភាពមនុស្សដូចជា ប៉ះពាល់ឆ្អឹង ខូចតម្រងនោម ខូចប្រព័ន្ធប្រសាទ ខូចចលនាសាច់ដុំ ខូចប្រព័ន្ធភាពស៊ាំ និងប៉ះពាល់ការបង្កកំណើតទារក និងទារកក្នុងផ្ទៃ ជាដើម។

ក្រសួងបរិស្ថាន អំពាវនាវដល់សាធារណជនទាំងអស់រក្សាទុកសំណល់អាគុយ សំណល់ថ្មពិល និងសំណល់បរិក្ខារអគ្គិសនី និងអេឡិចត្រូនិកជាបណ្ដោះអាសន្នឱ្យបានត្រឹមត្រូវ និងយកទៅទុកនៅទីតាំងដែលមានធុងប្រមូលសំណល់អាគុយ សំណល់ថ្មពិល និងសំណល់បរិក្ខារអគ្គិសនី និងអេឡិចត្រូនិក ឬទំនាក់ទំនង ទៅកាន់លេខទូរស័ព្ទ ០១១ ៣៩៩ ១២២/០១១ ៩៩៩ ៩១០/០១៧ ៤៦១ ៨១៩៕

Related Topics:អេឡិចត្រូនិក ក្រសួងបរិស្ថាន

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា