ព័ត៌មានជាតិ
សម្ដេចតេជោ ហ៊ុន សែន អនុញ្ញាតឲ្យនគរបាលការពារព្រំដែនគោក-ទឹក ចាក់វ៉ាក់សាំងប្រឆាំងកូវីដ-១៩ជាមួយកងទ័ព
សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានអនុញ្ញាតឲ្យកងកម្លាំងនគរបាលវរៈសេនាតូចការពារព្រំដែនគោក និងព្រំដែនទឹក ចាក់វាក់សាំងប្រឆាំងកូវីដ-១៩ នៅអំឡុងពេលជាមួយកងយោធពលខេមរភូមិន្ទ។
ការសម្រេចអនុញ្ញាតឲ្យមានការចាក់វ៉ាក់សាំងរួមគ្នា របស់សម្ដេចអគ្គមហាសេនាបតីតេជោ ហ៊ុន សែន បានធ្វើឡើងបន្ទាប់ពីនាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិបានស្នើសុំទៅសម្ដេចអគ្គមហាសេនាបតីតេជោ ហ៊ុន សែន ដើម្បីអនុញ្ញាតឲ្យមានការចាក់វ៉ាក់សាំងការពារកូវីដ-១៩ ជូនកម្លាំងនគរបាលវរសេនាតូចការពារព្រំដែនគោក និងទឹក ជាមួយកងយោធពលខេមរភូមិន្ទ។
លិខិតរបស់នាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ ដែលផ្ញើជូនសម្ដេចតេជោ ហ៊ុន សែន កាលពីថ្ងៃទី០៤ ខែកុម្ភៈ ឆ្នាំ២០២១ បានបញ្ជាក់ថា “អនុវត្តតាមអនុសាសន៍ដ៏ខ្ពង់ខ្ពស់របស់សម្ដេចវាជោ ហ៊ុន សែន ដែលផ្ដល់អាទិភាពដល់កងកម្លាំងជួរមុខ ដើម្បីទទួលបាននូវវាក់សាំងការពារ Covid-19 នោះអគ្គស្នងការនគរបាលជាតិបានពិចារណានិងស្នើសុំសម្ដេចតេជោមេត្តាអនុញ្ញាតដ៏ខ្ពង់ខ្ពស់ផ្ដល់ការចាក់វ៉ាក់សាំងការពារ Covid-19 ដល់កងកម្លាំងនគរបាលវរៈសេនាតូចការពារព្រំដែនគោក-ទឹក ដែលមានចំនួនសរុប៥២២៨ នាក់ ក្នុងពេលជាមួយការចាក់វ៉ាក់សាំងដល់កងយោធពលខេមរភូមិន្ទ”។
ជាមួយគ្នានោះ នាយឧត្តមសេនីយ៍សន្តិបណ្ឌិត នេត សាវឿន បានបញ្ជាក់ថា ក្នុងនាមកងកម្លាំងនគរបាលជាតិ ជាពិសេសផងកម្លាំងនគរបាលវរសេនាតូចការពារព្រំដែនគោក-ទឹក បានថ្លែងអំណរគុណយ៉ាងជ្រាលជ្រៅបំផុតចំពោះសម្ដេចតេជោ ដែលតែងតែយកចិត្តទុកដាក់ដោះស្រាយការលំបាក រួមទាំងសុខមាលភាពរបស់កងកម្លាំងនគរបាលជាតិនៅជួរមុខ។
ដោយផ្អែកតាមសំណើសុំរបស់នាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ នៅថ្ងៃទី២៥ ខែកុម្ភៈ ឆ្នាំ២០២១នេះ សម្ដេចអគ្គមហាសេនាបតីតេជោ ហ៊ុន សែន បានសម្រេចយល់ព្រម ហើយប្រគល់ជូនសម្ដេចពិជ័យសេនាទាបាញ់ រៀបចំការចាក់វ៉ាក់សាំងនេះ នៅអំឡុងពេលជាមួយកងទ័ព។
សូមបញ្ជាក់ថា វ៉ាក់សាំងប្រឆាំងកូវី-១៩ ដែលជំនួយរបស់ប្រទេសចិន នឹងមកដល់នៅថ្ងៃអាទិត្យទី០៧ ខែកុម្ភៈ ខាងមុខ ហើយនៅពេលវាក់សាំងមកដល់ សម្ដេចតេជោ ហ៊ុន សែន នឹងទៅទទួលដោយផ្ទាល់នៅព្រលានយន្តហោះអន្តរជាតិភ្នំពេញ អមដោយមន្ត្រីពាក់ព័ន្ធ។ ជាមួយគ្នានោះ សម្ដេចតេជោ ហ៊ុន សែន បានកំណត់យកថ្ងៃទី១០ ខែកុម្ភៈ ខាងមុខនេះ (មុនចូលឆ្នាំចិន) សម្រាប់រៀបចំកម្មវិធីចាក់វ៉ាក់សាំងជាលើកដំបូង ដែលពិធីនេះ នឹងរៀបចំនៅមន្ទីរពេទ្យកាល់ម៉ែត ហើយសម្ដេចនឹងទទួលការចាក់វ៉ាក់សាំងនេះមុនគេជាមួយ នឹងមន្ត្រីជាន់ខ្ពស់ នៃរាជរដ្ឋាភិបាលមួយចំនួនទៀត ហើយក្រោយពេលចាក់វ៉ាក់សាំងរួច សម្តេចនឹងធ្វើសន្និសីទសារព័ត៌មានចេញពីមន្ទីរពេទ្យកាល់ម៉ែត ដែលជាទីតាំងចាក់វ៉ាក់សាំងនោះតែម្ដង៕
ដោយ ៖ កោះកែវ
គោយន្តកែច្នៃជ្រុលទៅបុកម៉ូតូ បណ្ដាលឲ្យមនុស្ស២នាក់បានស្លាប់ និង ៤នាក់ទៀតរបួសធ្ងន់ស្រាល
អ្នកភ្នំពេញរស់នៅតំបន់ផ្ទុះកូវីដ១៩ចង់ទៅខេត្តកោះកុងត្រូវយកសំណាកនិងធ្វើចត្តាឡីស័ក១៤ថ្ងៃសិន
លោក ជិន ម៉ាលីន ពន្យល់៣ចំណុចអំពីទិដ្ឋភាពច្បាប់ និងនីតិវិធីតុលាការ ពាក់ព័ន្ធព្រឹត្តិការណ៏៩ វិច្ឆិកា
រកឃើញអ្នកពាក់ព័ន្ធជាង១៥០នាក់ជាមួយជនជាតិចិន២នាក់ ឆ្លងកូវីដ១៩នៅខេត្តកោះកុង
ចាប់ពិន័យបុរសពីរនាក់ នៅខេត្តព្រះសីហនុម្នាក់២លានរៀល ដោយសារបំពានវិធានការចត្តាឡីស័ក
(មានសំឡេង) ខ្ញុំឃើញភ្ញៀវរត់ចេញប្រសាច ស្ថានការណ៍ក្លាយជាច្របូកច្របល់ ពួកយើងភាន់ភាំង…
ដំណឹងដ៏រំភើប! កម្ពុជា នឹងទទួលបានវ៉ាក់សាំងកូវីដពី UNICEF
មកស្គាល់សាលាកូនអ្នកមានទាំង ៥ នៅភ្នំពេញ មួយឆ្នាំបង់លុយរៀនខ្ទង់ម៉ឺនដុល្លារ ទើបទៅរួច
ដំណឹងល្អ! កម្ពុជានិងប្រទេសអាស៊ីអាគ្នេយ៍៥ទៀតនឹងទទួលបានវ៉ាក់សាំងកូវីដ
ឃាត់ខ្លួនជនដៃដល់ដែលបាញ់ប្រហារស្រ្តីម្នាក់នៅខេត្តសៀមរាប
-
ព័ត៌មានអន្ដរជាតិ1 week agoវេជ្ជបណ្ឌិតជំនាញ៖ រោគសញ្ញាកូវីដ-១៩ អាចបន្តមានរយៈពេល ៦ សប្តាហ៍ បន្ទាប់ពីធ្វើតេស្ត
-
ព័ត៌មានជាតិ7 hours agoច្បាប់ថ្មី៖ អ្នកចម្លងជំងឺកូវីដ-១៩ទៅអ្នកដទៃ ត្រូវដាក់ពន្ធនាគារពី៦ខែ ដល់១០ឆ្នាំ ពិន័យពី ២លាន ដល់ ២០លានរៀល
-
ព័ត៌មានជាតិ7 hours agoសម្តីពីមាត់ឃាតក ស្រឡាញ់នារីរងគ្រោះ៤ខែ ទ្រាំមិនបានចាប់រំលោភ ខ្លាចបែកការណ៍ទើបសម្លាប់ចោល
-
ព័ត៌មានជាតិ6 hours agoផ្ទុះកូវីដនៅជ្រៃធំ ដាក់មនុស្ស ៧០០ នាក់ឲ្យធ្វើចត្តាឡីស័ក
-
ព័ត៌មានជាតិ22 hours agoសមត្ថកិច្ចខេត្តសៀមរាបចាប់បានឃាតករំលោភ និងសម្លាប់នារីនៅខេត្តបន្ទាយមានជ័យ បានហើយ
-
ជំនឿ6 days agoតើសុបិនឃើញនាយករដ្ឋមន្ត្រីមកលេងដល់កន្លែង មានន័យយ៉ាងណាដែរ?
-
ព័ត៌មានអន្ដរជាតិ1 week agoគ្មាននរណាអាចបញ្ជាក់ថា វីរុសកូវីដ១៩ ឆ្លងមកពីណាឲ្យប្រាកដ សូម្បីតែ WHO
-
ព័ត៌មានជាតិ14 hours agoអាជ្ញាធរចុះបាញ់ថ្នាំទំាងយប់ផ្សារក្តាម ក្រោយគូសង្សារចិនឆ្លងកូវីដ ១៩
